Saturday, April 2, 2016

ಇದೇನೇ ತಿಮ್ಮಿ ಹಿಂಗಾಯ್ತಲ್ಲೇ ,,,,,,,,,,,,,,,,,,,,,,,,,,,,,,,,,,,,,,,,,,


ಇದೇನೇ ತಿಮ್ಮಿ ಹಿಂಗಾಯ್ತಲ್ಲೇ 
ಓದ್ದೋರ್ ತಲೆ ಕೆಟ್ಟೋಯ್ತಲ್ಲೇ 
ನ್ಯಾಯ ನೀತಿ ಮರ್ತೋದ್ರಲ್ಲೇ 
ಜಾತಿ ಜಾತಿ ಅಂತಾ ಸಾಯ್ತಾರಲ್ಲೇ 
ಇದೇನೇ ತಿಮ್ಮಿ ಹಿಂಗಾಯ್ತಲ್ಲೇ!

ಯಾವಾಗ್ನೋಡು ಮೀಸಲಾತಿ 
ಯಾವಾಗ್ನೋಡು ಜಾತಿ ಜಾತಿ 
ಯಾವಾಗ್ನೋಡು ಇವ್ರು ಕೋತಿ 
ಬದ್ಕೋದಿಕ್ಕೆ ಬೇಕಾ ಮೀಸಲಾತಿ 
ಬೇಡ್ವಾ ಸ್ವಲ್ಪ ಛಲ ಛಾತಿ ಗೀತಿ !

ಕಷ್ಟಪಟ್ಟು ಓದಿ ಡಿಗ್ರಿ ತೆಗ್ದು 
ಫಸ್ಟ್ಕ್ಲಾಸ್ನಾಗೆ ಪಾಸು ಮಾಡಿ 
ಕೆಲ್ಸಾ ಸಿಗ್ದೆ ನಿರುದ್ಯೋಗಿಯಾಗಿ 
ಕೊನ್ಗೆ ಕೈಯಾಗ್ ನೇಣು ಹಗ್ಗ ಹಿಡ್ದು 
ಸಾಯೋ ಹುಡ್ಗರ್ ಮುಂದೆ ಇವ್ರು 
ಮೀಸ್ಲಾತಿ  ಪಡ್ದು ಮೆರೀತಾರಲ್ಲೇ! 

ನ್ಯಾಯ ಎಲ್ಲಿ ನೀತಿ ಎಲ್ಲಿ ತಿಮ್ಮಿ 
ಈ ಮೀಸ್ಲಾತಿಗೆ ಕೊನೆ ಹೆಂಗೆ ತಿಮ್ಮಿ 
ಮೆರ್ಯೋರೆಲ್ಲಾ ಮೆರೀತವ್ರೆ 
ಸಾಯೋರೆಲ್ಲಾ ಸಾಯ್ತಾ ಅವ್ರೆ 
ನಡ್ವೆ  ಅಹಿಂದ ಅಂತಾರಲ್ಲೇ ತಿಮ್ಮಿ!

ಸಮಜ್ವಾದ  ಎಲ್ಲಾ ಸಮಾನ ಅಂದ್ರು 
ಲಕ್ಷಗಟ್ಲೆ ವಾಚು ಪಂಚೆ ಕಟ್ಟಿ ಮೆರೆದ್ರು 
ಕೋಟಿಗಟ್ಲೆ ಆಸ್ತಿ ಪಾಸ್ತಿ ಮಾಡೇ ಬಿಟ್ರು 
ನ್ಯಾಯ ಕೇಳ್ದೋರ್ಗೆಲ್ಲಾ ಲಾಠಿ ತೋರ್ಸಿ 
ಕಾಲಾಗೊದ್ದು ಕೊನ್ಗು ಆಚೆಗಟ್ಟೇ ಬಿಟ್ರು ! 

ಇವತ್ತು ಯಾರೇ ನೋಡು ಎಲ್ಲೇ ನೋಡು ಬುದ್ಧಿವಂತ್ರು 
ಹಿಂದೂ ಧರ್ಮ ತಪ್ಪಂತಾರೆ ಹಿಂದೂಗಳ್ನ ತೆಗಳ್ತಾರೆ 
ಹಿಂದೂಗಳ ಸಣ್ಣ ತಪ್ಪು ಸಿಕ್ಕಿದ್ರೆ ಸಾಕು ಗುರ್ರಂತಾರೆ 
ಹಿಂದೂ ಆಗಿ ತಿಂದು ಕುಡ್ದು ಇಲ್ಲೇ ಹುಟ್ಟಿ ಇಲ್ಲೇ ಬೆಳ್ದು 
ಹಿಂದ್ಗಡೆಯಿಂದ ಬೆನ್ನಿಗ್ ಚಾಕು ಹಾಕ್ತಾರಲ್ಲೇ ತಿಮ್ಮಿ! 

ಈ ಮನೆ ಒಳ್ಗಿನ್ ಶತೃಗಳು ಒಳ್ಗಿಂದಾನೇ ಕೊಲ್ತಾ ಇದ್ರೆ 
ಹೊರ್ಗಿನ್ ಶತೃಗಳು ಬಿಡ್ತಾರೇನೇ ಬದುಕೋದೆಂಗೆ ತಿಮ್ಮಿ 
ಈ ದೇಶಕ್ಕೆಲ್ಲೇ ಭವಿಷ್ಯ ಐತೆ ಯಾರುನ್ ಕೇಳೋದ್ ತಿಮ್ಮಿ
ಮನೆ ಒಳಗೇ ಗೆದ್ಲುಳಾದಂಗೇ ಕೊರ್ಕೊಂಡ್ ತಿಂದ್ರೆ ತಿಮ್ಮಿ 
ಉಳ್ಯೋದೆಂಗೆ ಬೆಳ್ಯೋದೆಂಗೆ ಈ ದೇಶ ಹೇಳೇ ತಿಮ್ಮಿ!!!! 

Monday, March 28, 2016

ಮರಳುಗಾಡಿನ ಸುಡುಗಾಳಿ,,,,,,,,,,,,,,,,,,,,,,,,,,,,,,,,,


ಮಾತು ಬೇಡ ಕಥೆಯು ಬೇಡ
ಯಾವ ತಂಟೆ ತಕರಾರು ಬೇಡ!

ಮೌನವಾಗಿ ಕುಳಿತು ಕೇಳಲೆನ್ನ
ಮನದೊಳಗಿನ ಪಿಸುಮಾತನ್ನ!

ಮರಳುಗಾಡಿನ ಸುಡುಗಾಳಿಯಂತೆ
ಹೃದಯ ನರಳಿ ನಿಡುಸುಯ್ದಂತೆ!

ಅಲ್ಲ್ಲಿ ನವರಸಗಳ ರುದ್ರನರ್ತನ
ನವೋಲ್ಲಾಸದ ಭಾವಕೀರ್ತನ!  :-)

Monday, March 21, 2016

ಏನೇ ತಿಮ್ಮಿ ನಿಂಗೇನ್ ಕಮ್ಮಿ,,,,,,,,,,,,,,,


ಏನೇ ತಿಮ್ಮಿ ನಿಂಗೇನ್ ಕಮ್ಮಿ 
ಬರ್ತಾ ಬರ್ತಾ ಆದೆ ಢುಮ್ಮಿ !

ನನ್ನ ಮಾತ್ನೆಲ್ಲಾ ಕೇಳ್ದೆ ನೀನು 
ಮೂತಿ ತಿರುವ್ತಿ ಅದೇನ್ ನೀನು 

ನಾನು ಅಂದ್ರೆ ಲೆಕ್ಕಾ ಇಲ್ಲಾ 
ಸುಮ್ಕೆ ಹಂಗೇ ಹೋಗ್ತೀಯಲ್ಲಾ 

ಬಿಸಿ ರೊಟ್ಟಿ ತಟ್ಟಿ ತುಪ್ಪಾ ಹಾಕಿ 
ಖಾರ ಜಾಸ್ತಿ ಕಾಯಿ ಚಟ್ನಿ ಬಡ್ಸಿ 

ಪಕ್ದಾಗ್ ಮಲ್ಗೆ ನಗ್ತಾ ಕುಂತ್ರೆ ನೀನು 
ಪರ್ಪಂಚಾ ಮರ್ತು ತಿಂತೀನ್ ನಾನು 

ಯಾಕ್ನಿಂಗಿದು ಗೊತ್ತಾಗಲ್ವೋ ತಿಮ್ಮಿ 
ನಿಂಗೆ ಬುದ್ಧಿ ಬರೋದ್ಯಾವಾಗ್ಲೇ ತಿಮ್ಮಿ! :-) 

ಚಿತ್ರ: ಅಂತರ್ಜಾಲದಿಂದ. 

ಏನ ಬರೆಯಲೇ ಗೆಳತಿ ಅದಿನ್ನೇನ ಬರೆಯಲೇ! :-( :-(





 ಗೊತ್ತೇನೆ ವಿಶ್ವ ಕವನದ ದಿನವಂತೆ ಇಂದು 
ನಾನೇನ ಬರೆಯಲೇ ಗೆಳತಿ ನಾನೇನ ಬರೆಯಲೇ?

ಮುಗ್ಧ ಮನಸ್ಸಿನ ಮೇಲೆ ನೂರೊಂದು 
ಹೊಡೆತಗಳ ನೀಡಿ ಹೊಡೆದು ಮಲಗಿಸಿ 

ಹರಿವ ಭಾವನೆಗಳಿಗೆ ಅನಿವಾರ್ಯತೆಯ 
ಮಹಾನ್ ಕಟ್ಟೆಯೊಂದನು ಕಟ್ಟಿ ನಿಲ್ಲಿಸಿ 

ಸಂವೇದನಗಳನ್ನೆಲ್ಲ ಸುಟ್ಟು ಕರಕಲಾಗಿಸಿ 
ಕಣ್ತುಂಬಿದ್ದ ಕನಸುಗಳನೆಲ್ಲ ಸಮಾಧಿಯಾಗಿಸಿ 

ಮನದ ತುಂಬ ತುಂಬಿದ್ದ ಭರವಸೆಯ ಬೆಳ್ಳಿ 
ಬೆಳಕನ್ನು ಆರಿಸಿ ಸುತ್ತ ಬರಿ ಕಗ್ಗತ್ತಲಾಗಿಸಿ 

ಆತ್ಮವಿಶ್ವಾಸವ ದಿನವೂ ಕೊಂಚ ಕೊಂಚ ಕುಗ್ಗಿಸಿ 
ಬದುಕ ನರಕ ಮಾಡಿದ ಜನರನ್ನೇ ಸುತ್ತ ತುಂಬಿಸಿ 

ವಿಧಿರಾಯ ವಿಕಟಾಟ್ಟಹಾಸಗೈದು ನಗುತಿರಲು 
ಏನ  ಬರೆಯಲೇ ಗೆಳತಿ ಅದಿನ್ನೇನ  ಬರೆಯಲೇ!  :-( :-( 

Saturday, March 19, 2016

ಅಮ್ಮ ಅಂದ್ರೆ ಸುಮ್ಕೆ ಅಲ್ಲ,,,,,,,,,,,,,,,,,,,,,,,,,,,




ಅಮ್ಮ ಅಂದ್ರೆ ಸುಮ್ಕೆ ಅಲ್ಲ ಗೊತ್ತಾ ನಿಂಗೆ ತಿಮ್ಮಿ 
ಅಮ್ಮ ಅಂದ್ರೆ ಭಾರೀ ಖುಷಿ ಗೊತ್ತಾ ನಿಂಗೆ ತಿಮ್ಮಿ!

ಅಮ್ಮ ಅಂದ್ರೆ ಆಕಾಶದಂಗೆ ಗೊತ್ತಾ ನಿಂಗೆ ತಿಮ್ಮಿ 
ಅಮ್ಮ ಇದ್ರೆ ಆನೆ ಬಲ ಗೊತ್ತೇನೇ ನಿಂಗೆ ತಿಮ್ಮಿ !

ಅಮ್ಮ ಅಂದ್ರೆ ಪ್ರೀತಿ ಕಣೆ ಅವ್ಳೇ ನನ್ನಾ ಬಾಳು ಕಣೇ 
ಅಮ್ಮ ಇಲ್ದೆ ಯಾರಿದ್ರೇನು ಪ್ರಯೋಜ್ನ ಇಲ್ಲ ತಿಮ್ಮಿ!

ಅಮ್ಮ ಕೊಟ್ಟ ಪ್ರೀತಿ ಬ್ಯಾರೆ ಯಾರೂ ಕೊಡ್ಲಾರ್ಕಣೆ ತಿಮ್ಮಿ 
ಅಮ್ಮಂಗ್ ಎಂದೂ ಅವ್ಳೇ ಸಾಟಿ ಬೇರ್ಯಾರಿಲ್ಲಾ ತಿಮ್ಮಿ! 

ಅಮ್ಮನ ನೆನಪು ಆದಾಗೆಲ್ಲಾ ಕಣ್ಣಾಗ್ ನೀರೇ ತಿಮ್ಮಿ 
ಅಮ್ಮ ಇಲ್ದೆ ಯಾರಿದ್ರೇನು ಅದು ದಟ್ದರಿದ್ರಾ ತಿಮ್ಮಿ! :-( :-( 

ಇವ್ರ ಬಾಳೊಂದ್ ಬಾಳಾ ತಿಮ್ಮಿ!

ಎಲ್ಲಿದ್ದೀಯೇ ಹೆಂಗಿದ್ದೀಯೇ ನನ್ನಾ ಮುದ್ದು ತಿಮ್ಮಿ
ಸುತ್ತಾಮುತ್ತಾ ಎಲ್ಲೇ ನೋಡು ಬರೀ ರಾಜಕೀಯ ತಿಮ್ಮಿ
ಜಾತಿ ಗೀತಿ ದಲಿತ ಬಲಿತ ಅಂತಾ ಸಾಯ್ತಾರಲ್ಲೇ ತಿಮ್ಮಿ!
ಎಲ್ಲೋ ಹುಟ್ದೋನು ಎಲ್ಲೋ ಬೆಳ್ದು ಬಲ್ತೋದೋನು
ಮಾನಾ ಬುಟ್ಟು ಪಕ್ಕದ್ ದೇಶಾದ್ ಬಾವ್ಟಾ ಹಿಡ್ದು
ತನ್ನ ಸ್ಥಾನಾ ಮರ್ತು ಜೈ ಜೈ ಅಂತಾನಲ್ಲೇ ತಿಮ್ಮಿ!

ಮಾನ್ಗೆಟ್ ಜನಾ ತಾವುಟ್ಟಿದ್ ದೇಶಾ ಮರ್ತು
ತಮ್ ಧರ್ಮಾ ಮರ್ತು ಮತ್ನಾಗಿದ್ದಂಗ್
ತೂರಾಡ್ಕೊಂಡು ಮಾತಾಡ್ತಾರಲ್ಲೇ ತಿಮ್ಮಿ!
ಇವ್ರಿಗಿಲ್ಲಿ ಅರಿವೇ ಇಲ್ಲಾ ಪ್ರಾಣ ಕೊಟ್ಟೋರ್ ಲೆಕ್ಕ
ಸ್ವಾತಂತ್ರ್ಯ ಅಂದ್ರೆ ಸ್ವೇಚ್ಛೆ ಅಂತಂದ್ಕೊಂಡವ್ರೆ
ಯಾರೇ ಹೇಳೋದ್ ಬುದ್ಧಿ ಇವ್ರಿಗ್ ತಿಮ್ಮಿ!

ಅಪ್ಪ ಯಾರೋ ಅಮ್ಮ ಯಾರೋ ಎಲ್ಲವ್ರೋ
ಅವ್ರ ಕಷ್ಟ ಸುಖ ನೋಡಂಗಿಲ್ಲಸುಮ್ನೆ ಮಾತು
ತುತ್ತು ಅನ್ನ ನೀಡಂಗಿಲ್ಲ ನ್ಯಾಯ ಏನೇ ತಿಮ್ಮಿ!
ಹೆತ್ತಮ್ಮಂಗೆ ಅನ್ನ ಹಾಕ್ದೆ ದೇಶ ಉದ್ಧಾರದ್ ಮಾತು
ಬೇರೇವ್ರ ತಟ್ಟೆ ನೋಡೋ ಇವ್ರಾ ತಟ್ಟೆ ದೊಡ್ಡ ತೂತು
ಬೇಕಿತ್ತೇನೆ ಇಂಥಾ ಕೆಟ್ ಬಾಳು ಇವ್ರಿಗಿಂದು ತಿಮ್ಮಿ! 

ರಟ್ಟೆ ಮುರ್ದು ದುಡ್ಯಾಕಾಗ್ದೆ ಬಿಟ್ಟಿ ದುಡ್ನಾಗ್ ಬದುಕ್ಕೊಂಡು
ಸಿಕ್ದೋರ್ ಕಾಲ್ನ ಹಿಡ್ಕೊಂಡಿವ್ರು ಎಲ್ಲಾರ್ನೂ ಬೈಕೊಂಡಿವ್ರು
ಬದ್ಕೋ ತಿರ್ಪೆ ಬಾಳು ಯಾವ ದೇವ್ರು ಮೆಚ್ತಾನೇಳು ತಿಮ್ಮಿ!
ಬಾಳೋರನ್ನ ಬಾಳೋಕ್ಕೆ ಬುಡ್ದೆ ಆಳೋರನ್ನ ಆಳೋಕ್ಕೆ ಬುಡ್ದೆ
ನಗೋರ್ನೆಲ್ಲಾ ಅಳುಸ್ತಾ ಅಳೋರ್ನೆಲ್ಲಾ ಸಾಯುಸ್ತಾ
ಬದ್ಕೋ ಇವ್ರ ಬಾಳೊಂದ್ ಬಾಳಾ ಹೇಳೇ ನೀನು ತಿಮ್ಮಿ!

(ಚಿತ್ರ: ಅಂತರ್ಜಾಲದಿಂದ)

ಕಾಂಚಾಣಂ,,,,,,,ಕಾಂಚಾಣಂ.....!




ಕಾಂಚಾಣಂ ಕಾರ್ಯ ಸಿದ್ಧಿಃ ಅಂದರು ನಮ್ಮ ಹಿರಿಯರು
ಕಾಂಚಾಣವಿದ್ದಲ್ಲಿ ಪ್ರೀತಿ ಜಾಸ್ತಿ ಅಂದರು ಇನ್ನು ಕೆಲವರು
ಕಾಂಚಾಣವಿಲ್ಲದಿರೆ ಪ್ರೀತಿ ನಾಸ್ತಿ ಅಂದರು ಈಗಿನವರು!
 
ಕಾಂಚಾಣವಿರಲು ಕೈತುಂಬಾ ಏನೆಲ್ಲಾ ಕಾರುಬಾರು
ಕಾಂಚಾಣವಿಲ್ಲದಿರೆ ಬಾಳು ಬರೀ ಬೋರೋ ಬೋರು
ಕಾಂಚಾಣವಿಲ್ಲದಿರೆ ಕೇಳು ನಿನ್ನ ಬಾಳು ಬರಿ ಗೋಳು!