ಒಂಟಿ ಪಯಣಿಗನ ಈ ಹಾದಿಯಲ್ಲಿ
ಗಿಡಮರಗಳು ಹಸಿರ ಮರೆತವಿಲ್ಲಿ
ಗಾಳಿಯೂ ಬೀಸುವುದ ಮರೆಯಿತಿಲ್ಲಿ
ಏಕತಾನತೆಯ ಮೌನ ಮೊರೆಯಿತಿಲ್ಲಿ!
ಮನದ ಭಾವಗಳು ಮುದುಡಿಹವಿಲ್ಲಿ
ಸ್ಫೂರ್ತಿಯ ಸೆಲೆ ಬತ್ತಿ ಹೋಗುತಿಹುದಿಲ್ಲಿ
ಗಮ್ಯ ಇನ್ನೂ ದೂರವೇ ಉಳಿದಿಹುದಲ್ಲಿ
ನಡೆವ ಕಾಲುಗಳು ಸೋಲುತಿಹವಿಲ್ಲಿ!
ಚೈತನ್ಯ ಚಿಲುಮೆಯಾಗಿ ಬರುವವಳೆಲ್ಲಿ
ಕಲ್ಲಾಗಿ ಕಿವುಡಾಗಿ ಕಣ್ಮರೆಯಾಗಿಹಳೆಲ್ಲಿ
ನಿರೀಕ್ಷೆ ಬಹಳ ಸುದೀರ್ಘವಾಗುತಿಹುದಿಲ್ಲಿ
ತಡವಾದರೆ ಜೀವ ಕೊನೆಯಾಗಬಹುದಿಲ್ಲಿ !
:-( :-( :-( :-(
No comments:
Post a Comment