ಬಾಳ ಹಾದಿಯಲ್ಲಿ ಕ೦ಡ, ಏರಿಳಿತಗಳಲ್ಲಿ ಮೂಡಿ ಬ೦ದ ಮನದಾಳದ ಪಿಸುಮಾತುಗಳನ್ನು ಇಲ್ಲಿ ದಾಖಲಿಸಿದ್ದೇನೆ.
Saturday, September 12, 2015
ಝಣ ಝಣ ಕಾಂಚಾಣ ,,,,,,,,,,,,
ದೇಶ ಬಿಟ್ಟು ಬಂದ ಅನಿವಾಸಿಯೇ ನೀನಾದೆಯಾ
ನಿನ್ನವರಿಗೆ ಬಯಸಿದಾಗೆಲ್ಲ ಹಣ ನೀಡುವ ಯಂತ್ರ!
ಕೇಳುವರಾರಿಲ್ಲವೇ ನಿನ್ನ ಪಾಡು ನೀ ಪಡುವ ಯಾತನೆಯ
ಬೇಕಿರುವುದಷ್ಟೇ ಝಣ ಝಣ ಕಾಂಚಾಣ ನಿನ್ನವರಿಗೆ!
ಅದೆಷ್ಟು ದಿನ ಕೊರಗುವೆ ನಿನ್ನವರಲ್ಲದ ಆ ನಿನ್ನವರಿಗೆ
ಕೊಡವಿ ಬಿಡು ಎಲ್ಲ ಬಂಧಗಳ ಸತ್ತ ಸಂಬಂಧಗಳ!
ಮೂರುಗಂಟಿನ ನಂಟು ಸದ್ದಿಲ್ಲದೇ ಕಡಿದು ಹೋಗುವುದು
ಕಾಂಚಾಣದ ಹುಚ್ಚು ಕುಣಿತದ ಆರ್ಭಟದ ನಡುವೆಯೇ
ವಿಶಾಲವಿದೆ ಈ ವಿಶ್ವವಿದು ನೀ ಬದುಕು ನಿನಗಾಗಿ
ನುಗ್ಗಿ ನಡೆ ಮುಂದೆ ನಗುವು ಬರುವುದು ನಿನ್ನ ಹಿಂದೆ!
ಮಾಂಗಲ್ಯಂ ತಂತು ನಾನೇನ,,,,,,,,,,,,
ಮಾಂಗಲ್ಯಂ ತಂತು ನಾನೇನ,,,,,ಮಮಜೀವನ ಹೇತುನಾ,,,,,,,! ಏನಾದರೂ ಅರ್ಥವಿದೆಯೇ ಈ ಮಂತ್ರಕ್ಕೆ! ಕೆಲವು ದಿನಗಳ ಹಿಂದೆ ದರ್ಶನ್ ಕುಟುಂಬದ ಜಗಳ ಎಲ್ಲರ ಬಿದ್ದು ಕಣ್ಮರೆಯಾಗುವ ಮುನ್ನವೇ ದುನಿಯಾ ವಿಜಯ್ ದಾಂಪತ್ಯದ ಕಥೆ ಹಾದಿರಂಪವಾಗಿತ್ತು! ಈಗ "ಕಿಚ್ಚ" ಸುದೀಪನ ಸರದಿ. ತೆರೆಯ ಮೇಲೆ ನಾಯಕರಾಗಿ ಎಲ್ಲಾ ಸದ್ಗುಣಗಳ ಖನಿಯಾಗಿ ಲಕ್ಷಾಂತರ ಜನ ಅಭಿಮಾನಿಗಳು ಆರಾಧಿಸುವ ನಿಮಗೆ ಏನಾಗಿದೆ? ಏಕೀ ಹೊಂದಾಣಿಕೆಯ ಕೊರತೆ? ಹೀರೋಗಳ ಕಥೆಯೇ ಹೀಗಾದರೆ ಇನ್ನು ಜನಸಾಮಾನ್ಯರ ಪಾಡೇನು?
ಗಲ್ಫ್ ದೇಶಗಳಲ್ಲಿ ಕೆಲಸ ಮಾಡುತ್ತಿರುವ ಅದೆಷ್ಟೋ ಅನಿವಾಸಿಗಳದ್ದು ಇನ್ನೊಂದು ರೀತಿಯ ಕಥೆ. ಹೊಟ್ಟೆ ಬಟ್ಟೆ ಕಟ್ಟಿ ಸುಡುವ ಬಿಸಿಲಿನಲ್ಲಿ ತಮ್ಮವರಿಗಾಗಿ ದುಡಿಯುತ್ತಾ, ಸಂಬಳ ಬಂದೊಡನೆ ಮನೆಯವರಿಗೆ ಹಣ ಕಳುಹಿಸಿ ಅವರ ಏಳಿಗೆಯ ಕನಸು ಕಾಣುತ್ತಾ ದಿನದೂಡುವ ಅದೆಷ್ಟೋ ಅನಿವಾಸಿಗಳ ಎದೆ ಒಡೆದು ಹೋಗಿದೆ, ಭಾವನೆಗಳು ಸತ್ತು ಸಂಬಂಧಗಳು ಮುರುಟಿ ವಿಚ್ಚೇದನದ ಅಂಚಿಗೆ ಬಂದು ನಿಂತಿವೆ! ಪ್ರತಿ ತಿಂಗಳೂ ಅನಿವಾಸಿ ಕಳುಹಿಸುವ ಹಣಕ್ಕಾಗಿ ಕಾಯುವ ಕುಟುಂಬದವರು ಅವನನ್ನು ಕೇವಲ ಬಯಸಿದಾಗೆಲ್ಲ ಹಣ ನೀಡುವ ಏ.ಟಿ.ಎಮ್. ಯಂತ್ರವೆಂದೇ ಭಾವಿಸಿರುತ್ತಾರೆ , ಒಮ್ಮೆ ಹಣ ಕಳುಹಿಸುವುದರಲ್ಲಿ ಸ್ವಲ್ಪ ಏರುಪೇರಾದರೆ ಬಾಯಿಗೆ ಬಂದಂತೆ ಮಾತನಾಡುತ್ತಾರೆ, ನಿಂದಿಸುತ್ತಾರೆ,,ಮಾತು ಬಿಡುತ್ತಾರೆ,,ಮುನಿಸಿಕೊಳ್ಳುತ್ತಾರೆ! ಆದರೆ ಇದಾವುದಕ್ಕೂ ಜಗ್ಗದ ಅನಿವಾಸಿ ದುಡಿಯುತ್ತಲೇ ಹೋಗುತ್ತಾನೆ, ಹಣ ಕಳುಹಿಸುತ್ತಲೇ ಇರುತ್ತಾನೆ, ಅಲ್ಲಿರುವವರು ನನ್ನವರು ಎಂಬ ಭ್ರಮೆಯಲ್ಲಿಯೇ ಜೀವನ ಸಾಗಿಸುತ್ತಿರುತ್ತಾನೆ! ಕೆಲವು ಪ್ರಕರಣಗಳಲ್ಲಿ ಎರಡು - ಮೂರು ವರ್ಷಗಳು ಊರಿಗೇ ಹೋಗದೆ ದುಡಿಯುತ್ತಿದ್ದವನ ಹೆಂಡತಿ ಊರಿನಲ್ಲಿ "ಪುತ್ರೋತ್ಸವ" ಆಚರಿಸಿರುತ್ತಾಳೆ! ನುಂಗಲಾರದ ಉಗುಳಲಾರದ ಬಿಸಿತುಪ್ಪದಂಥಾ ಕುಟುಂಬವನ್ನು ಕಣ್ಣೀರಿನೊಡನೆಯೇ ಆ ಅನಿವಾಸಿ ನಿಭಾಯಿಸುತ್ತಿರುತ್ತಾನೆ! ಕೊನೆಗೊಮ್ಮೆ ಬೇಸರವಾಗಿ ಹಣ ಕಳುಹಿಸುವುದನ್ನು ನಿಲ್ಲಿಸಿದಾಗ ಅದೇ ಕುಟುಂಬದವರು ಅವನ ಮೇಲೆ "ಕೌಟುಂಬಿಕ ದೌರ್ಜನ್ಯ"ದ ಕೇಸು ಜಡಿಯುತ್ತಾರೆ, ಊರಿಗೆ ರಜಕ್ಕೆಂದು ಹೋದ ಅದೆಷ್ಟೋ ಅನಿವಾಸಿಗಳು ಈ ರೀತಿಯ ಕೇಸುಗಳಲ್ಲಿ ಸಿಲುಕಿಕೊಂಡು, ತಮ್ಮ ಪಾಸ್ಪೋರ್ಟನ್ನು ಪೊಲೀಸರು ಮುಟ್ಟುಗೋಲು ಹಾಕಿಕೊಳ್ಳುವುದರಿಂದ ಸಮಯಕ್ಕೆ ಸರಿಯಾಗಿ ಹಿಂದಿರುಗಿ ಬರಲಾಗದೆ ಇಲ್ಲಿನ ಕೆಲಸವನ್ನೂ ಕಳೆದುಕೊಂಡು, ಇಲ್ಲಿಯೂ ಇಲ್ಲದೆ, ಅಲ್ಲಿಯೂ ಬಾಳಲಾಗದೆ ಒದ್ದಾಡುತ್ತಿದ್ದಾರೆ. ಕೊನೆಗೆ ವಿವಾಹ ವಿಚ್ಚೇದನಕ್ಕೆಂದು ಕೋರ್ಟ್ ಮೊರೆ ಹೋದಾಗ ಇವನು ದುಡಿದದ್ದನ್ನೆಲ್ಲಾ ಆ ಹೆಂಡತಿ ಮಕ್ಕಳ ಬಾಯಿಗೆ ಹಾಕಿ ಬರಿಕೈದಾಸನಾಗಿ ಗಲ್ಫಿಗೆ ಹಿಂದಿರುಗುತ್ತಾರೆ! ಹಿಂದಿರುಗಲು ಅವಕಾಶವಿಲ್ಲದವರು ಅಲ್ಲಿಯೇ ಅವರಿವರ ಸಹಾಯದೊಡನೆ ಜೀವನ ಮುಂದುವರಿಸುತ್ತಾರೆ, ಆದರೆ ಹೇಳಲಾಗದಂಥಾ ಖಿನ್ನತೆ ಅವರನ್ನು ಆವರಿಸಿ ಅವರು ಮಾನಸಿಕವಾಗಿ ಸತ್ತಿರುತ್ತಾರೆ, ದೈಹಿಕವಾಗಿ ಮಾತ್ರ ಬದುಕಿರುತ್ತಾರೆ. ಇಂಥಾ ಅದೆಷ್ಟೋ ಪ್ರಕರಣಗಳು ಗಲ್ಫಿನಲ್ಲಿರುವ ಅನಿವಾಸಿ ಭಾರತೀಯರ ಜೀವನವನ್ನು ನರಕವನ್ನಾಗಿಸಿವೆ, ಸುಂದರ ಕನಸುಗಳನ್ನು ಹೊಸಕಿ ಹಾಕಿ ಸ್ವಾರ್ಥಿ ಪ್ರಪಂಚದ ನಿಜರೂಪ ತೋರಿಸಿ ಕಂಗಾಲಾಗಿಸಿವೆ. ದುಡ್ಡು ಒಂದೇ ಮುಖ್ಯವಾ ಜೀವನದಲ್ಲಿ,,, ವ್ಯಕ್ತಿಗೆ ಬೆಲೆಯಿಲ್ಲವೇ?
ಈ ರೀತಿ ತೊಂದರೆಗೆ ಸಿಲುಕಿಕೊಂಡಿರುವ ದುಃಖಿಗಳಿಗಾಗಿ ಇತ್ತೀಚೆಗೆ ದುಬೈನಲ್ಲಿ ನ್ಯಾಯವಾದಿಗಳ ತಂಡವೊಂದು ಸಹಾಯ ಹಸ್ತ ಚಾಚಲು ತೊಡಗಿಕೊಂಡಿದೆ! "ಕೌಟುಂಬಿಕ ದೌರ್ಜನ್ಯ"ದ ಸುಳ್ಳು ಕೇಸುಗಳಲ್ಲಿ ಸಿಲುಕಿಕೊಂಡವರು, ಇಲ್ಲಿಂದಲೇ ಭಾರತದ ಯಾವುದೇ ನ್ಯಾಯಾಲಯದಲ್ಲಿ, ನಿಭಾಯಿಸಬಹುದಾಗಿದೆ. ಜೊತೆಗೆ ಕಿರುಕುಳ ನೀಡುವ ಪತ್ನಿಯರಿಗೆ ಇಲ್ಲಿದ್ದುಕೊಂಡೇ ಕಾನೂನು ರೀತಿಯಾಗಿ ವಿಚ್ಚೇದನ ನೀಡಬಹುದಾಗಿದೆ.
ಸುದೀಪ್ ಸಂಸಾರದ ಕಥೆಯನ್ನೋದಿ ಇದನ್ನೆಲ್ಲಾ ಹಂಚಿಕೊಳ್ಳಬೇಕನ್ನಿಸಿತು. ದುಡಿಯುವ ಗಂಡಿಗೂ ಒಂದು ಮನಸ್ಸಿದೆ, ಅವನಿಗೂ ಭಾವನೆಗಳಿರುತ್ತವೆ, ಅವನಿಗೂ ನೋವಾಗುತ್ತದೆ ಎಂದೇಕೆ ಹೆಂಡತಿಯಾದವಳು ಅರ್ಥ ಮಾಡಿಕೊಳ್ಳುವುದಿಲ್ಲ? ಪತಿ ಪತ್ನಿಯರ ಬಾಂಧವ್ಯವನ್ನು ನಿಭಾಯಿಸುವಲ್ಲಿ ಪತ್ನಿಯ ಪಾತ್ರ ಮುಖ್ಯವಲ್ಲವೇ? ಧರ್ಮೇಚ, ಅರ್ಥೇಚ, ಕಾಮೇಚ, ನಾತಿ ಚರಾಮಿ ಎಂದು ಮದುವೆಯಾಗುವಾಗ ಪುರೋಹಿತರು ಹೇಳಿ ಕೊಟ್ಟಂತೆ ಹೇಳಿ ಕೈ ಮುಗಿಯುವುದಕ್ಕೆ ಏನಾದರೂ ಅರ್ಥವಿದೆಯೇ???
Tuesday, September 8, 2015
ಒಂಟಿ ಪಯಣಿಗನ ಈ ಹಾದಿಯಲ್ಲಿ,,,,,,,,,,,,,,,,,,,,,,,
ಒಂಟಿ ಪಯಣಿಗನ ಈ ಹಾದಿಯಲ್ಲಿ
ಗಿಡಮರಗಳು ಹಸಿರ ಮರೆತವಿಲ್ಲಿ
ಗಾಳಿಯೂ ಬೀಸುವುದ ಮರೆಯಿತಿಲ್ಲಿ
ಏಕತಾನತೆಯ ಮೌನ ಮೊರೆಯಿತಿಲ್ಲಿ!
ಮನದ ಭಾವಗಳು ಮುದುಡಿಹವಿಲ್ಲಿ
ಸ್ಫೂರ್ತಿಯ ಸೆಲೆ ಬತ್ತಿ ಹೋಗುತಿಹುದಿಲ್ಲಿ
ಗಮ್ಯ ಇನ್ನೂ ದೂರವೇ ಉಳಿದಿಹುದಲ್ಲಿ
ನಡೆವ ಕಾಲುಗಳು ಸೋಲುತಿಹವಿಲ್ಲಿ!
ಚೈತನ್ಯ ಚಿಲುಮೆಯಾಗಿ ಬರುವವಳೆಲ್ಲಿ
ಕಲ್ಲಾಗಿ ಕಿವುಡಾಗಿ ಕಣ್ಮರೆಯಾಗಿಹಳೆಲ್ಲಿ
ನಿರೀಕ್ಷೆ ಬಹಳ ಸುದೀರ್ಘವಾಗುತಿಹುದಿಲ್ಲಿ
ತಡವಾದರೆ ಜೀವ ಕೊನೆಯಾಗಬಹುದಿಲ್ಲಿ !
:-( :-( :-( :-(
Monday, September 7, 2015
ಕ್ಷಮಿಸಿಬಿಡು ಕಂದಯ್ಯ,,,,,,,,,,
ಕ್ಷಮಿಸಿಬಿಡು ಕಂದಯ್ಯ
ಈ ಕ್ರೂರ ಜಗವನ್ನು
ಇಲ್ಲಿರುವ ಮೃಗಗಳನ್ನು
ಇಲ್ಲಿ ಮಾನವೀಯತೆಯಿಲ್ಲ!
ಕಿಂಚಿತ್ತೂ ಕರುಣೆ ಇಲ್ಲಿಲ್ಲ!
ಈ ಕ್ರೂರ ಜಗವನ್ನು
ಇಲ್ಲಿರುವ ಮೃಗಗಳನ್ನು
ಇಲ್ಲಿ ಮಾನವೀಯತೆಯಿಲ್ಲ!
ಕಿಂಚಿತ್ತೂ ಕರುಣೆ ಇಲ್ಲಿಲ್ಲ!
ಇಲ್ಲಿ ಮತ ಧರ್ಮಗಳಿವೆ
ಇಲ್ಲಿ ಜಾತಿ ಪಂಗಡಗಳಿವೆ
ಇಲ್ಲಿ ಬಹಳ ಮಂದಿರಗಳಿವೆ
ಇಲ್ಲಿ ನೂರಾರು ಮಸೀದಿಗಳಿವೆ
ಇಲ್ಲಿ ನೂರಾರು ಚರ್ಚುಗಳಿವೆ
ಕರುಣೆಯ ಬೆಳಕು ಮಾತ್ರ ಇಲ್ಲಿಲ್ಲ!
ಕ್ಷಮಿಸಿಬಿಡು ಮತ್ತೊಮ್ಮೆ ಕಂದಯ್ಯ
ಮತ್ತೆಂದೂ ಬರದಿರು ದಮ್ಮಯ್ಯ
ಈ ಕಟುಕರ ಲೋಕಕ್ಕೆ ಅಂಬೆಗಾಲಿಡುತ!
ಇರಲಿ ಹೀಗೇ ಮರುಳರು ಮುಟ್ಠಾಳರು
ಕೆಲಸಕ್ಕೆ ಬಾರದ ಪುಸ್ತಕಗಳನೋದುತ!
ಶಾಂತಿ ಕೋರುವೆ ನಿನ್ನಾತ್ಮಕನವರತ!
ಇಲ್ಲಿ ಜಾತಿ ಪಂಗಡಗಳಿವೆ
ಇಲ್ಲಿ ಬಹಳ ಮಂದಿರಗಳಿವೆ
ಇಲ್ಲಿ ನೂರಾರು ಮಸೀದಿಗಳಿವೆ
ಇಲ್ಲಿ ನೂರಾರು ಚರ್ಚುಗಳಿವೆ
ಕರುಣೆಯ ಬೆಳಕು ಮಾತ್ರ ಇಲ್ಲಿಲ್ಲ!
ಕ್ಷಮಿಸಿಬಿಡು ಮತ್ತೊಮ್ಮೆ ಕಂದಯ್ಯ
ಮತ್ತೆಂದೂ ಬರದಿರು ದಮ್ಮಯ್ಯ
ಈ ಕಟುಕರ ಲೋಕಕ್ಕೆ ಅಂಬೆಗಾಲಿಡುತ!
ಇರಲಿ ಹೀಗೇ ಮರುಳರು ಮುಟ್ಠಾಳರು
ಕೆಲಸಕ್ಕೆ ಬಾರದ ಪುಸ್ತಕಗಳನೋದುತ!
ಶಾಂತಿ ಕೋರುವೆ ನಿನ್ನಾತ್ಮಕನವರತ!
Saturday, September 5, 2015
ಕಾಡಬೇಡವೇ ಕೃಷ್ಣಸುಂದರಿ ,,,,,,,,,,,,,,,
ಏನೆಂದು ಬಣ್ಣಿಸಲೇ ನಾ ನಿನ್ನ
ನನ್ನ ಮನ ಗೆದ್ದ ಕೃಷ್ಣಸುಂದರಿ!
ಈ ಕೃಷ್ಣ ಜನ್ಮಾಷ್ಟಮಿಯಂದು
ನಾ ಬೇಡವೆಂದರೂ ನೆನಪಾಗುವೆ
ನಾ ಹೋಗೆಂದರೂ ಹೋಗದಿರುವೆ
ಈ ಮನದಿ ನೆಲೆಯಾಗಿ ನಿಂದಿರುವೆ
ಹೀಗೇಕೆ ಕಾಡುವೆಯೇ ಮುದ್ದುಚೆಲುವೆ!
ವರುಷಗಳು ಇಪ್ಪತ್ತೆಂಟು ಕಳೆದರೂ
ಎದೆಯಂಗಳದಿ ನೀ ಹಚ್ಚಹಸಿರು !
ಅಂದು ನೀ ಹಚ್ಚಿದ ಪ್ರೀತಿಸೊಡರು
ಉರಿಯುತಲೇ ಇದೆ ಆರದೇ ನೂರು
ಬಿರುಗಾಳಿ ಸುಂಟರಗಾಳಿಗಳ ನಡುವೆ!!
ಅದೆಂಥಾ ಮುದವಿತ್ತೇ ಆ ದಿನಗಳಲಿ
ಅದೆಂಥಾ ಛಲವಿತ್ತೇ ಆಗ ಮನದಲ್ಲಿ
ಅದೆಂಥಾ ಬಲವಿತ್ತೇ ಆ ನಿನ್ನ ಪ್ರೀತಿಯಲಿ
ಅದೆಂಥಾ ಒಲವಿತ್ತೇ ಆ ನಿನ್ನ ಪ್ರೇಮದಲಿ
ಅದೆಂಥಾ ಚೆಲುವಿತ್ತೇ ಪ್ರತಿ ಕ್ಷಣಕ್ಷಣದಲ್ಲಿ
ಅದೆಂಥಾ ಮೋಹವಿತ್ತೇ ಆ ನಿನ್ನ ನಗುವಲ್ಲಿ!
ಅದೆಂಥಾ ನಶೆಯಿತ್ತೇ ನಿನ್ನೊಲವಧಾರೆಯಲ್ಲಿ!
ದೇಶದುದ್ಧಗಲ ಸಂಚರಿಸಿದ ದೈತ್ಯಶಕ್ತಿ
ನನ್ನಲಿ ತುಂಬಿದ್ದು ಆ ನಿನ್ನ ಮುಗ್ಧ ಪ್ರೀತಿ !
ಬಂದೂಕಿನ ಗುಂಡುಗಳು ಗುರಿ ತಲುಪುತಿದ್ದದ್ದು
ಕಾರಣ ನಿನ್ನ ಮಧುರ ನಗುವ ನೆನಪಾಗುತಿದ್ದದ್ದು!
ಸಾಧನೆಯ ಶಿಖರದಲಿ ಗುರಿಮುಟ್ಟಿ ನಲಿದಿದ್ದು
ನಿನ್ನದೇ ಪ್ರೀತಿಸಿಂಚನ ಸ್ಫೂರ್ತಿಯಾದದ್ದು!
ಹೃದಯಗಳ ಜೋಡಿಸಿ ಬೆಸೆದ ಪ್ರೀತಿ ಸೋತಿದ್ದು
ಧರ್ಮವೇ ನಡುವೆ ಗೋಡೆಯಾಗಿ ನಿಂತಿದ್ದು!
ನೀನಿಂದು ಕೇವಲ ನೆನಪಾಗಿಯೇ ಉಳಿದಿದ್ದು
ದುರಂತವಲ್ಲವೇನೇ ಈ ಅರ್ಥಗೆಟ್ಟ ಬಾಳಿನದ್ದು!!!!!! :-( :-(
Thursday, September 3, 2015
ಆ ದರ್ಪಣವ ಮುಚ್ಚಿರುವ,,,,,,,,,,,,,,,,,,,
ಆ ದರ್ಪಣವ ಮುಚ್ಚಿರುವ ದಟ್ಟ
ದರಿದ್ರ ಧೂಳ ಕೊಡವದಿರು ಗೆಳತಿ
ಅದೆಂದೋ ತರ್ಪಣವ ಕೊಟ್ಟಿರುವ
ಮನೆಹಾಳ ನೆನಪುಗಳು ಮತ್ತೆ ಮತ್ತೆ
ಬಂದಾವು ಧುತ್ತೆಂದು ಕಣ್ಣೆದುರಲಿ!
ದರಿದ್ರ ಧೂಳ ಕೊಡವದಿರು ಗೆಳತಿ
ಅದೆಂದೋ ತರ್ಪಣವ ಕೊಟ್ಟಿರುವ
ಮನೆಹಾಳ ನೆನಪುಗಳು ಮತ್ತೆ ಮತ್ತೆ
ಬಂದಾವು ಧುತ್ತೆಂದು ಕಣ್ಣೆದುರಲಿ!
ನಿನ್ನ ಸುಕೋಮಲ ಮನ ನೊಂದೀತು
ಇರಲಿ ಆ ಎಲ್ಲ ಬೇಗೆ ನನಗೆ ಬಿಡು!
ಎಷ್ಟಾದರೂ ನಾ ಗಂಡಲ್ಲವೇ ಸಹಿಸುವೆ
ಎದೆ ಗಟ್ಟಿಯಿದೆ ಹುಟ್ಟಿನಿಂದಲೇ ನೀ ಬಲ್ಲೆ!
ಅಲ್ಲಾಡುವ ಜಾಯಮಾನವಲ್ಲ ಸುಲಭದಿ!
ಇರಲಿ ಆ ಎಲ್ಲ ಬೇಗೆ ನನಗೆ ಬಿಡು!
ಎಷ್ಟಾದರೂ ನಾ ಗಂಡಲ್ಲವೇ ಸಹಿಸುವೆ
ಎದೆ ಗಟ್ಟಿಯಿದೆ ಹುಟ್ಟಿನಿಂದಲೇ ನೀ ಬಲ್ಲೆ!
ಅಲ್ಲಾಡುವ ಜಾಯಮಾನವಲ್ಲ ಸುಲಭದಿ!
ಸುಕೋಮಲೆ ನೀನು ನಗುವೊಂದೇ ಬಲ್ಲೆ
ಕಿಂಚಿತ್ತು ನೋವ ನೀ ಸಹಿಸಲೊಲ್ಲೆ ಮಲ್ಲೆ
ಒಲಿದವಗೆ ನೋವ ದಾಟಿಸುವುದ ನೀ ಬಲ್ಲೆ!
ನನ್ನೆದೆಯ ನೋವನರಿವ ಮತಿ ನಿನಗೆಲ್ಲಿ?
ಅಳುವ ನುಂಗಿ ನಗುವುದನು ನಾ ಬಲ್ಲೆ! 😊
ಕಿಂಚಿತ್ತು ನೋವ ನೀ ಸಹಿಸಲೊಲ್ಲೆ ಮಲ್ಲೆ
ಒಲಿದವಗೆ ನೋವ ದಾಟಿಸುವುದ ನೀ ಬಲ್ಲೆ!
ನನ್ನೆದೆಯ ನೋವನರಿವ ಮತಿ ನಿನಗೆಲ್ಲಿ?
ಅಳುವ ನುಂಗಿ ನಗುವುದನು ನಾ ಬಲ್ಲೆ! 😊
Subscribe to:
Posts (Atom)








