ದೋಣಿ ಮುಳುಗಿತಲ್ಲಾ,,,,,,,,,,,,,,,,,,,,,

ದೂರತೀರ ಯಾನಕೆಂದು ಪುಟ್ಟ ದೋಣಿ ಹೊರಟಿತಲ್ಲಾ  

ದಡವು ಕಾಣದಾಯಿತಲ್ಲ ಜೀವ ಸೋತು ಹೋಯಿತಲ್ಲ 

ಎರಡು ದಡದ ನಡುವಿನಗಾಧ ಅಂತರ ಅರಿಯದಾಯಿತಲ್ಲಾ 

ಅಬ್ಬರಿಸುವ ಕಡಲಿನಲ್ಲಿ ದಟ್ಟೈಸಿದ ಕಾರ್ಮೋಡಗಳಲ್ಲಿ 

ಭರವಸೆಯ ಬೆಳಕ ಬೆಳ್ಳಿ ರೇಖೆ ಕಾಣೆಯಾಯಿತಲ್ಲಾ 

ಉಬ್ಬರವಿಳಿತಗಳ ಆರ್ಭಟದಿ ಗೆಲುವು ಕಾಣದಲ್ಲಾ

ಅಸಹಾಯಕತೆಯ ನೆನೆದು ಮನವು ಮರುಗಿತಲ್ಲಾ 

ನಿನ್ನ ನೋಡುವ ಕೂಡಿ ಬಾಳುವ ಕನಸು ಉಳಿಯಿತಲ್ಲಾ 

ಶಕ್ತಿ ಮೀರಿ ದೋಣಿ ಸಾಗೆ ದೈತ್ಯ ಅಲೆಯು ಬಂದಿತಲ್ಲಾ 

ಗುರಿ ತಲುಪುವ ಆಸೆ ಕಮರಿ ದೋಣಿ ಮುಳುಗಿತಲ್ಲಾ  

ಅತೃಪ್ತ ಆತ್ಮವದು ನೊಂದು ಬೆಂದು ಅಲೆಯುತಿದೆಯಲ್ಲಾ!