ನಿರಾಳ ಮನವಿಂದು ನಿರಾಶೆಯ ಭೂತವ ಬದಿಗೊತ್ತಿ
ನಿನ್ನ ನಗುಮೊಗವದು ಸೂಜಿಗಲ್ಲಿನಂತೆ ಸೆಳೆಯುತಿರೆ!
ಬದುಕು ಸಾರ್ಥಕವೆನಿಸಿದ ಘಳಿಗೆಯನದೆಂತು ಬಣ್ಣಿಸಲಿ
ನಿನಗೆ ಆ ನಿನ್ನ ಮುಗ್ಧ ನಗುವಿಗೆ ಬೇರೆ ಸಾಟಿಯಿಲ್ಲ ನಲ್ಲೆ!
ಭರವಸೆಯ ಬೆಳಕು ನಿನ್ನ ಚಿಗರೆ ಕಂಗಳಲಿ ಚಿಮ್ಮುತಲಿರಲು
ಕ್ಷೀಣವಾಗುತ್ತಿದ್ದ ಎದೆ ಬಡಿತ ಮತ್ತೆ ಜೋರಾಯಿತೇಕೋ!
ಬತ್ತಿ ಹೋಗುತಲಿದ್ದ ಪ್ರೀತಿಯ ಒರತೆಯಲಿ ಮತ್ತೆ ಜೀವಸೆಲೆ
ಇರಲಿ ಈ ಭರವಸೆ ಹೀಗೆಯೇ ಬಾಳ ಪಯಣ ಮುಗಿವವರೆಗೆ!
ದೂರಾಗದಿರು ಮತ್ತೊಮ್ಮೆ ಸಹಿಸಲಾರದೇನೋ ಈ ಜೀವ
ಜೊತೆಯಾಗಿರು ಒಲವ ಪಯಣದಿ ಹಾಲು ಜೇನು ಬೆರೆತಂತೆ!
No comments:
Post a Comment