ಗೋಡೆಗಳು!

ಇವು ನಾವೇ ಕಟ್ಟಿದ ಗೋಡೆಗಳು,
ಬೀಳದ ಕುಸಿಯದ ಗೋಡೆಗಳು ,
ಬಹು ಸುಭದ್ರ ಗೋಡೆಗಳು
ಎಲ್ಲೆಡೆ ರಾರಾಜಿಸುವ ಗೋಡೆಗಳು!

ಎಂಥಾ ಸುನಾಮಿಯೇ ಬರಲಿ,
ಭೂಕಂಪವೇ ಆಗಲಿ,
ಬಿರುಗಾಳಿಯೇ ಬೀಸಲಿ,
ಅಲುಗಾಡದ ಗೋಡೆಗಳು!

ಮನಗಳ ನಡುವಿನ ಗೋಡೆಗಳು,
ಪ್ರೀತಿಯ ನಡುವಿನ ಗೋಡೆಗಳು,
ಭಾವನೆಗಳ ನಡುವಿನ ಗೋಡೆಗಳು,
ವಾತ್ಸಲ್ಯದ ನಡುವಿನ ಗೋಡೆಗಳು!

ಅಣ್ಣ ತಮ್ಮಂದಿರ ನಡುವಿನ ಗೋಡೆಗಳು,
ತಾಯಿ ಮಕ್ಕಳ ನಡುವಿನ ಗೋಡೆಗಳು,
ಕಂದಮ್ಮಗಳ ಕಣ್ಣೀರಿನ ಗೋಡೆಗಳು,
ಸತಿ ಪತಿಯರ ನಡುವೆಯೂ ಗೋಡೆಗಳು!

ಭಾಷೆಗಳ ನಡುವೆ ಗೋಡೆಗಳು,
ರಾಜ್ಯಗಳ ನಡುವೆ ಗೋಡೆಗಳು,
ನೀರಿನ ನಡುವೆಯೂ ಗೋಡೆಗಳು,
ಅಧಿಕಾರದ ಮದದ ಗೋಡೆಗಳು!

ಬರೆವವರ ಮನದಲಿ ಗೋಡೆಗಳು,
ಓದುಗರ ಮನದಲೂ ಗೋಡೆಗಳು,
ನಿರ್ವಹಿಸುವವರ ಮನದಲೂ ಗೋಡೆಗಳು,
ನಿರ್ಲಿಪ್ತರ ಮನದಲೂ ಗೋಡೆಗಳು!

ಕೊನೆಗೆ " ನಲ್ಮೆಯ" ಸಂಪದಿಗರ ನಡುವೆಯೂ
ಕೊನೆಗಾಣದ ಕೊಂಕಿನ ಗೋಡೆಗಳು!!!