ಲಹರಿ ಬಂದಂತೆ,,,,,,,,,,,,,೪,,,,,,,,,,,,

ಮತ್ತೆ ಮತ್ತೇರಿಸುವ ಮತ್ತದೇ ಸಂಜೆಯಲಿ

ಸುತ್ತ ಮುತ್ತಿರುವ ಅದೇ ಸಂಜೆಗತ್ತಲಿನಲ್ಲಿ

ಹೊತ್ತು ಗೊತ್ತಿಲ್ಲದೆ ನೀನಿತ್ತ ಸಿಹಿ ಮುತ್ತಿನಲಿ

ಅದೆಂಥಾ ಮಾದಕತೆ ಗೊತ್ತೇನೇ,,,,,ತಿಮ್ಮಿ!

******************************

******************************

 ಬೇಡ ಬೇಡವೆಂದರೂ

ಅದೇಕೆ ನೀ ಹೀಗೆ ಬರುವೆ?

ತುಸು ತಡೆದು ಬರಬಾರದೆ?

ನನಗೆ ಸ್ವಲ್ಪ ಕೆಲಸವಿದೆ,

ಓ, ಅದೇನಂಥಾ
ಘನಕಾರ್ಯವೆಂದೆಯಾ?
ನಿನ್ನ ನೆನಪುಗಳ ಶವಗಳಿಗೆ
ಮಣ್ಣು ಮುಚ್ಚಬೇಕಿದೆ!! 😕😑

*****************************

*****************************

ಹುಣ್ಣಿಮೆಯ

ಚಂದ್ರಮನ

ಶೀತಲ ಕಿರಣಗಳ

ತಂಪ ಸವಿಯುತ

ನಿರಾಳದಲಿರುವ
ಕೊಳವು ನಾನು!
ನಿನ್ನ ನೆನಪುಗಳ
ಘನಘೋರ
ಬಂಡೆಯನೆಸೆಯದಿರು
ಗೆಳತಿ!
ತಳ ಸೇರಿರುವ
ಬಗ್ಗಡವೆಲ್ಲ ಮೇಲೆದ್ದು
ಓಡಿ ಹೋದಾನು
ಚಂದ್ರಮ !! 😕😑

*****************************

*****************************