ನಡೆವ ಹಾದಿ ದೂರವಿರಲು
ಗಮ್ಯ ಸಿಗದೆ ತಡವುತಿರಲು
ಮಬ್ಬುಗತ್ತಲು ಮುಸುಕುತಿರಲು
ಒಂಟಿ ಮನವು ತೊಳಲುತಿರಲು
ನಡೆವ ಹೆಜ್ಜೆ ಎಡವುತಿರಲು
ಜತೆಗಾತಿ ಕೈ ಹಿಡಿಯದಿರಲು
ಉತ್ಸಾಹ ಬತ್ತಿ ಹೋಗುತಿರಲು
ಪಯಣವಿದು ದೀರ್ಘವಾಗಿರಲು
ಕುಗ್ಗುವಾ ಎದೆಯ ಮೇಲೆತ್ತುತಲಿ
ಬತ್ತಿದಾ ತುಟಿಗಳ ಚಪ್ಪರಿಸುತಲಿ
ಸೋಲದಾ ಛಲದಿ ನಡೆಯುತಲಿ
ಆ ಬೆಳ್ಳಿ ಬೆಳಕಿನ ನಿರೀಕ್ಷೆಯಲಿ
ಈ ಪಯಣವಿದು ಸಾಗುತಿರಲಿ
ಆ ಆಸೆಯಿದು ಕೊನರದಿರಲಿ
ಈ ಭರವಸೆಯು ಬತ್ತದಿರಲಿ
ಆ ಗುರಿಯೆಡೆಗೆ ಸಾಗುತಿರಲಿ
No comments:
Post a Comment