ದೇಶ ಬಿಟ್ಟು ಬಂದ ಅನಿವಾಸಿಯೇ ನೀನಾದೆಯಾ
ನಿನ್ನವರಿಗೆ ಬಯಸಿದಾಗೆಲ್ಲ ಹಣ ನೀಡುವ ಯಂತ್ರ!
ಕೇಳುವರಾರಿಲ್ಲವೇ ನಿನ್ನ ಪಾಡು ನೀ ಪಡುವ ಯಾತನೆಯ
ಬೇಕಿರುವುದಷ್ಟೇ ಝಣ ಝಣ ಕಾಂಚಾಣ ನಿನ್ನವರಿಗೆ!
ಅದೆಷ್ಟು ದಿನ ಕೊರಗುವೆ ನಿನ್ನವರಲ್ಲದ ಆ ನಿನ್ನವರಿಗೆ
ಕೊಡವಿ ಬಿಡು ಎಲ್ಲ ಬಂಧಗಳ ಸತ್ತ ಸಂಬಂಧಗಳ!
ಮೂರುಗಂಟಿನ ನಂಟು ಸದ್ದಿಲ್ಲದೇ ಕಡಿದು ಹೋಗುವುದು
ಕಾಂಚಾಣದ ಹುಚ್ಚು ಕುಣಿತದ ಆರ್ಭಟದ ನಡುವೆಯೇ
ವಿಶಾಲವಿದೆ ಈ ವಿಶ್ವವಿದು ನೀ ಬದುಕು ನಿನಗಾಗಿ
ನುಗ್ಗಿ ನಡೆ ಮುಂದೆ ನಗುವು ಬರುವುದು ನಿನ್ನ ಹಿಂದೆ!
No comments:
Post a Comment