ರಾಣಿ ನೀನು ರಾಜ ನಾನು
ಪ್ರೀತಿ ನೀನು ಮರೆತೆಯೇನು
ನಿನ್ನ ನೋಟ ನಿನ್ನ ಮಾಟ
ನನ್ನ ಸೆಳೆದ ಮಾಯದಾಟ!
ಬ್ರಹ್ಮನಿಟ್ಟ ಒಲವ ಗಂಟು
ಬ್ರಹ್ಮಕಮಲ ನಿನಗೆ ಕೊಟ್ಟು
ನಿನ್ನ ಹೃದಯದೊಳೆನ್ನ ಇಟ್ಟು
ನಿನ್ನ ಚಿತ್ರವೆನ್ನ ಮನದಿ ಬಿಟ್ಟು!
ನಿನ್ನ ನುಣುಪು ಕಾಲು ಹೆಜ್ಜೆ
ನಲಿದು ಕುಣಿಯೆ ಒಲವ ಗೆಜ್ಜೆ
ನಿನ್ನ ಮಾತು ಸಿಹಿಯ ಸಜ್ಜೆ
ಮೊಗದ ತುಂಬ ಎಂಥ ಲಜ್ಜೆ!
ಅರಿತು ತುಳಿವ ಸಪ್ತಪದಿ
ಬೆರೆತು ನಡೆವ ಬಾಳಹಾದಿ
ಹರಿಯುತಿರಲು ಜೀವನದಿ
ಸದಾ ನಗುವ ತುಂಬಿ ಮೊಗದಿ!
No comments:
Post a Comment