Sunday, July 19, 2015

ಮುಂಜಾನೆಯ ಸಿಹಿ ಮಬ್ಬಿನಲಿ ,,,,,,,,,,,,,,,,,,




 ಮುಂಜಾನೆಯ ಸಿಹಿ ಮಬ್ಬಿನಲಿ 
ಉದಯಿಸಿದ ಹೊಸ ರಾಗ
ಅರಳಿಸುತ ಹೊಸ ಮೋಹ 
ಹೃದಯದಿ  ಹೊಸ  ದಾಹ 
ಹೊತ್ತೇರಿದಂತೆ ಮತ್ತೇರಿಸುತ
ನಿನ್ನೊಲವಿನ ಸವಿ ಆಕರ್ಷಣೆ 
ಗಂಟು ಹಾಕಿತ್ತು ಬಿಡದಂತೆ!

ಮುಸ್ಸಂಜೆಯ ಮಧುರ ನಶೆಯಲ್ಲಿ 
ನೀನಿರಲು ಮನದ ಸನಿಹದಲ್ಲಿ 
ಕೇಳಲು ತವಕಿಸುತಿರೆ ಸವಿನುಡಿಯ 
ನೀನಾಡಿದ ಬಿರು ನುಡಿಗಳು 
ಎದೆಗೆ ತಟ್ಟಿರಲು ಬಾಣದಂತೆ 
ಹೃದಯ ನೊಂದಿರಲು ನೋವಲ್ಲಿ 
ಬಿರುಕು ಕಂಡಿತೆ ಬಾಂಧವ್ಯದಲ್ಲಿ!

ಎಂದೆಂದೂ ಬಿಟ್ಟಿರದೆ ನಿನ್ನನು
ಬಾಳುವಂತೆ ಕಂಡ ಕನಸನು 
ಚಿವುಟಿತೆ ಕ್ಷಣಕಾಲದ ಸಿಡುಕು 
ಸವಿಬಾಳಿಗೆ ತಂದು ಕೆಡುಕು 
ಕಣ್ಣಿಂದ ಜಾರಿದ ಕಂಬನಿಯ ಬಿಂದು
ಸಿಹಿಯ ಕಹಿಯಾಗಿಸಿ ಮೆರೆಯಿತಂದು!
ಬರಿ ನೆನಪುಗಳ ಅಟ್ಟಹಾಸವಿಂದು!!  :-( 

4 comments:

Radhika Bhat said...

chenagide

manju said...

Thank you Radhika Bhat.

Veena said...

madhuramya
snehymaya.....!!!!!
Nice read

Veena said...

madhuramya
snehymaya.....!!!!!
Nice read