ಪ್ರೇಮವೊಂದು ಮಾಯೆ!

ಶಿಲೆಯಲಿ ಸಂಗೀತ ಹೊಮ್ಮಿಸುವ 

ಅಮರ ಪ್ರೇಮವೊಂದು ಮಾಯೆ!

ಬರಡು ಕೊರಡಲಿ ಹಸಿರ ಚಿಗುರಿಸುವ 

ಸುಮಧುರ ಪ್ರೇಮವೊಂದು ಮಾಯೆ! 

ಸೋತ ಮನದಲಿ ಆಸೆ ಚಿಗುರಿಸುವ 

ಅತಿ ಒಲವ ಮಾತುಗಳದು ಮಾಯೆ

ಕೋಗಿಲೆಯ ಕಂಠದಿ ಮಧುರ ಸ್ವರವಿಟ್ಟ  

ಮಾಂತ್ರಿಕನದು ಬಲು ದೊಡ್ಡ ಮಾಯೆ 

ಮುಗಿಲ ಚುಂಬಿಸುವ ಗಿರಿಯ ಒಡಲಲಿ 

ತುಂಬಿದ ಮಧುರ ಮೋಹವದು ಮಾಯೆ!

ಗಿರಿ ಕಾನನ ದಾಟಿ ಬಳುಕಿ ಓಡುವ ನದಿಯದು 

ಸಾಗರ ಸೇರಿ ಸಂಭ್ರಮಿಸುವುದು ಮಾಯೆ!

ಹಗಲಿರುಳು ಕಾಡುವ ಪ್ರೇಮವದು ನಿಜ ಮಾಯೆ

ಅರಿಯದಾಗಿಹೆ ಅದೇಕೆ ವಿಷಾದವದರ ಛಾಯೆ!