ಲಹರಿ ಬಂದಂತೆ,,,,,,,,,,,,,,,೧೪,,,,,,,,,,,

ಕಡಿದ ತನ್ನ ಬೇರುಗಳ ನೆನೆಯುತಾ
ಮುರಿದ ತನ್ನ ರೆಂಬೆಗಳಿಗೆ ಮರುಗುತಾ
ಸುಡು ಭೀಕರ ಸುಡುಗಾಡಿನಲ್ಲಿ ಸುಟ್ಟು
ಕರಕಲಾದ ಆ ಮರದ ತುಂಡಿನಲ್ಲಿ 

ಬೇರು ನೆಲಕ್ಕಿಳಿದು ನೀರನೆಳೆದು
ಮತ್ತೊಮ್ಮೆ ಮೊಳಕೆಯೊಡೆಯುವ
ಹೊಸ ಹಚ್ಚ ಹಸಿರು ಚಿಗುರಿಸುವ
ಮತ್ತೊಮ್ಮೆ ಮುಗಿಲೆತ್ತರಕ್ಕೆ ಬೆಳೆಯುವ 

ನೂರಾರು ಹಕ್ಕಿಗಳಿಗೆ ಆಸರೆಯಾಗುವ
ದಾರಿಹೋಕರಿಗೆ ತಂಪು ನೆರಳನೀಯುವ
ಫಲಗಳಿಂದ ತುಂಬಿ ತೊನೆದಾಡುವ
ನಗುನಗುತ್ತಾ ಸದಾ ನಳನಳಿಸುವ 

ಸವಿ ಕನಸದು ಅದೆಷ್ಟು ಸುಂದರ!