Monday, April 25, 2016

ಮೊದಲ ಮಳೆಯ ಮಣ್ಣ ಈ ಘಮಲಿನಲಿ ,,,,,,,,,,,,,,,,,



ಮೊದಲ ಮಳೆಯ ಮಣ್ಣ ಈ ಘಮಲಿನಲಿ 
ನಿನ್ನ ಮೊದಲ ನೋಟದ ಸೆಳೆತ ಕಂಡೆನಲ್ಲೆ!

ಆಗಸದಿ ಫಳಾರನೆ ಹೊಳೆದ ಆ ಮಿಂಚಿನಲ್ಲಿ 
ನಿನ್ನಾ ಕಪಟ ನಾಟಕದ ಸಂಚ ಕಂಡೆನಲ್ಲೆ!

ಕಿವಿಗಡಚಿಕ್ಕುವ ಗುಡು ಗುಡು ಗುಡುಗಿನಲ್ಲಿ 
ನಿನ್ನ ಕೋಪ ತಾಪದ ಆರ್ಭಟವ ಕಂಡೆನಲ್ಲೆ!

ಭೋರೆಂದು ಸುರಿವ ಈ ಮುಸಲಧಾರೆಯಲ್ಲಿ
ನಿನ್ನ ಪ್ರೀತಿಯ ವರ್ಷಧಾರೆಯನೇ ಕಂಡೆನಲ್ಲೆ!

ನೀನೇಕೆ ಹೀಗೆ ನೀನೇಕೆ ಹೀಗೆ ಚೆಂಡು ಮಲ್ಲೆ 
ನನ್ನ ಬಿಡದೆ ಕಾಡುವೆ ಓ ನನ್ನಾ ಮುದ್ದು ನಲ್ಲೆ!  

(ಮಳೆಯ ಚಿತ್ರ:  Ramesh Bhadravathi, ಸುಂದರಿಯ ಚಿತ್ರ: ಅಂತರ್ಜಾಲದಿಂದ)







No comments: