ಗೊತ್ತೇನೆ ವಿಶ್ವ ಕವನದ ದಿನವಂತೆ ಇಂದು
ನಾನೇನ ಬರೆಯಲೇ ಗೆಳತಿ ನಾನೇನ ಬರೆಯಲೇ?
ಮುಗ್ಧ ಮನಸ್ಸಿನ ಮೇಲೆ ನೂರೊಂದು
ಹೊಡೆತಗಳ ನೀಡಿ ಹೊಡೆದು ಮಲಗಿಸಿ
ಹರಿವ ಭಾವನೆಗಳಿಗೆ ಅನಿವಾರ್ಯತೆಯ
ಮಹಾನ್ ಕಟ್ಟೆಯೊಂದನು ಕಟ್ಟಿ ನಿಲ್ಲಿಸಿ
ಸಂವೇದನಗಳನ್ನೆಲ್ಲ ಸುಟ್ಟು ಕರಕಲಾಗಿಸಿ
ಕಣ್ತುಂಬಿದ್ದ ಕನಸುಗಳನೆಲ್ಲ ಸಮಾಧಿಯಾಗಿಸಿ
ಮನದ ತುಂಬ ತುಂಬಿದ್ದ ಭರವಸೆಯ ಬೆಳ್ಳಿ
ಬೆಳಕನ್ನು ಆರಿಸಿ ಸುತ್ತ ಬರಿ ಕಗ್ಗತ್ತಲಾಗಿಸಿ
ಆತ್ಮವಿಶ್ವಾಸವ ದಿನವೂ ಕೊಂಚ ಕೊಂಚ ಕುಗ್ಗಿಸಿ
ಬದುಕ ನರಕ ಮಾಡಿದ ಜನರನ್ನೇ ಸುತ್ತ ತುಂಬಿಸಿ
ವಿಧಿರಾಯ ವಿಕಟಾಟ್ಟಹಾಸಗೈದು ನಗುತಿರಲು
ಏನ ಬರೆಯಲೇ ಗೆಳತಿ ಅದಿನ್ನೇನ ಬರೆಯಲೇ! :-( :-(
No comments:
Post a Comment