ಸಾವಿನ ಭಯವಿಲ್ಲವೆನಗೆ
ಗಡಿಯಲಿಂದು ನಿಂದಿರುವೆ
ನನ್ನ ದೇಶವ ಕಾಯುತ
ಯಾವಾಗ ಎತ್ತಣಿಂದ
ಬಂದಪ್ಪಳಿಸಲಿವೆಯೋ
ವೈರಿಪಡೆಯ ಗುಂಡುಗಳು
ಸಾವಿನ ಭಯವಿಲ್ಲವೆನಗೆ
ಸಹಸ್ರ ಸಹೋದರ
ಸಹೋದರಿಯರು ನೆಮ್ಮದಿ
ಶಾಂತಿಯಲಿ ಜೀವಿಸಿರಲು
ವಿಶಾಲವಾದ ನನ್ನೆದೆ
ಸಿದ್ಧವಿದೆ ಎದುರಿಸಲು
ವೈರಿಗಳ ಗುಂಡುಗಳ
ಆಗಸದಿ ಉರಿವ ಸೂರ್ಯ
ತಂಪಾದ ಹುಣ್ಣಿಮೆಯ ಶಶಿ
ಹರಿವ ನದಿ ನಗುವ ಹೂವ
ಕಂಡಾಗ ನೆನಪಾಗುವುದು
ಮಕ್ಕಳ ಮುಗ್ಧ ನಗುವು
ಬಾಳ ಸಂಗಾತಿಯ ಒಲವು
ಹೆತ್ತವರ ಕಾತುರದ ನೋಟ
ಗೆಳೆಯರ ಬಂಧು ಬಳಗದ
ನೆನಪಾಗಿ ಕಣ್ಣಂಚು ಒದ್ದೆ
ಆದರೂ,,,,,,,,,,,,,,,,,,,,
ಸಾವಿನ ಭಯವಿಲ್ಲವೆನಗೆ !
No comments:
Post a Comment