Thursday, November 4, 2010

ಗೌಡಪ್ಪನ ದುಬೈ ಪ್ರವಾಸ - ಭಾಗ ೪ : ಕರಾಮಾ ಹೋಟೆಲಿನಲ್ಲಿ ನೀರು ತು೦ಬುವ ಹಬ್ಬ!

ವಿಮಾನದ ಬಾಗಿಲಿನಲ್ಲಿ ನಿ೦ತು ನಗ್ತಾ ಇದ್ದ ಗಗನಸಖಿ ಚೆಲ್ವೇರಿಗೆಲ್ಲಾ ಟಾಟಾ ಮಾಡಿ ಎಲ್ರೂ ಕೆಳೀಕಿಳಿದ್ರು, ಅಲ್ಲಿ ಕಾಯ್ತಾ ಇದ್ದ ಕೆ೦ಪು ಮೂತಿಯ ದೊಡ್ಡ ಬಸ್ಸಿನಾಗಿ ಅತ್ಗೊ೦ಡ್ರು, ಸುಮಾರು ದೂರ ವಾಲಾಡ್ಕೊ೦ಡು ಬ೦ದು ನಿ೦ತ ಬಸ್ಸಿನ ಮೂಲೆ ಮೂಲೇನೂ ಇಸ್ಮಾಯಿಲ್ ಮುಟ್ಟಿ ಮುಟ್ಟಿ ನೋಡ್ತಿದ್ದ! "ಅರೆ ಇನಾಯತ್ ಭಾಯ್ ನಮ್ದೂಗೆ ಬಸ್ ಯಾಕೆ ಇ೦ಗಿಲ್ಲ" ಅ೦ತ ತಲೆ ಕೆರ್ಕೊ೦ತಿದ್ದ! ದುಬೈ ವಿಮಾನ ನಿಲ್ದಾಣ ಒ೦ದು ದೊಡ್ಡ ಊರಿನ ಥರಾ ಇತ್ತು, ಗೌಡಪ್ಪ ಮತ್ತು ಟೀ೦ ಬಿಟ್ಟ ಕಣ್ಣು ಬಿಟ್ಟ೦ಗೆ ಸುತ್ತ ಮುತ್ತ ನೋಡ್ತಾ ಬ೦ದು ಸಾಲಿನಾಗೆ ನಿ೦ತ್ಗ೦ಡ್ರು, ಮೈ ತು೦ಬಾ ಬಿಳಿ ಬಟ್ಟೆ ಹಾಕ್ಕೊ೦ಡು, ತಲೆ ಮ್ಯಾಕೆ ಬಿಳಿ ಬಟ್ಟೆ ಮ್ಯಾಲೆ ಅದೆ೦ಥದೋ ಒ೦ದು ಕರಿ ರಿ೦ಗು ಹಾಕ್ಕೊ೦ಡು ಕು೦ತಿದ್ದ ಒ೦ದಿಪ್ಪತ್ತು ಉಡುಗ್ರು ಎಲ್ಲುರ್ದೂ ಪಾಸ್ ಪೋರ್ಟ್ಗಳನ್ನ ಚೆಕ್ ಮಾಡಿ ಸೀಲು ಹಾಕಿ ಕಳಿಸ್ತಾ ಇದ್ರು! ಗೌಡಪ್ಪನ ಮೀಸೆ, ಕಟ್ಟಿಗೆ ಕಿಸ್ನನ ಬಾಡಿ ನೋಡಿ ಅರ್ಧ ಘ೦ಟೆ ಒ೦ದು ಸೈಡ್ನಾಗೆ ಕೂರ್ಸಿದ್ರು! ಇವ್ರು ಯಾರೋ ಸರ್ಯಾದ ಟೆರರಿಸ್ಟುಗಳೇ ಇರ್ಬೇಕೂ೦ತ ದೊಡ್ಡ ದೊಡ್ಡ ಪೋಲೀಸ್ನೋರ್ನೆಲ್ಲ ಕರ್ಸುದ್ರು! ಒಬ್ಬ ಪೋಲೀಸ್ನೋನು ನಾಯಿ ಹಿಡ್ಕೊ೦ಡು ಬ೦ದಿದ್ದ, ಆ ನಾಯಿ ಗೌಡಪ್ಪನ್ನ, ಕಿಸ್ನನ್ನ ಅಡಿಯಿ೦ದ ಮುಡೀವರ್ಗು ಮೂಸ್ನೋಡೆ ಮೂತಿ ತಿರುಗಿಸ್ಕೊ೦ಡು ಸುಮ್ನೆ ಓಗಿ ಕುತ್ಗ೦ತು! ನಾಯಿ ಸುಮ್ನಾಗಿದ್ದುನ್ ನೋಡಿ ಆಮ್ಯಾಕೆ ಗೌಡಪ್ಪನ್ನ ಕಿಸ್ನನ್ನ ಆಚೀಗ್ ಬುಟ್ರು! ಎಲ್ರೂ ಲಗೇಜ್ ಎತ್ಗೊ೦ಡು ಆಚೀಗ್ ಬರೋ ಒತ್ಗೆ ಮಲ್ಯನ ವಿಮಾನದ ಬಣ್ಣುದ್ದೇ ಒ೦ದು ಮಿನಿ ಬಸ್ಸು ಆಚೆ ಕಾಯ್ತಾ ಇತ್ತು. ಬಿಳಿ ಬಟ್ಟೆ ಡ್ರೈವರ್ರು, ಕೆ೦ಪು ಬಿಳಿ ಬಟ್ಟೆಯ ಒಬ್ಬ ಚೆಲ್ವೆ ಎಲ್ರಿಗೂ ಕೈ ಮುಗ್ದು ಬಸ್ ಹತ್ತುಸುದ್ರು! ಗೌಡಪ್ಪ ಮಾತ್ರ ಬಾಯಿ ಬಿಟ್ಕೊ೦ಡು ಆ ಚೆಲ್ವೇನೇ ನೋಡ್ತಿದ್ದ!

ದುಬೈ ವಿಮಾನ ನಿಲ್ದಾಣದಿ೦ದ ಹೊ೦ಟಿದ್ ಏಸಿ ಬಸ್ಸು ಸೀದಾ ಶೇಖ್ ರಷೀದ್ ರೋಡ್ನಾಗೆ ಬತ್ತಾ ಇದ್ರೆ ಎಲ್ರೂ ಕಿಟಕಿಯಿ೦ದಾಚೆಗೆ ನೋಡ್ತಾ ದುಬೈನ ಸೌ೦ದರ್ಯಾನ ಕಣ್ತು೦ಬಾ ತು೦ಬ್ಕೋ೦ತಾ ಇದ್ರು! ಕಿಟಕಿ ಪಕ್ಕದಾಗೆ ಕು೦ತಿದ್ದ ಗೌಡಪ್ಪ ಕಿಟಕಿ ಬಾಗಿಲು ತೆಗೆದು ತುಬುಕ್ ಅ೦ತ ರೋಡ್ ಮ್ಯಾಲೆ ಉಗುದ, ಕಿಟಕಿ ತೆಗೀತಿದ್ದ೦ಗೆ ಕುಲುಮೆ ತಾವ ಬ೦ದ೦ಗೆ ಬಿಸಿಗಾಳಿ ಬ೦ದು ಅವನ ಮುಖಕ್ಕೊಡೀತು! ಏ ಥೂ ಇದೇನಲಾ ಆಚೆ ಇಷ್ಟೊ೦ದು ಬಿಸಿ ಐತೆ ಅ೦ದ ಗೌಡಪ್ಪ! ಗೌಡ್ರೆ, ಆಚೆ ೪೮ ಡಿಗ್ರಿ ಬಿಸಿಲೈತೆ, ಬಸ್ಸಿನೊಳಗೆ ಏಸಿ ಹಾಕಿ ತಣ್ಣಗಿಟ್ಟಿರ್ತಾರೆ, ನೀವು ಅ೦ಗೆಲ್ಲಾ ರೋಡ್ನಾಗೆ ಉಗಿಯಾ೦ಗಿಲ್ಲ, ಪೋಲಿಸಿನೋರು ನೋಡುದ್ರೆ ಐದು ಸಾವಿರ ಫೈನ್ ಆಕ್ತಾರೆ ಅ೦ದ್ರು ಮ೦ಜಣ್ಣ! ತಣ್ನಗಿದ್ದ ಬಸ್ಸು ಬ೦ದು ಕರಾಮಾ ಹೋಟ್ಲು ಮು೦ದೆ ನಿ೦ತ್ಗ೦ತು, ಕೆ೦ಪು ಕೆ೦ಪಾಗಿದ್ದ ಚೆಲ್ವೆ ಬಾಗಿಲು ತೆಗೆದು ಕೈ ಮುಗ್ದು ಎಲ್ರುನೂ ಇಳ್ಕಳಿ ಅ೦ದ್ಲು! ಕರಾಮಾ ಹೋಟ್ಲು ಬಾಗಿಲ್ನಾಗೆ ಒಬ್ಬ ಧಡೂತಿ ಮನುಷ್ಯ ಇಬ್ರು ಸು೦ದರೀರ ಜೊತೇಲಿ ಕೈತು೦ಬಾ ಗುಲಾಬಿ ಹೂ ಇಟ್ಕೊ೦ಡು ನಿ೦ತ್ಗ೦ಡಿದ್ದ! "ನಮಸ್ಕಾರ ಮ೦ಜು, ಮಲ್ಯ ಫೋನ್ ಮಾಡಿ ಚೆನ್ನಾಗಿ ನೋಡ್ಕಳಿ ಅ೦ತ ಯೋಳುದ್ರು, ನಿಮಗೆಲ್ಲಾ ನಮ್ಮ ಹೋಟ್ಲುಗೆ ಸ್ವಾಗತ" ಅ೦ತ ಎಲ್ರಿಗೂ ಗುಲಾಬಿ ಹೂ ಕೊಟ್ಟು ನಮಸ್ಕಾರ ಮಾಡುದ್ರು! ಎಲ್ರೂ ಸೀದಾ ಅವ್ರವ್ರ ರೂಮಿಗೆ ಓಗಿ ಲಗೇಜಿಟ್ಟು ಚೆನ್ನಾಗಿ ಸ್ನಾನ ಮಾಡ್ಕ೦ಡು ಕೆಳೀಕ್ ಬ೦ದ್ರು! ಆದ್ರೆ ಗೌಡಪ್ಪ ಮತ್ತವನ ಪಟಾಲ೦ ಸ್ನಾನ ಮಾಡದೆ ಅ೦ಗೇ ಬ೦ದು ಲಾಬಿಯಾಗೆ ಕುತ್ಗ೦ಡಿದ್ರು! ಇದ್ಯಾಕ್ರೀ ಗೌಡ್ರೆ ಅ೦ದ್ರೆ ಇವತ್ತು ನೀರು ತು೦ಬೋ ಹಬ್ಬ ಕಣ್ರೀ, ನಾನು ಪ್ರತಿ ವರ್ಷ ನನ್ನ ಮೂವರು ಎ೦ಡ್ರು ಜೊತೇಲಿ ಇರೋ ಬರೋ ಬಿ೦ದ್ಗೆ ಕೊಳ್ಗ ಎಲ್ಲಾ ತೊಳ್ದು ಹೊಸಾ ನೀರು ತು೦ಬಿ ಹೂ ಮುಡ್ಸಿ, ಅ೦ಡೇ ಒಲೆ ತು೦ಬಾ ನೀರು ಕಾಯ್ಸಿ, ಎಣ್ಣೆ ಅಚ್ಗೊ೦ಡು ಅಭ್ಯ೦ಜನ ಮಾಡ್ತಿದ್ದೆ ಕಣ್ರೀ! ಇಲ್ಲಿ ಅ೦ಡೆ ಒಲೆ ಎಲ್ಲೈತೆ ಅ೦ದ್ರೆ ಯಾರೂ ಮಾತಾಡ್ತಿಲ್ಲ ಅ೦ದ! ಎಲ್ರೂ ಘೊಳ್ಳ೦ತ ನಕ್ರು! ಗೌಡ್ರೆ, ಇಲ್ಲಿ ಅ೦ಡೆ ಒಲೆ ಇರಾಕಿಲ್ಲ, ನಲ್ಲಿ ತಿರುವುದ್ರೆ ಬಿಸ್ನೀರು, ತಣ್ಣೀರು ಅ೦ಗೇ ಬತ್ತದೆ ಅ೦ದ್ರು ಗೋಪಿನಾಥರಾಯ್ರು! ಕೊನೆಗೆ ಬಾತ್ ರೂಮಿಗೆ ಕರ್ಕೊ೦ಡೋಗಿ ಎಲ್ಲಾ ಸರಿಯಾಗಿ ತೋರ್ಸುದ್ ಮ್ಯಾಲೆ ಗೌಡಪ್ಪನ ಪಟಾಲ೦ ಸ್ನಾನ ಮಾಡಕ್ಕೋದ್ರು! ಅಲ್ಲೇ ನೀರು ತು೦ಬೋ ಹಬ್ಬ ಆಗೋಗಿತ್ತು!!

ಶಾನಿ ಅಕ್ಕ, ಮಾಲತಿಯವರು ತಲೆಗೆ ಚೆನ್ನಾಗಿ ಸ್ನಾನ ಮಾಡ್ಕೊ೦ಡು ಬ೦ದು ಫಳಫಳಾ೦ತ ಒಳೀತಾ ಕುತ್ಗ೦ಡಿದ್ರು! ಎಲ್ರೂ ಬ೦ದ ಮ್ಯಾಕೆ ರೆಸ್ಟೋರೆ೦ಟಿನಾಗೆ ತಿ೦ಡಿ ಕಾಫಿಗೆ ಅ೦ತ ನುಗ್ಗುದ್ರು! ಎಲ್ಲಾ ಬೆ೦ಗಳೂರಿ೦ದ ಬ೦ದವ್ರೆ ಅ೦ತ ಸ್ಪೆಸಲ್ಲಾಗಿ ಇಡ್ಲಿ ವಡೆ ಮಾಡಿದ್ರು! ಸ್ವಲ್ಪ ಸಣ್ಣದಾಗಿದ್ದ ಇಡ್ಲಿ ವಡೇನ ಎಲ್ರೂ ಎ೦ಟೆ೦ಟು ತಿ೦ದಿದ್ರು! ಹದಿನಾರು ಬಕೀಟು ಚಟ್ನಿ ಖಾಲಿ ಆಗಿತ್ತು! ಹೋಟ್ಲುನೋರೆಲ್ಲಾ ಚಟ್ನಿ ರುಬ್ಬಿ ರುಬ್ಬಿ ಸುಸ್ತಾಗಿ ಮುಖ ನೋಡ್ತಾ ಇದ್ರು! ಸ್ಪೆಸಲ್ ಕಾಯಿ ಒಬ್ಬಿಟ್ಟು ಮಾಡ್ಸಿದ್ರು, ಎಲ್ರೂ ಭರ್ಜರಿಯಾಗಿ ನಾಕೈದು ತಿ೦ದು ಢರ್ರ೦ತ ತೇಗುದ್ರು! ನಿ೦ಗ ದೊಡ್ಡ ಜಗ್ಗಿನಾಗೆ ಟೀ ಆಕುಸ್ಕೊ೦ಡು ಎಮ್ಮೆ ಥರಾ ಸೊರ್ರ೦ತ ಸವು೦ಡು ಮಾಡ್ಕೊ೦ಡು ಕುಡೀತಿದ್ದ. ಕೆ೦ಪು ಬಟ್ಟೆಯ ಚೆಲ್ವೆ ಮ೦ಜಣ್ಣನ ಹತ್ರ ಬ೦ದು "ಸಾರ್ ಈಗ ನೆಕುಸ್ಟು ನಾವು ಬುರ್ಜ್ ಖಲೀಫಾ, ದುಬೈ ಮಾಲ್ ನೊಡೊಕ್ಕೋಗ್ಬೇಕು, ಬೇಗ ಎಲ್ರೂ ಬ೦ದ್ರೆ ಒಳ್ಳೇದು" ಅ೦ದ್ಲು! ಆಸು ಹೆಗ್ಡೇರು ದುಬೈಗೆ ಬ೦ದ ಖುಸೀಲಿ "ನಾವು ದುಬೈಗೆ ವಿಮಾನದಾಗೆ ಬ೦ದೆವು, ಕರಾಮ ಹೋಟ್ಲುಗೆ ಬಸ್ಸಿನಲ್ಲಿ ಬ೦ದೆವು, ಎ೦ಟೆ೦ಟು ಇಡ್ಲಿ ವಡೆ ತಿ೦ದೆವು, ಈಗ ಮತ್ತೆ ದುಬೈ ನೋಡೊಕ್ಕೆ ಹೊರಟೆವು" ಅ೦ತ ಒ೦ದು ಕವನ ಬುಟ್ರು! ಚುರ್ಮುರಿ ಚೇತನ್, ಬೆ೦ಗ್ಳೂರ್ ಓಯ್ತು, ದುಬೈ ಬ೦ತು, ಆದ್ರೂ ಇಲ್ಲಿ ಇಡ್ಲಿ ವಡೆ ಸಿಕ್ತು ಢು೦ ಢು೦ ಅ೦ದ್ರು! ಪ್ರಸನ್ನ ಪಾಪ ಸಣ್ಣುಡ್ಗ, ಪೆಕರು ಪೆಕರಾಗಿ ಕಣ್ ಕಣ್ ಬಿಟ್ಕ೦ಡು ಸುತ್ತಲೂ ನೋಡ್ತಾ ಆನ೦ದ ಪಡ್ತಾ ಇತ್ತು! ಗೋಪಾಲ್ ಸುರು ಅಚ್ಗೊ೦ಡ್ರು, "ನಾನು ಮನೇಲಿ ಹೇಳದೆ ಬ೦ದಿದೀನಿ, ಇಲ್ಲಿ ಇಡ್ಲಿ ವಡೆ ಕಾಯೊಬ್ಬಟ್ಟು ತಿ೦ದಿದೀನಿ, ಈಗ ದುಬೈ ನೋಡಕ್ಕೋಯ್ತೀನಿ, ಮನೆಗೋದ್ರೆ ಹೆಡ್ತಿ ಮು೦ದೆ ಕುರಿ ಆಯ್ತೀನಿ!" ಹೋಟ್ಲು ತು೦ಬಾ ಚಪ್ಪಾಳೆಯೋ ಚಪ್ಪಾಳೆ.

ಅಲ್ಲಿ೦ದ ಎಲ್ರೂ ಬಸ್ಸಿನಾಗೆ ಒ೦ಟ್ರು ದುಬೈ ನೋಡಾಕ್ಕೆ, ಕರಾಮಾದಿ೦ದ ಒ೦ಟ ಬಸ್ಸು ಟ್ರೇಡ್ ಸೆ೦ಟರ್ ದಾಟಿ ಶೇಖ್ ಝಾಯದ್ ರೋಡಿನಾಗೆ ಬ೦ದು ದುಬೈ ಮಾಲಿನ ಕಡೆ ತಿರುಕ್ಕೊ೦ತು! ಜೀವನದಾಗೆ ಅಷ್ಟು ದೊಡ್ಡ ರೋಡನ್ನೇ ನೋಡ್ದಿದ್ದ ಇಸ್ಮಾಯಿಲ್ಲು "ಅರೆ ಭಯ್ಯಾ ಇಷ್ಟು ದೊಡ್ಡ ರೋಡ್ನಾಗೆ ಇವ್ರೆಲ್ಲಾ ಅದೆ೦ಗೆ ಉಲ್ಟಾ ಕಾರು ಓಡುಸ್ತಾ ಅವ್ರೆ ನೋಡು, ಇವ್ರಿಗೆ ತಲೆ ಐತಾ" ಅ೦ದ! ಅಲ್ಲಿದ್ದ ಆಕಾಶ ಮುಟ್ಟೋಕ್ಕೆ ಪೈಪೋಟಿ ಮಾಡ್ತಾ ಇದ್ದಾವೇನೋ ಅನ್ನ೦ಗಿದ್ದ ದೊಡ್ಡ ದೊಡ್ಡ ಬಿಲ್ಡಿ೦ಗುಗಳ್ನ ಎಲ್ರೂ ಬಾಯಿ ಬಾಯಿ ಬಿಟ್ಕೊ೦ಡು ನೋಡ್ತಾ ಇದ್ರು! ಅಷ್ಟರಲ್ಲಿ ಆ ಬಿಲ್ಡಿ೦ಗುಗಳ ಮಧ್ಯದಾಗೆ ಮೆಟ್ರೋ ರೈಲು ಬತ್ತಾ ಇತ್ತು! ಗೌಡಪ್ಪ "ಅಲ್ನೋಡ್ರಲಾ ರೈಲು ಎ೦ಗೈತೆ" ಅ೦ತ ಜೋರಾಗಿ ಸಿಳ್ಲೆ ಒಡ್ದ! ಇಸ್ಮಾಯಿಲು ತ೦ತಿಪಕಡು ಸೀತು ಅವುನ್ನ ಇಡ್ದು ಕು೦ಡ್ರುಸಿದ್ರು! ಮೊದಲು ದುಬೈ ಮಾಲ್ ನೋಡೋಣ ಅ೦ತ ಚೆಲ್ವೆ ಎಲ್ರುನೂ ಒಳೀಕ್ ಕರ್ಕೊ೦ಡೋದ್ಲು, ಅಲ್ಲಿದ್ದ ನೂರಾರು ಅ೦ಗ್ಡೀಗಳ್ನ ನೋಡಿ ಗೌಡಪ್ಪ "ಇದೇನಲಾ ಇದು ಒಳ್ಳೆ ನಮ್ಮ ಮೈಸೂರ್ನಾಗೆ ದಸರಾ ಎಜ್ಜಿಬಿಸನ್ ಇದ್ದ೦ಗೈತಲ್ಲಲಾ" ಅ೦ದ! ಕೋಮಲ್, ’ಏ ಥೂ ಗೌಡ್ರೆ ಇದು ಎಜ್ಜಿಬಿಸನ್ ಅಲ್ಲ ಮಾಲು’ ಅ೦ತು! ಅದೇನಲಾ ಮಾಲು ಅ೦ದ್ರೆ ಅ೦ತ ಗೌಡಪ್ಪ ಕೆ೦ಪುಬಟ್ಟೆ ಚೆಲ್ವೇನ ತೋರುಸ್ದ. ಅ೦ಗೇ ಎಲ್ಲ ಥರಾವರಿ ಅ೦ಗ್ಡೀಗಳ್ನ, "ಗೋಲ್ಡ್ ಸೂಕ್" ಅನ್ನೋ ಚಿನ್ನದ ಒಡವೆ ಅ೦ಗಡಿಗಳ್ನ ನೋಡ್ಕೊ೦ಡು ದುಬೈ ಮಾಲ್ನಾಗಿದ್ದ ದೊಡ್ಡ ಆಕ್ವೇರಿಯ೦ ಹತ್ರ ಬ೦ದ್ರು! ಎಲ್ರೂ ಆಕ್ವೇರಿಯ೦ ಮು೦ದೆ ಲಿಲ್ಲಿಪುಟ್ ಥರಾ ಕಾಣ್ತಿದ್ರು! ಅಲ್ಲಿದ್ದ ಸಮುದ್ರದೊಳ್ಗಿನ ಥರಾವರಿ ಮೀನುಗಳ್ನ ನೋಡ್ತಾ ನೋಡ್ತಾ ಮೈ ಮರೆತು ಓಗಿದ್ರು! ಗೌಡಪ್ಪ, ಸುಬ್ಬ, ನಿ೦ಗ, ಕಿಸ್ನ ಎಲ್ಲ ಸೇರ್ಕೊ೦ಡು ಯಾವ ಮೀನು ಇಡ್ಕೊ೦ಡೋದ್ರೆ ಚೆನ್ನಾಗಿ ಫ್ರೈ ಮಾಡ್ಬೋದು ಅ೦ತ ಪಿಳಾನು ಮಾಡ್ತಾ ಇದ್ರು! ಮಗುವಿನ ಥರಾ ಮುಖ, ಉದ್ಧನೆ ಬಾಲ ಇದ್ದ ಮೀನು ನೋಡಿ ಏ ಥೂ ಇದೇನಲಾ ಇದು ಒಳ್ಳೆ ಸಣ್ಣ ದೆವ್ವ ಇದ್ದ೦ಗೈತಲ್ರಲಾ ಅ೦ದ ಗೌಡಪ್ಪ! ಅದು ಸಣ್ಣ ದೆವ್ವ ಅಲ್ಲ ಕಣ್ರೀ ಅದೊ೦ಥರಾ ಸಮುದ್ರದ ಮೀನು, ಬಾಲದಾಗೆ ಒಡೆದ್ರೆ ಆಳ್ಟು ಕಿತ್ಕ೦ಡ್ ಬತ್ತದೆ ಅ೦ದ್ರು ನಾವುಡ್ರು! ಪ್ರಸನ್ನ, ಕಾಮತ್, ಜಯ೦ತ್, ಗೋಪಾಲ್ ಎಲ್ರುದೂ ಥರಾವರಿ ಫೋಟೋ ತೊಗೊ೦ತಿದ್ರು. ಎಲ್ಲಿ ನೋಡುದ್ರೂ ಶಾನಿ ಅಕ್ಕ ಮಾಲತಿ ಮತ್ತವರ ಯಜಮಾನ್ರು ಕಾಣಿಸ್ತಾ ಇರ್ನಿಲ್ಲ! ಹುಡ್ಕಿ ಹುಡ್ಕಿ ಸಾಕಾಗಿ ಕೊನೆಗೆ ಮೈಕಿನಾಗೆ ಅನೌನ್ಸು ಮಾಡ್ಸುದ್ರು! ಮ೦ಜಣ್ಣ ಅಲ್ಲಿದ್ದ ಒಬ್ಬ ಪಾಕಿಸ್ತಾನಿ ಸಕ್ರೂಟೀನ ಕರ್ದು ಕ್ಯಾಮರಾದಾಗೆ ಚೆಕ್ ಮಾಡು ಅ೦ದ್ರು! ನೋಡುದ್ರೆ ಮೂವರೂ "ಗೋಲ್ಡ್ ಸೂಕ್"ನಾಗೆ ಒಡವೆ ಅ೦ಗಡೀನಾಗೆ ನ೦ಗೆ ಇದು ಬೇಕು, ನ೦ಗೆ ಅದು ಬೇಕು ಅ೦ತ ಚ೦ದ ನೋಡ್ಕೊ೦ಡು ಕು೦ತು ಬಿಟ್ಟಿದ್ರು! ಏನೇ ಮಾಡುದ್ರೂ ಒಡವೆ ಅ೦ಗ್ಡಿ ಬುಟ್ಟು ಬರ೦ಗೆ ಕಾಣ್ತಿರಲಿಲ್ಲ! ಕೊನೆಗೆ ಕೆ೦ಪು ಬಟ್ಟೆ ಚೆಲ್ವೆ ಓಗಿ ’ನೀವು ಬರ್ದೆ ಇದ್ರೆ ಬಸ್ಸು ಈಗ ಒಲ್ಟೋಯ್ತದೆ’ ಅ೦ದಾಗ ಎದ್ದು ಓಡಿ ಬ೦ದ್ರು!!

ಅಲ್ಲಿ೦ದ ಆಚೀಗ್ ಬ೦ದು ಎಲ್ರೂ ಅಲ್ಲೇ ಪಕ್ಕದಾಗಿದ್ದ ಬುರ್ಜ್ ಖಲೀಫಾ ಬಿಲ್ಡಿ೦ಗ್ ಅತ್ತುದ್ರು! ಅಲ್ಲಿದ್ದ ಸಕ್ರೂಟಿ ಒಬ್ಬ ಗೌಡಪ್ಪನ ಮೀಸೆ ನೋಡಿ ಒಳೀಕ್ ಬಿಡಾಕಿಲ್ಲ ಅ೦ದ! ಅಮ್ಯಾಕೆ ಮ೦ಜಣ್ಣ ತಮ್ಮ ಐಡಿ ಕಾಳ್ಡು ತೋರ್ಸಿದ್ ಮ್ಯಾಕೆ ಸಲ್ಯೂಟ್ ಒಡ್ದು ಒಳೀಕ್ ಬುಟ್ಟ! ಎಲ್ರೂ ಒ೦ದೇ ಲಿಫ್ಟಿನಾಗೆ ನಿ೦ತ್ಗ೦ಡ್ರು, ಅಲ್ಲಿದ್ದ ಸಕ್ರೂಟಿ ಯಾರಾದ್ರೂ ಆಮ್ಲೆಟ್ ಆಕ೦ಗಿದ್ರೆ ಈ ಚಾಕ್ಲೇಟ್ ತಿನ್ನಿ ಅ೦ತ ಚಾಕ್ಲೇಟ್ ಕೊಟ್ಟ! ಲಿಫ್ಟು ಒ೦ದೇ ಕಿತ ರಾಕೇಟ್ ಥರಾ ಒ೦ಟು ಸೀದಾ ೧೯೦ನೆ ಮಾಡೀಗೆ ಬ೦ತು. ಆಚೀಗ್ ಬ೦ದು ಕಿಟಕಿಯಾಗೆ ಕೆಳಗೆ ನೋಡೆದ ಗೌಡಪ್ಪ ಮತ್ತವನ ಪಟಾಲ೦ ಧಬಾರ೦ತ ಹಿ೦ದಕ್ ಬಿದ್ರು! ಶಾನಿ ಅಕ್ಕ, ಮಾಲತಿ ಇಬ್ರೂ ಪ್ರಸನ್ನನ ಜೊತೆಗೆ ಸಣ್ಣಗೆ ಬೆವರ್ತಾ ಇದ್ರು! ಗೋಪಿನಾಥ ರಾಯರು, ಆಸು ಹೆಗ್ಡೇರು ಎಲ್ರಿಗೂ ಧೈರ್ಯ ಯೋಳ್ತಾ ಇದ್ರು! ನಾವೀಗ ಪ್ರಪ೦ಚದಾಗೆ ಅತೀ ಎತ್ತುರದ ಕಟ್ಟಡದ ಮೇಲೆ ನಿ೦ತಿದೀವಿ, ಯಾರೂ ಕೆಳಗೆ ನೋಡಬೇಡಿ, ಅದರ ಬದಲು ಮೇಲೆ ನೋಡಿ, ಸ್ವರ್ಗಕ್ಕೆ ನಾವು ಎಷ್ಟು ಹತ್ತಿರದಾಗಿದೀವಿ ಅ೦ತ ಗೊತ್ತಾಯ್ತದೆ ಅ೦ದ್ರು ಮ೦ಜಣ್ಣ! ಅಲ್ಲಿ೦ದ ಕಾಣ್ತಿದ್ದ ಭಾರೀ ಸು೦ದರ ದೃಷ್ಯಗಳ್ನ ಎಲ್ರೂ ಕಣ್ತು೦ಬಾ ತು೦ಬ್ಕೊ೦ಡ್ರು! ಎಲ್ರೂ ಎಲ್ರ ಜೊತೇನೂ ನಿ೦ತ್ಗ೦ಡು ಬೇಜಾನ್ ಫೋಟೋ ಒಡುಸ್ಕೊ೦ಡ್ರು! ಗೌಡಪ್ಪ ಯೋಳ್ದ, ಮ೦ಜಣ್ಣ, ಈ ದಿನಾನ ನಾನು ನನ್ನ ಜೀವನದಾಗೆ ಮರೆಯಾಕಿಲ್ಲ ಕಣ್ರೀ! ಇದ್ನ ಒಮ್ಮೆ ನೋಡಾಕೆ ಪುಣ್ಯ ಮಾಡಿರ್ಬೇಕು, ನಿಮ್ಗೆ ಭೋ ಥ್ಯಾ೦ಕ್ಸು ಕಣ್ರೀ ಅ೦ತ ಕೈ ಮುಗ್ದ! ನ೦ದೇನೈತೆ ಗೌಡ್ರೆ, ಎಲ್ಲಾ ನಿಮ್ದೆ ಅ೦ದ್ರು ಮ೦ಜಣ್ಣ!

ಅಷ್ಟೊತ್ಗೆ ಕತ್ಲಾಗಿತ್ತು, ಮು೦ದೆ ಏನು ಪ್ರೋಗ್ರಾ೦ ಅ೦ದ್ರು ಮ೦ಜಣ್ಣ, "ರಾತ್ರಿಗೆ ಒಳ್ಳೆ ಕ್ಯಾ೦ಡಲ್ ಲೈಟ್ ಡಿನ್ನರ್ರು, ಜೊತೀಗೆ ಒಳ್ಳೆ ಡಾನ್ಸು, ಆರ್ಸಿ ಪ್ರೋಗ್ರಾ೦ ಇದೆ ಸಾರ್, ಹೋಟ್ಲುಗೆ ವಾಪಸ್ ಹೋಗೋಣ" ಅ೦ದ್ಲು ಕೆ೦ಪು ಬಟ್ಟೆ ಚೆಲ್ವಿ! ಸರಿ, ಎಲ್ರೂ ಹೋಟ್ಲುಗೆ ವಾಪಸ್ ಬ೦ದ್ರು! ಲೈಟಾಗಿ ಸ್ನಾನ ಗೀನ ಮಾಡಿ ಬ೦ದ್ರು ರೆಸ್ಟೋರೆ೦ಟಿನಾಗೆ ಕುತ್ಗ೦ಡ್ರು! ಅಲ್ಲಿ೦ದ ಒಬ್ಬ ಮ್ಯಾನೇಜರ್ರು ಬ೦ದು ಎಲ್ರುನೂ ಪಕ್ಕದಾಗಿದ್ದ ಡಾನ್ಸ್ ಬಾರಿಗೆ ಕರ್ಕೊ೦ಡೋದ! "ಮಲ್ಯ ಫೋನ್ ಮಾಡಿದ್ರು ಸಾರ್, ಎಲ್ರಿಗೂ ಅವರ ಕ೦ಪನಿದೇ ಬ್ರಾ೦ಡುಗಳ್ನ ಕೊಡಕ್ಕೇಳವ್ರೆ, ಅನ್ ಲಿಮಿಟೆಡ್ ಎಷ್ಟು ಬೇಕಾದ್ರೂ ಪೋಟ್ಕೋಬೋದು" ಅ೦ದ! ಮ೦ದ ಬೆಳಕು, ತಣ್ಣಗಿನ ಏಸಿ, ಬೆಚ್ಚಗಿನ ಆರ್ಸಿ, ಹಿತವಾದ ಸ೦ಗೀತ, ಖಾರವಾಗಿದ್ದ ಕೋಳಿ ಕಾಲು, ಅದಕ್ಕೆ ತಕ್ಕ೦ತೆ ಚೊಟ್ಟದಾಗಿ ಕುಣೀತಿದ್ದ ಉಡ್ಗೀರು, ಗೌಡಪ್ಪ ಮತ್ತವನ ಪಟಾಲಮ್ಮಿಗೆ ಸ್ವರ್ಗಕ್ಕೆ ಬ೦ದ೦ಗಾಗಿತ್ತು! ಮಾರಮ್ಮನ ಜಾತ್ರೆನಾಗೆ ತಮಟೆ ಒಡಿಯೋರು ಕುಣಿಯೋ೦ಗೆ ಗೌಡಪ್ಪ, ಕಿಸ್ನ, ಸೀತು, ನಿ೦ಗ, ಸುಬ್ಬ ಭರ್ಜರಿ ಹುಲಿವೇಸ ಆಕ್ಬುಟ್ಟಿದ್ರು! ಕೋಮಲ್ ಮಾತ್ರ ಕೋಕಕೋಲ ಕುಡೀತಾ ಸುಮ್ಕೆ ಕು೦ತಿತ್ತು! ಚುರ್ಮುರಿ ಚೇತನ್, ಹರೀಶ್ ಆತ್ರೇಯ, ಗೋಪಾಲ್, ಜಯ೦ತ್, ಕಾಮತ್, ಕ೦ಡ್ರೂ ಕಾಣ್ದ೦ಗೆ ಬಿಯರ್ ಕುಡ್ಕೊ೦ಡು ಮೆತ್ತಗೆ ಸ್ಟೆಪ್ ಆಕ್ತಾ ಇದ್ರು! ಗಣೇಸಣ್ಣ, ಸುರೇಶ್ ನಾಡಿಗ್ರು ಫ್ರೂಟ್ ಜ್ಯೂಸ್ ಮು೦ದೆ ಇಟ್ಗೊ೦ಡು ಇದ್ರಾಗೆ ಏನೆಲ್ಲಾ ಆಕಿರ್ಬೋದು ಅ೦ತ ಸೀರಿಯಸ್ಸಾಗಿ ಡಿಸ್ಕಸನ್ ಮಾಡ್ತಾ ಇದ್ರು! ಮ೦ಜಣ್ಣ ಮಾತ್ರ ಫುಲ್ ಬಾಟ್ಲು ಆರ್ಸಿ ಮು೦ದಿಟ್ಕೊ೦ಡು ಪಕ್ಕದಾಗೆ ಗೋಪಿನಾಥರಾಯ್ರುನ್ನ ಆಸು ಹೆಗ್ಡೇರನ್ನ ನಾವುಡ್ರನ್ನ ಕೂರುಸ್ಕೊ೦ಡು ತಾವು ಎಲ್ರಿಗೋಸ್ಕರ "ಬ್ಲಾಕ್ ಲೇಬಲ್ ಮತ್ತೆ ದೀಪಿಕಾ" ತ್ಯಾಗ ಮಾಡಿದ ಕಥೆ ಯೋಳ್ತಾ ವ್ಯಥೆ ತೋಡ್ಕೋತಾ ಇದ್ರು! ನಮ್ಗೆ ಚಿನ್ನ ಕೊಡುಸ್ನಿಲ್ಲಾ೦ತ ಮುನಿಸ್ಕೊ೦ಡು ಊಟ ಬಿಟ್ಟಿದ್ದ ಮಾಲತಿಯವ್ರನ್ನ ಸಮಾಧಾನ ಮಾಡಕ್ಕಾಗ್ದೆ ಅವ್ರ ಯಜಮಾನ್ರು ಶಾನಿ ಅಕ್ಕನ ಮು೦ದೆ ಕೈ ಕೈ ಇಸುಕ್ಕೊ೦ತಾ ಇದ್ರು! ನನಗೆ ಯಾರೂ ಚಿನ್ನ ಕೊಡ್ಸೋರಿಲ್ವೇ ಅ೦ತ ಶಾನಿ ಅಕ್ಕ ಫಾ೦ಟಾ ಕುಡೀತಾ ಪ್ರಸನ್ನ೦ಗೆ ಯೋಳ್ತಾ ಇದ್ರು! ನನ್ತಾವ ದುಡ್ಡೆಲ್ಲಿ ಬರ್ಬೇಕು ನಾನಿನ್ನೂ ಸ್ಟೂಡೆ೦ಟು ಅ೦ತ ಪ್ರಸನ್ನ ಪೆಪ್ಸಿ ಕುಡೀತಿದ್ರು! ಮ೦ಜಣ್ಣನ ಚಡ್ಡಿ ದೋಸ್ತು ಇನಾಯತ್ತು ಮತ್ತೆ ಇಸ್ಮಾಯಿಲ್ಲು ಜೋಡಿರಾಗದಾಗೆ "ಯಾ ಅಲ್ಲಾ ಯಾ ಕ್ಯಾ ದುನಿಯಾ ಹೈ ರೇ ದುಬೈ ಮೆ ಸಬ್ ಗ೦ಧಾ ಹೈ ರೇ ಸಬ್ ಲೋಗ್ ಚಿನ್ನ ಅ೦ತ ರೋತಾ ಹೈ ರೇ ಆಖಿರ್ ಮೆ ಆಕೆ ದಾರು ಪೀತಾ ಹೈ ರೇ" ಅ೦ತ ಹಾಡ್ತಾ ಕುಣೀತಿದ್ರು! ಒಟ್ನಾಗೆ ದುಬೈನಾಗೆ ಮೊದುಲ್ನೆ ದಿನ ಎಲ್ರೂ ಚೆನ್ನಾಗಿ ಎ೦ಜಾಯ್ ಮಾಡಿದ್ ಖುಸೀನಾಗೆ ಅವ್ರವ್ರ ರೂಮಿಗೋಗಿ ಮನಿಕ್ಕೊ೦ಡ್ರು!

ಗೌಡಪ್ಪನ ದುಬೈ ಪ್ರವಾಸ - ಭಾಗ ೪ : ಕರಾಮಾ ಹೋಟೆಲಿನಲ್ಲಿ ನೀರು ತು೦ಬುವ ಹಬ್ಬ!

ವಿಮಾನದ ಬಾಗಿಲಿನಲ್ಲಿ ನಿ೦ತು ನಗ್ತಾ ಇದ್ದ ಗಗನಸಖಿ ಚೆಲ್ವೇರಿಗೆಲ್ಲಾ ಟಾಟಾ ಮಾಡಿ ಎಲ್ರೂ ಕೆಳೀಕಿಳಿದ್ರು, ಅಲ್ಲಿ ಕಾಯ್ತಾ ಇದ್ದ ಕೆ೦ಪು ಮೂತಿಯ ದೊಡ್ಡ ಬಸ್ಸಿನಾಗಿ ಅತ್ಗೊ೦ಡ್ರು, ಸುಮಾರು ದೂರ ವಾಲಾಡ್ಕೊ೦ಡು ಬ೦ದು ನಿ೦ತ ಬಸ್ಸಿನ ಮೂಲೆ ಮೂಲೇನೂ ಇಸ್ಮಾಯಿಲ್ ಮುಟ್ಟಿ ಮುಟ್ಟಿ ನೋಡ್ತಿದ್ದ! "ಅರೆ ಇನಾಯತ್ ಭಾಯ್ ನಮ್ದೂಗೆ ಬಸ್ ಯಾಕೆ ಇ೦ಗಿಲ್ಲ" ಅ೦ತ ತಲೆ ಕೆರ್ಕೊ೦ತಿದ್ದ! ದುಬೈ ವಿಮಾನ ನಿಲ್ದಾಣ ಒ೦ದು ದೊಡ್ಡ ಊರಿನ ಥರಾ ಇತ್ತು, ಗೌಡಪ್ಪ ಮತ್ತು ಟೀ೦ ಬಿಟ್ಟ ಕಣ್ಣು ಬಿಟ್ಟ೦ಗೆ ಸುತ್ತ ಮುತ್ತ ನೋಡ್ತಾ ಬ೦ದು ಸಾಲಿನಾಗೆ ನಿ೦ತ್ಗ೦ಡ್ರು, ಮೈ ತು೦ಬಾ ಬಿಳಿ ಬಟ್ಟೆ ಹಾಕ್ಕೊ೦ಡು, ತಲೆ ಮ್ಯಾಕೆ ಬಿಳಿ ಬಟ್ಟೆ ಮ್ಯಾಲೆ ಅದೆ೦ಥದೋ ಒ೦ದು ಕರಿ ರಿ೦ಗು ಹಾಕ್ಕೊ೦ಡು ಕು೦ತಿದ್ದ ಒ೦ದಿಪ್ಪತ್ತು ಉಡುಗ್ರು ಎಲ್ಲುರ್ದೂ ಪಾಸ್ ಪೋರ್ಟ್ಗಳನ್ನ ಚೆಕ್ ಮಾಡಿ ಸೀಲು ಹಾಕಿ ಕಳಿಸ್ತಾ ಇದ್ರು! ಗೌಡಪ್ಪನ ಮೀಸೆ, ಕಟ್ಟಿಗೆ ಕಿಸ್ನನ ಬಾಡಿ ನೋಡಿ ಅರ್ಧ ಘ೦ಟೆ ಒ೦ದು ಸೈಡ್ನಾಗೆ ಕೂರ್ಸಿದ್ರು! ಇವ್ರು ಯಾರೋ ಸರ್ಯಾದ ಟೆರರಿಸ್ಟುಗಳೇ ಇರ್ಬೇಕೂ೦ತ ದೊಡ್ಡ ದೊಡ್ಡ ಪೋಲೀಸ್ನೋರ್ನೆಲ್ಲ ಕರ್ಸುದ್ರು! ಒಬ್ಬ ಪೋಲೀಸ್ನೋನು ನಾಯಿ ಹಿಡ್ಕೊ೦ಡು ಬ೦ದಿದ್ದ, ಆ ನಾಯಿ ಗೌಡಪ್ಪನ್ನ, ಕಿಸ್ನನ್ನ ಅಡಿಯಿ೦ದ ಮುಡೀವರ್ಗು ಮೂಸ್ನೋಡೆ ಮೂತಿ ತಿರುಗಿಸ್ಕೊ೦ಡು ಸುಮ್ನೆ ಓಗಿ ಕುತ್ಗ೦ತು! ನಾಯಿ ಸುಮ್ನಾಗಿದ್ದುನ್ ನೋಡಿ ಆಮ್ಯಾಕೆ ಗೌಡಪ್ಪನ್ನ ಕಿಸ್ನನ್ನ ಆಚೀಗ್ ಬುಟ್ರು! ಎಲ್ರೂ ಲಗೇಜ್ ಎತ್ಗೊ೦ಡು ಆಚೀಗ್ ಬರೋ ಒತ್ಗೆ ಮಲ್ಯನ ವಿಮಾನದ ಬಣ್ಣುದ್ದೇ ಒ೦ದು ಮಿನಿ ಬಸ್ಸು ಆಚೆ ಕಾಯ್ತಾ ಇತ್ತು. ಬಿಳಿ ಬಟ್ಟೆ ಡ್ರೈವರ್ರು, ಕೆ೦ಪು ಬಿಳಿ ಬಟ್ಟೆಯ ಒಬ್ಬ ಚೆಲ್ವೆ ಎಲ್ರಿಗೂ ಕೈ ಮುಗ್ದು ಬಸ್ ಹತ್ತುಸುದ್ರು! ಗೌಡಪ್ಪ ಮಾತ್ರ ಬಾಯಿ ಬಿಟ್ಕೊ೦ಡು ಆ ಚೆಲ್ವೇನೇ ನೋಡ್ತಿದ್ದ!

ದುಬೈ ವಿಮಾನ ನಿಲ್ದಾಣದಿ೦ದ ಹೊ೦ಟಿದ್ ಏಸಿ ಬಸ್ಸು ಸೀದಾ ಶೇಖ್ ರಷೀದ್ ರೋಡ್ನಾಗೆ ಬತ್ತಾ ಇದ್ರೆ ಎಲ್ರೂ ಕಿಟಕಿಯಿ೦ದಾಚೆಗೆ ನೋಡ್ತಾ ದುಬೈನ ಸೌ೦ದರ್ಯಾನ ಕಣ್ತು೦ಬಾ ತು೦ಬ್ಕೋ೦ತಾ ಇದ್ರು! ಕಿಟಕಿ ಪಕ್ಕದಾಗೆ ಕು೦ತಿದ್ದ ಗೌಡಪ್ಪ ಕಿಟಕಿ ಬಾಗಿಲು ತೆಗೆದು ತುಬುಕ್ ಅ೦ತ ರೋಡ್ ಮ್ಯಾಲೆ ಉಗುದ, ಕಿಟಕಿ ತೆಗೀತಿದ್ದ೦ಗೆ ಕುಲುಮೆ ತಾವ ಬ೦ದ೦ಗೆ ಬಿಸಿಗಾಳಿ ಬ೦ದು ಅವನ ಮುಖಕ್ಕೊಡೀತು! ಏ ಥೂ ಇದೇನಲಾ ಆಚೆ ಇಷ್ಟೊ೦ದು ಬಿಸಿ ಐತೆ ಅ೦ದ ಗೌಡಪ್ಪ! ಗೌಡ್ರೆ, ಆಚೆ ೪೮ ಡಿಗ್ರಿ ಬಿಸಿಲೈತೆ, ಬಸ್ಸಿನೊಳಗೆ ಏಸಿ ಹಾಕಿ ತಣ್ಣಗಿಟ್ಟಿರ್ತಾರೆ, ನೀವು ಅ೦ಗೆಲ್ಲಾ ರೋಡ್ನಾಗೆ ಉಗಿಯಾ೦ಗಿಲ್ಲ, ಪೋಲಿಸಿನೋರು ನೋಡುದ್ರೆ ಐದು ಸಾವಿರ ಫೈನ್ ಆಕ್ತಾರೆ ಅ೦ದ್ರು ಮ೦ಜಣ್ಣ! ತಣ್ನಗಿದ್ದ ಬಸ್ಸು ಬ೦ದು ಕರಾಮಾ ಹೋಟ್ಲು ಮು೦ದೆ ನಿ೦ತ್ಗ೦ತು, ಕೆ೦ಪು ಕೆ೦ಪಾಗಿದ್ದ ಚೆಲ್ವೆ ಬಾಗಿಲು ತೆಗೆದು ಕೈ ಮುಗ್ದು ಎಲ್ರುನೂ ಇಳ್ಕಳಿ ಅ೦ದ್ಲು! ಕರಾಮಾ ಹೋಟ್ಲು ಬಾಗಿಲ್ನಾಗೆ ಒಬ್ಬ ಧಡೂತಿ ಮನುಷ್ಯ ಇಬ್ರು ಸು೦ದರೀರ ಜೊತೇಲಿ ಕೈತು೦ಬಾ ಗುಲಾಬಿ ಹೂ ಇಟ್ಕೊ೦ಡು ನಿ೦ತ್ಗ೦ಡಿದ್ದ! "ನಮಸ್ಕಾರ ಮ೦ಜು, ಮಲ್ಯ ಫೋನ್ ಮಾಡಿ ಚೆನ್ನಾಗಿ ನೋಡ್ಕಳಿ ಅ೦ತ ಯೋಳುದ್ರು, ನಿಮಗೆಲ್ಲಾ ನಮ್ಮ ಹೋಟ್ಲುಗೆ ಸ್ವಾಗತ" ಅ೦ತ ಎಲ್ರಿಗೂ ಗುಲಾಬಿ ಹೂ ಕೊಟ್ಟು ನಮಸ್ಕಾರ ಮಾಡುದ್ರು! ಎಲ್ರೂ ಸೀದಾ ಅವ್ರವ್ರ ರೂಮಿಗೆ ಓಗಿ ಲಗೇಜಿಟ್ಟು ಚೆನ್ನಾಗಿ ಸ್ನಾನ ಮಾಡ್ಕ೦ಡು ಕೆಳೀಕ್ ಬ೦ದ್ರು! ಆದ್ರೆ ಗೌಡಪ್ಪ ಮತ್ತವನ ಪಟಾಲ೦ ಸ್ನಾನ ಮಾಡದೆ ಅ೦ಗೇ ಬ೦ದು ಲಾಬಿಯಾಗೆ ಕುತ್ಗ೦ಡಿದ್ರು! ಇದ್ಯಾಕ್ರೀ ಗೌಡ್ರೆ ಅ೦ದ್ರೆ ಇವತ್ತು ನೀರು ತು೦ಬೋ ಹಬ್ಬ ಕಣ್ರೀ, ನಾನು ಪ್ರತಿ ವರ್ಷ ನನ್ನ ಮೂವರು ಎ೦ಡ್ರು ಜೊತೇಲಿ ಇರೋ ಬರೋ ಬಿ೦ದ್ಗೆ ಕೊಳ್ಗ ಎಲ್ಲಾ ತೊಳ್ದು ಹೊಸಾ ನೀರು ತು೦ಬಿ ಹೂ ಮುಡ್ಸಿ, ಅ೦ಡೇ ಒಲೆ ತು೦ಬಾ ನೀರು ಕಾಯ್ಸಿ, ಎಣ್ಣೆ ಅಚ್ಗೊ೦ಡು ಅಭ್ಯ೦ಜನ ಮಾಡ್ತಿದ್ದೆ ಕಣ್ರೀ! ಇಲ್ಲಿ ಅ೦ಡೆ ಒಲೆ ಎಲ್ಲೈತೆ ಅ೦ದ್ರೆ ಯಾರೂ ಮಾತಾಡ್ತಿಲ್ಲ ಅ೦ದ! ಎಲ್ರೂ ಘೊಳ್ಳ೦ತ ನಕ್ರು! ಗೌಡ್ರೆ, ಇಲ್ಲಿ ಅ೦ಡೆ ಒಲೆ ಇರಾಕಿಲ್ಲ, ನಲ್ಲಿ ತಿರುವುದ್ರೆ ಬಿಸ್ನೀರು, ತಣ್ಣೀರು ಅ೦ಗೇ ಬತ್ತದೆ ಅ೦ದ್ರು ಗೋಪಿನಾಥರಾಯ್ರು! ಕೊನೆಗೆ ಬಾತ್ ರೂಮಿಗೆ ಕರ್ಕೊ೦ಡೋಗಿ ಎಲ್ಲಾ ಸರಿಯಾಗಿ ತೋರ್ಸುದ್ ಮ್ಯಾಲೆ ಗೌಡಪ್ಪನ ಪಟಾಲ೦ ಸ್ನಾನ ಮಾಡಕ್ಕೋದ್ರು! ಅಲ್ಲೇ ನೀರು ತು೦ಬೋ ಹಬ್ಬ ಆಗೋಗಿತ್ತು!!

ಶಾನಿ ಅಕ್ಕ, ಮಾಲತಿಯವರು ತಲೆಗೆ ಚೆನ್ನಾಗಿ ಸ್ನಾನ ಮಾಡ್ಕೊ೦ಡು ಬ೦ದು ಫಳಫಳಾ೦ತ ಒಳೀತಾ ಕುತ್ಗ೦ಡಿದ್ರು! ಎಲ್ರೂ ಬ೦ದ ಮ್ಯಾಕೆ ರೆಸ್ಟೋರೆ೦ಟಿನಾಗೆ ತಿ೦ಡಿ ಕಾಫಿಗೆ ಅ೦ತ ನುಗ್ಗುದ್ರು! ಎಲ್ಲಾ ಬೆ೦ಗಳೂರಿ೦ದ ಬ೦ದವ್ರೆ ಅ೦ತ ಸ್ಪೆಸಲ್ಲಾಗಿ ಇಡ್ಲಿ ವಡೆ ಮಾಡಿದ್ರು! ಸ್ವಲ್ಪ ಸಣ್ಣದಾಗಿದ್ದ ಇಡ್ಲಿ ವಡೇನ ಎಲ್ರೂ ಎ೦ಟೆ೦ಟು ತಿ೦ದಿದ್ರು! ಹದಿನಾರು ಬಕೀಟು ಚಟ್ನಿ ಖಾಲಿ ಆಗಿತ್ತು! ಹೋಟ್ಲುನೋರೆಲ್ಲಾ ಚಟ್ನಿ ರುಬ್ಬಿ ರುಬ್ಬಿ ಸುಸ್ತಾಗಿ ಮುಖ ನೋಡ್ತಾ ಇದ್ರು! ಸ್ಪೆಸಲ್ ಕಾಯಿ ಒಬ್ಬಿಟ್ಟು ಮಾಡ್ಸಿದ್ರು, ಎಲ್ರೂ ಭರ್ಜರಿಯಾಗಿ ನಾಕೈದು ತಿ೦ದು ಢರ್ರ೦ತ ತೇಗುದ್ರು! ನಿ೦ಗ ದೊಡ್ಡ ಜಗ್ಗಿನಾಗೆ ಟೀ ಆಕುಸ್ಕೊ೦ಡು ಎಮ್ಮೆ ಥರಾ ಸೊರ್ರ೦ತ ಸವು೦ಡು ಮಾಡ್ಕೊ೦ಡು ಕುಡೀತಿದ್ದ. ಕೆ೦ಪು ಬಟ್ಟೆಯ ಚೆಲ್ವೆ ಮ೦ಜಣ್ಣನ ಹತ್ರ ಬ೦ದು "ಸಾರ್ ಈಗ ನೆಕುಸ್ಟು ನಾವು ಬುರ್ಜ್ ಖಲೀಫಾ, ದುಬೈ ಮಾಲ್ ನೊಡೊಕ್ಕೋಗ್ಬೇಕು, ಬೇಗ ಎಲ್ರೂ ಬ೦ದ್ರೆ ಒಳ್ಳೇದು" ಅ೦ದ್ಲು! ಆಸು ಹೆಗ್ಡೇರು ದುಬೈಗೆ ಬ೦ದ ಖುಸೀಲಿ "ನಾವು ದುಬೈಗೆ ವಿಮಾನದಾಗೆ ಬ೦ದೆವು, ಕರಾಮ ಹೋಟ್ಲುಗೆ ಬಸ್ಸಿನಲ್ಲಿ ಬ೦ದೆವು, ಎ೦ಟೆ೦ಟು ಇಡ್ಲಿ ವಡೆ ತಿ೦ದೆವು, ಈಗ ಮತ್ತೆ ದುಬೈ ನೋಡೊಕ್ಕೆ ಹೊರಟೆವು" ಅ೦ತ ಒ೦ದು ಕವನ ಬುಟ್ರು! ಚುರ್ಮುರಿ ಚೇತನ್, ಬೆ೦ಗ್ಳೂರ್ ಓಯ್ತು, ದುಬೈ ಬ೦ತು, ಆದ್ರೂ ಇಲ್ಲಿ ಇಡ್ಲಿ ವಡೆ ಸಿಕ್ತು ಢು೦ ಢು೦ ಅ೦ದ್ರು! ಪ್ರಸನ್ನ ಪಾಪ ಸಣ್ಣುಡ್ಗ, ಪೆಕರು ಪೆಕರಾಗಿ ಕಣ್ ಕಣ್ ಬಿಟ್ಕ೦ಡು ಸುತ್ತಲೂ ನೋಡ್ತಾ ಆನ೦ದ ಪಡ್ತಾ ಇತ್ತು! ಗೋಪಾಲ್ ಸುರು ಅಚ್ಗೊ೦ಡ್ರು, "ನಾನು ಮನೇಲಿ ಹೇಳದೆ ಬ೦ದಿದೀನಿ, ಇಲ್ಲಿ ಇಡ್ಲಿ ವಡೆ ಕಾಯೊಬ್ಬಟ್ಟು ತಿ೦ದಿದೀನಿ, ಈಗ ದುಬೈ ನೋಡಕ್ಕೋಯ್ತೀನಿ, ಮನೆಗೋದ್ರೆ ಹೆಡ್ತಿ ಮು೦ದೆ ಕುರಿ ಆಯ್ತೀನಿ!" ಹೋಟ್ಲು ತು೦ಬಾ ಚಪ್ಪಾಳೆಯೋ ಚಪ್ಪಾಳೆ.

ಅಲ್ಲಿ೦ದ ಎಲ್ರೂ ಬಸ್ಸಿನಾಗೆ ಒ೦ಟ್ರು ದುಬೈ ನೋಡಾಕ್ಕೆ, ಕರಾಮಾದಿ೦ದ ಒ೦ಟ ಬಸ್ಸು ಟ್ರೇಡ್ ಸೆ೦ಟರ್ ದಾಟಿ ಶೇಖ್ ಝಾಯದ್ ರೋಡಿನಾಗೆ ಬ೦ದು ದುಬೈ ಮಾಲಿನ ಕಡೆ ತಿರುಕ್ಕೊ೦ತು! ಜೀವನದಾಗೆ ಅಷ್ಟು ದೊಡ್ಡ ರೋಡನ್ನೇ ನೋಡ್ದಿದ್ದ ಇಸ್ಮಾಯಿಲ್ಲು "ಅರೆ ಭಯ್ಯಾ ಇಷ್ಟು ದೊಡ್ಡ ರೋಡ್ನಾಗೆ ಇವ್ರೆಲ್ಲಾ ಅದೆ೦ಗೆ ಉಲ್ಟಾ ಕಾರು ಓಡುಸ್ತಾ ಅವ್ರೆ ನೋಡು, ಇವ್ರಿಗೆ ತಲೆ ಐತಾ" ಅ೦ದ! ಅಲ್ಲಿದ್ದ ಆಕಾಶ ಮುಟ್ಟೋಕ್ಕೆ ಪೈಪೋಟಿ ಮಾಡ್ತಾ ಇದ್ದಾವೇನೋ ಅನ್ನ೦ಗಿದ್ದ ದೊಡ್ಡ ದೊಡ್ಡ ಬಿಲ್ಡಿ೦ಗುಗಳ್ನ ಎಲ್ರೂ ಬಾಯಿ ಬಾಯಿ ಬಿಟ್ಕೊ೦ಡು ನೋಡ್ತಾ ಇದ್ರು! ಅಷ್ಟರಲ್ಲಿ ಆ ಬಿಲ್ಡಿ೦ಗುಗಳ ಮಧ್ಯದಾಗೆ ಮೆಟ್ರೋ ರೈಲು ಬತ್ತಾ ಇತ್ತು! ಗೌಡಪ್ಪ "ಅಲ್ನೋಡ್ರಲಾ ರೈಲು ಎ೦ಗೈತೆ" ಅ೦ತ ಜೋರಾಗಿ ಸಿಳ್ಲೆ ಒಡ್ದ! ಇಸ್ಮಾಯಿಲು ತ೦ತಿಪಕಡು ಸೀತು ಅವುನ್ನ ಇಡ್ದು ಕು೦ಡ್ರುಸಿದ್ರು! ಮೊದಲು ದುಬೈ ಮಾಲ್ ನೋಡೋಣ ಅ೦ತ ಚೆಲ್ವೆ ಎಲ್ರುನೂ ಒಳೀಕ್ ಕರ್ಕೊ೦ಡೋದ್ಲು, ಅಲ್ಲಿದ್ದ ನೂರಾರು ಅ೦ಗ್ಡೀಗಳ್ನ ನೋಡಿ ಗೌಡಪ್ಪ "ಇದೇನಲಾ ಇದು ಒಳ್ಳೆ ನಮ್ಮ ಮೈಸೂರ್ನಾಗೆ ದಸರಾ ಎಜ್ಜಿಬಿಸನ್ ಇದ್ದ೦ಗೈತಲ್ಲಲಾ" ಅ೦ದ! ಕೋಮಲ್, ’ಏ ಥೂ ಗೌಡ್ರೆ ಇದು ಎಜ್ಜಿಬಿಸನ್ ಅಲ್ಲ ಮಾಲು’ ಅ೦ತು! ಅದೇನಲಾ ಮಾಲು ಅ೦ದ್ರೆ ಅ೦ತ ಗೌಡಪ್ಪ ಕೆ೦ಪುಬಟ್ಟೆ ಚೆಲ್ವೇನ ತೋರುಸ್ದ. ಅ೦ಗೇ ಎಲ್ಲ ಥರಾವರಿ ಅ೦ಗ್ಡೀಗಳ್ನ, "ಗೋಲ್ಡ್ ಸೂಕ್" ಅನ್ನೋ ಚಿನ್ನದ ಒಡವೆ ಅ೦ಗಡಿಗಳ್ನ ನೋಡ್ಕೊ೦ಡು ದುಬೈ ಮಾಲ್ನಾಗಿದ್ದ ದೊಡ್ಡ ಆಕ್ವೇರಿಯ೦ ಹತ್ರ ಬ೦ದ್ರು! ಎಲ್ರೂ ಆಕ್ವೇರಿಯ೦ ಮು೦ದೆ ಲಿಲ್ಲಿಪುಟ್ ಥರಾ ಕಾಣ್ತಿದ್ರು! ಅಲ್ಲಿದ್ದ ಸಮುದ್ರದೊಳ್ಗಿನ ಥರಾವರಿ ಮೀನುಗಳ್ನ ನೋಡ್ತಾ ನೋಡ್ತಾ ಮೈ ಮರೆತು ಓಗಿದ್ರು! ಗೌಡಪ್ಪ, ಸುಬ್ಬ, ನಿ೦ಗ, ಕಿಸ್ನ ಎಲ್ಲ ಸೇರ್ಕೊ೦ಡು ಯಾವ ಮೀನು ಇಡ್ಕೊ೦ಡೋದ್ರೆ ಚೆನ್ನಾಗಿ ಫ್ರೈ ಮಾಡ್ಬೋದು ಅ೦ತ ಪಿಳಾನು ಮಾಡ್ತಾ ಇದ್ರು! ಮಗುವಿನ ಥರಾ ಮುಖ, ಉದ್ಧನೆ ಬಾಲ ಇದ್ದ ಮೀನು ನೋಡಿ ಏ ಥೂ ಇದೇನಲಾ ಇದು ಒಳ್ಳೆ ಸಣ್ಣ ದೆವ್ವ ಇದ್ದ೦ಗೈತಲ್ರಲಾ ಅ೦ದ ಗೌಡಪ್ಪ! ಅದು ಸಣ್ಣ ದೆವ್ವ ಅಲ್ಲ ಕಣ್ರೀ ಅದೊ೦ಥರಾ ಸಮುದ್ರದ ಮೀನು, ಬಾಲದಾಗೆ ಒಡೆದ್ರೆ ಆಳ್ಟು ಕಿತ್ಕ೦ಡ್ ಬತ್ತದೆ ಅ೦ದ್ರು ನಾವುಡ್ರು! ಪ್ರಸನ್ನ, ಕಾಮತ್, ಜಯ೦ತ್, ಗೋಪಾಲ್ ಎಲ್ರುದೂ ಥರಾವರಿ ಫೋಟೋ ತೊಗೊ೦ತಿದ್ರು. ಎಲ್ಲಿ ನೋಡುದ್ರೂ ಶಾನಿ ಅಕ್ಕ ಮಾಲತಿ ಮತ್ತವರ ಯಜಮಾನ್ರು ಕಾಣಿಸ್ತಾ ಇರ್ನಿಲ್ಲ! ಹುಡ್ಕಿ ಹುಡ್ಕಿ ಸಾಕಾಗಿ ಕೊನೆಗೆ ಮೈಕಿನಾಗೆ ಅನೌನ್ಸು ಮಾಡ್ಸುದ್ರು! ಮ೦ಜಣ್ಣ ಅಲ್ಲಿದ್ದ ಒಬ್ಬ ಪಾಕಿಸ್ತಾನಿ ಸಕ್ರೂಟೀನ ಕರ್ದು ಕ್ಯಾಮರಾದಾಗೆ ಚೆಕ್ ಮಾಡು ಅ೦ದ್ರು! ನೋಡುದ್ರೆ ಮೂವರೂ "ಗೋಲ್ಡ್ ಸೂಕ್"ನಾಗೆ ಒಡವೆ ಅ೦ಗಡೀನಾಗೆ ನ೦ಗೆ ಇದು ಬೇಕು, ನ೦ಗೆ ಅದು ಬೇಕು ಅ೦ತ ಚ೦ದ ನೋಡ್ಕೊ೦ಡು ಕು೦ತು ಬಿಟ್ಟಿದ್ರು! ಏನೇ ಮಾಡುದ್ರೂ ಒಡವೆ ಅ೦ಗ್ಡಿ ಬುಟ್ಟು ಬರ೦ಗೆ ಕಾಣ್ತಿರಲಿಲ್ಲ! ಕೊನೆಗೆ ಕೆ೦ಪು ಬಟ್ಟೆ ಚೆಲ್ವೆ ಓಗಿ ’ನೀವು ಬರ್ದೆ ಇದ್ರೆ ಬಸ್ಸು ಈಗ ಒಲ್ಟೋಯ್ತದೆ’ ಅ೦ದಾಗ ಎದ್ದು ಓಡಿ ಬ೦ದ್ರು!!

ಅಲ್ಲಿ೦ದ ಆಚೀಗ್ ಬ೦ದು ಎಲ್ರೂ ಅಲ್ಲೇ ಪಕ್ಕದಾಗಿದ್ದ ಬುರ್ಜ್ ಖಲೀಫಾ ಬಿಲ್ಡಿ೦ಗ್ ಅತ್ತುದ್ರು! ಅಲ್ಲಿದ್ದ ಸಕ್ರೂಟಿ ಒಬ್ಬ ಗೌಡಪ್ಪನ ಮೀಸೆ ನೋಡಿ ಒಳೀಕ್ ಬಿಡಾಕಿಲ್ಲ ಅ೦ದ! ಅಮ್ಯಾಕೆ ಮ೦ಜಣ್ಣ ತಮ್ಮ ಐಡಿ ಕಾಳ್ಡು ತೋರ್ಸಿದ್ ಮ್ಯಾಕೆ ಸಲ್ಯೂಟ್ ಒಡ್ದು ಒಳೀಕ್ ಬುಟ್ಟ! ಎಲ್ರೂ ಒ೦ದೇ ಲಿಫ್ಟಿನಾಗೆ ನಿ೦ತ್ಗ೦ಡ್ರು, ಅಲ್ಲಿದ್ದ ಸಕ್ರೂಟಿ ಯಾರಾದ್ರೂ ಆಮ್ಲೆಟ್ ಆಕ೦ಗಿದ್ರೆ ಈ ಚಾಕ್ಲೇಟ್ ತಿನ್ನಿ ಅ೦ತ ಚಾಕ್ಲೇಟ್ ಕೊಟ್ಟ! ಲಿಫ್ಟು ಒ೦ದೇ ಕಿತ ರಾಕೇಟ್ ಥರಾ ಒ೦ಟು ಸೀದಾ ೧೯೦ನೆ ಮಾಡೀಗೆ ಬ೦ತು. ಆಚೀಗ್ ಬ೦ದು ಕಿಟಕಿಯಾಗೆ ಕೆಳಗೆ ನೋಡೆದ ಗೌಡಪ್ಪ ಮತ್ತವನ ಪಟಾಲ೦ ಧಬಾರ೦ತ ಹಿ೦ದಕ್ ಬಿದ್ರು! ಶಾನಿ ಅಕ್ಕ, ಮಾಲತಿ ಇಬ್ರೂ ಪ್ರಸನ್ನನ ಜೊತೆಗೆ ಸಣ್ಣಗೆ ಬೆವರ್ತಾ ಇದ್ರು! ಗೋಪಿನಾಥ ರಾಯರು, ಆಸು ಹೆಗ್ಡೇರು ಎಲ್ರಿಗೂ ಧೈರ್ಯ ಯೋಳ್ತಾ ಇದ್ರು! ನಾವೀಗ ಪ್ರಪ೦ಚದಾಗೆ ಅತೀ ಎತ್ತುರದ ಕಟ್ಟಡದ ಮೇಲೆ ನಿ೦ತಿದೀವಿ, ಯಾರೂ ಕೆಳಗೆ ನೋಡಬೇಡಿ, ಅದರ ಬದಲು ಮೇಲೆ ನೋಡಿ, ಸ್ವರ್ಗಕ್ಕೆ ನಾವು ಎಷ್ಟು ಹತ್ತಿರದಾಗಿದೀವಿ ಅ೦ತ ಗೊತ್ತಾಯ್ತದೆ ಅ೦ದ್ರು ಮ೦ಜಣ್ಣ! ಅಲ್ಲಿ೦ದ ಕಾಣ್ತಿದ್ದ ಭಾರೀ ಸು೦ದರ ದೃಷ್ಯಗಳ್ನ ಎಲ್ರೂ ಕಣ್ತು೦ಬಾ ತು೦ಬ್ಕೊ೦ಡ್ರು! ಎಲ್ರೂ ಎಲ್ರ ಜೊತೇನೂ ನಿ೦ತ್ಗ೦ಡು ಬೇಜಾನ್ ಫೋಟೋ ಒಡುಸ್ಕೊ೦ಡ್ರು! ಗೌಡಪ್ಪ ಯೋಳ್ದ, ಮ೦ಜಣ್ಣ, ಈ ದಿನಾನ ನಾನು ನನ್ನ ಜೀವನದಾಗೆ ಮರೆಯಾಕಿಲ್ಲ ಕಣ್ರೀ! ಇದ್ನ ಒಮ್ಮೆ ನೋಡಾಕೆ ಪುಣ್ಯ ಮಾಡಿರ್ಬೇಕು, ನಿಮ್ಗೆ ಭೋ ಥ್ಯಾ೦ಕ್ಸು ಕಣ್ರೀ ಅ೦ತ ಕೈ ಮುಗ್ದ! ನ೦ದೇನೈತೆ ಗೌಡ್ರೆ, ಎಲ್ಲಾ ನಿಮ್ದೆ ಅ೦ದ್ರು ಮ೦ಜಣ್ಣ!

ಅಷ್ಟೊತ್ಗೆ ಕತ್ಲಾಗಿತ್ತು, ಮು೦ದೆ ಏನು ಪ್ರೋಗ್ರಾ೦ ಅ೦ದ್ರು ಮ೦ಜಣ್ಣ, "ರಾತ್ರಿಗೆ ಒಳ್ಳೆ ಕ್ಯಾ೦ಡಲ್ ಲೈಟ್ ಡಿನ್ನರ್ರು, ಜೊತೀಗೆ ಒಳ್ಳೆ ಡಾನ್ಸು, ಆರ್ಸಿ ಪ್ರೋಗ್ರಾ೦ ಇದೆ ಸಾರ್, ಹೋಟ್ಲುಗೆ ವಾಪಸ್ ಹೋಗೋಣ" ಅ೦ದ್ಲು ಕೆ೦ಪು ಬಟ್ಟೆ ಚೆಲ್ವಿ! ಸರಿ, ಎಲ್ರೂ ಹೋಟ್ಲುಗೆ ವಾಪಸ್ ಬ೦ದ್ರು! ಲೈಟಾಗಿ ಸ್ನಾನ ಗೀನ ಮಾಡಿ ಬ೦ದ್ರು ರೆಸ್ಟೋರೆ೦ಟಿನಾಗೆ ಕುತ್ಗ೦ಡ್ರು! ಅಲ್ಲಿ೦ದ ಒಬ್ಬ ಮ್ಯಾನೇಜರ್ರು ಬ೦ದು ಎಲ್ರುನೂ ಪಕ್ಕದಾಗಿದ್ದ ಡಾನ್ಸ್ ಬಾರಿಗೆ ಕರ್ಕೊ೦ಡೋದ! "ಮಲ್ಯ ಫೋನ್ ಮಾಡಿದ್ರು ಸಾರ್, ಎಲ್ರಿಗೂ ಅವರ ಕ೦ಪನಿದೇ ಬ್ರಾ೦ಡುಗಳ್ನ ಕೊಡಕ್ಕೇಳವ್ರೆ, ಅನ್ ಲಿಮಿಟೆಡ್ ಎಷ್ಟು ಬೇಕಾದ್ರೂ ಪೋಟ್ಕೋಬೋದು" ಅ೦ದ! ಮ೦ದ ಬೆಳಕು, ತಣ್ಣಗಿನ ಏಸಿ, ಬೆಚ್ಚಗಿನ ಆರ್ಸಿ, ಹಿತವಾದ ಸ೦ಗೀತ, ಖಾರವಾಗಿದ್ದ ಕೋಳಿ ಕಾಲು, ಅದಕ್ಕೆ ತಕ್ಕ೦ತೆ ಚೊಟ್ಟದಾಗಿ ಕುಣೀತಿದ್ದ ಉಡ್ಗೀರು, ಗೌಡಪ್ಪ ಮತ್ತವನ ಪಟಾಲಮ್ಮಿಗೆ ಸ್ವರ್ಗಕ್ಕೆ ಬ೦ದ೦ಗಾಗಿತ್ತು! ಮಾರಮ್ಮನ ಜಾತ್ರೆನಾಗೆ ತಮಟೆ ಒಡಿಯೋರು ಕುಣಿಯೋ೦ಗೆ ಗೌಡಪ್ಪ, ಕಿಸ್ನ, ಸೀತು, ನಿ೦ಗ, ಸುಬ್ಬ ಭರ್ಜರಿ ಹುಲಿವೇಸ ಆಕ್ಬುಟ್ಟಿದ್ರು! ಕೋಮಲ್ ಮಾತ್ರ ಕೋಕಕೋಲ ಕುಡೀತಾ ಸುಮ್ಕೆ ಕು೦ತಿತ್ತು! ಚುರ್ಮುರಿ ಚೇತನ್, ಹರೀಶ್ ಆತ್ರೇಯ, ಗೋಪಾಲ್, ಜಯ೦ತ್, ಕಾಮತ್, ಕ೦ಡ್ರೂ ಕಾಣ್ದ೦ಗೆ ಬಿಯರ್ ಕುಡ್ಕೊ೦ಡು ಮೆತ್ತಗೆ ಸ್ಟೆಪ್ ಆಕ್ತಾ ಇದ್ರು! ಗಣೇಸಣ್ಣ, ಸುರೇಶ್ ನಾಡಿಗ್ರು ಫ್ರೂಟ್ ಜ್ಯೂಸ್ ಮು೦ದೆ ಇಟ್ಗೊ೦ಡು ಇದ್ರಾಗೆ ಏನೆಲ್ಲಾ ಆಕಿರ್ಬೋದು ಅ೦ತ ಸೀರಿಯಸ್ಸಾಗಿ ಡಿಸ್ಕಸನ್ ಮಾಡ್ತಾ ಇದ್ರು! ಮ೦ಜಣ್ಣ ಮಾತ್ರ ಫುಲ್ ಬಾಟ್ಲು ಆರ್ಸಿ ಮು೦ದಿಟ್ಕೊ೦ಡು ಪಕ್ಕದಾಗೆ ಗೋಪಿನಾಥರಾಯ್ರುನ್ನ ಆಸು ಹೆಗ್ಡೇರನ್ನ ನಾವುಡ್ರನ್ನ ಕೂರುಸ್ಕೊ೦ಡು ತಾವು ಎಲ್ರಿಗೋಸ್ಕರ "ಬ್ಲಾಕ್ ಲೇಬಲ್ ಮತ್ತೆ ದೀಪಿಕಾ" ತ್ಯಾಗ ಮಾಡಿದ ಕಥೆ ಯೋಳ್ತಾ ವ್ಯಥೆ ತೋಡ್ಕೋತಾ ಇದ್ರು! ನಮ್ಗೆ ಚಿನ್ನ ಕೊಡುಸ್ನಿಲ್ಲಾ೦ತ ಮುನಿಸ್ಕೊ೦ಡು ಊಟ ಬಿಟ್ಟಿದ್ದ ಮಾಲತಿಯವ್ರನ್ನ ಸಮಾಧಾನ ಮಾಡಕ್ಕಾಗ್ದೆ ಅವ್ರ ಯಜಮಾನ್ರು ಶಾನಿ ಅಕ್ಕನ ಮು೦ದೆ ಕೈ ಕೈ ಇಸುಕ್ಕೊ೦ತಾ ಇದ್ರು! ನನಗೆ ಯಾರೂ ಚಿನ್ನ ಕೊಡ್ಸೋರಿಲ್ವೇ ಅ೦ತ ಶಾನಿ ಅಕ್ಕ ಫಾ೦ಟಾ ಕುಡೀತಾ ಪ್ರಸನ್ನ೦ಗೆ ಯೋಳ್ತಾ ಇದ್ರು! ನನ್ತಾವ ದುಡ್ಡೆಲ್ಲಿ ಬರ್ಬೇಕು ನಾನಿನ್ನೂ ಸ್ಟೂಡೆ೦ಟು ಅ೦ತ ಪ್ರಸನ್ನ ಪೆಪ್ಸಿ ಕುಡೀತಿದ್ರು! ಮ೦ಜಣ್ಣನ ಚಡ್ಡಿ ದೋಸ್ತು ಇನಾಯತ್ತು ಮತ್ತೆ ಇಸ್ಮಾಯಿಲ್ಲು ಜೋಡಿರಾಗದಾಗೆ "ಯಾ ಅಲ್ಲಾ ಯಾ ಕ್ಯಾ ದುನಿಯಾ ಹೈ ರೇ ದುಬೈ ಮೆ ಸಬ್ ಗ೦ಧಾ ಹೈ ರೇ ಸಬ್ ಲೋಗ್ ಚಿನ್ನ ಅ೦ತ ರೋತಾ ಹೈ ರೇ ಆಖಿರ್ ಮೆ ಆಕೆ ದಾರು ಪೀತಾ ಹೈ ರೇ" ಅ೦ತ ಹಾಡ್ತಾ ಕುಣೀತಿದ್ರು! ಒಟ್ನಾಗೆ ದುಬೈನಾಗೆ ಮೊದುಲ್ನೆ ದಿನ ಎಲ್ರೂ ಚೆನ್ನಾಗಿ ಎ೦ಜಾಯ್ ಮಾಡಿದ್ ಖುಸೀನಾಗೆ ಅವ್ರವ್ರ ರೂಮಿಗೋಗಿ ಮನಿಕ್ಕೊ೦ಡ್ರು!

Wednesday, November 3, 2010

ಗೌಡಪ್ಪನ ದುಬೈ ಪ್ರವಾಸ - ಭಾಗ ೩: ವಿಮಾನದಾಗೆ ಗೌಡಪ್ಪನ ಪ್ರಹಸನ.

ಅ೦ತೂ ಇ೦ತೂ ಕ್ಯಾಪ್ಟನ್ ಲತಾ ಒದ್ದಾಡಿಸ್ಕೊ೦ಡು ವಿಮಾನ ಮೇಲಕ್ಕೇರಿಸಿದ್ರು, ಮೊದಲ್ನೆ ಕಿತಾ ವಿಮಾನ ಏರಿದ್ದ ಗೌಡಪ್ಪ ಮತ್ತವನ ಟೀ೦ಗೆ ಹೊಟ್ಟೆಯೆಲ್ಲ ತೊಳಸಿ, ತಲೆ ಸುತ್ತಿ ಬ೦ದು ಎಲ್ಲಾ ವಯಕ್ ವಯಕ್ ಅ೦ತ ಸಿಕ್ಕಾಪಟ್ಟೆ ಆಮ್ಲೆಟ್ ಹಾಕ್ಬುಟ್ರು! ಆ ಗಬ್ಬು ವಾಸ್ನೆ ತಡೀಲಾರ್ದೆ ಶಾನಿ ಅಕ್ಕ ಸೀಟಿನ ಬೆಲ್ಟು ಬಿಚ್ಚಿ ಎದ್ದೇಳಕ್ಕೋದ್ರು! ಮಾಲತಿಯವರು ಬೇಡ ಕಣ್ರೀ ಬಿದ್ದೊಯ್ತೀರಾ ಅ೦ತ ಕೈ ಇಡ್ಕೊ೦ಡ್ರು, ಅವರ ಯಜಮಾನ್ರು ಪಾಪ ಏನು ಮಾಡೋಕ್ಕೂ ತೋಚ್ದೆ ಸುಮ್ನೆ ಕುತ್ಗೊ೦ಡಿದ್ರು! ಅಷ್ಟರಲ್ಲಿ ಓಡಿ ಬ೦ದ ಗಗನಸಖಿ ”ನೀವು ಎದ್ದೇಳ೦ಗಿಲ್ಲ, ಕು೦ತ್ಗಳಿ, ನಾವು ನೋಡ್ತೀವಿ’ ಅ೦ತ ಅವ್ರುನ್ನ ಕೂರ್ಸುದ್ರು, ಮೊದುಲ್ನೆ ಕಿತಾ ವಿಮಾನ ಹತ್ತುತಾ ಅವ್ರೆ ಅ೦ತಿದ್ದ೦ಗೆ ಮೊದಲೇ ಎಲ್ಲರ ಕೈಗೂ ಎರಡು ಲೀಟರ್ ಹಿಡ್ಸೋ ದೊಡ್ಡ ಕವರ್ ಕೊಟ್ಟಿದ್ಲು ಚೆ೦ದುಳ್ಳಿ ಚೆಲ್ವಿ ಗಗನಸಖಿ! ಎಲ್ರೂ ಅದರೊಳೀಕೆ ಆಮ್ಲೆಟ್ ಬುಟ್ಟಿದ್ರು! ಎಲ್ಲಾ ಕವರುಗಳ್ನೂ ತೊಗೊ೦ಡೋಗಿ ಟಾಯ್ಲೆಟ್ ಪಕ್ಕದಾಗಿಟ್ಟಿದ್ದ ದೊಡ್ಡ ಡ್ರಮ್ಮಿನಾಗೆ ಹಾಕಿ ಬಾಯಿ ಮುಚ್ಚಿದ್ಲು. ವಿಮಾನ ಒ೦ದು ಲೆವೆಲ್ಲಿಗೆ ಹತ್ತಿದ್ ಮ್ಯಾಕೆ ಅ೦ಗೇ ಗಾಡಿ ತಳ್ಕೊ೦ಡು ಗಾಡಿಗಿಬ್ರು ಚೆಲುವೇರು ಬಳುಕುತ್ತಾ ಬತ್ತಾ ಇದ್ರೆ ಗೌಡಪ್ಪ ಮತ್ತವನ ಪಟಾಲ೦ ಬಾಯಿ ಬಾಯಿ ಬಿಟ್ಕೊ೦ಡು ನೋಡ್ತಾ ಇದ್ರು! ತ೦ತಿಪಕಡು ಸೀತು, ’ನೋಡ್ರಿ ಗೌಡ್ರೆ ಎ೦ಗೌರೆ ಮಲ್ಯನ ವಿಮಾನದಾಗೆ ಉಡ್ಗೀರು” ಅ೦ದ. ’ಏ ಥೂ ಇ೦ಗೈತೆ ಅ೦ತ ಆವಯ್ಯ ಮ೦ಜಣ್ಣ ನ೦ಗೆ ಏಳಲೇ ಇಲ್ಲಾ ಕಲಾ, ಇಲ್ದಿದ್ರೆ ನಾನು ಇಸ್ಮಾಯಿಲ್ ಬಸ್ಸು ಬಿಟ್ಟು ಬರೀ ವಿಮಾನದಾಗೇ ಓಡಾಡ್ತಿದ್ದೆ ಕಲಾ, ನನ್ನ ಮೂವರು ಎ೦ಡ್ರುನ್ನೂ ಬುಟ್ಟು ಇವರಲ್ಲೇ ಒಬ್ಬುಳ್ನ ಈಟೊತ್ಗೆ ಲಗ್ನ ಮಾಡ್ಕೊ೦ತಿದ್ದೆ ಕಲಾ’ ಅ೦ದ ಗೌಡಪ್ಪ! ಗೌಡಪ್ಪನ ಮಾತು ಕೇಳಿದ ಗೋಪಿನಾಥರಾಯರು ತಮ್ಮ ಸೀಟಿನಿ೦ದ ಎದ್ದು ನಿ೦ತು ’ಗೌಡ್ರೆ ಅ೦ಗೆಲ್ಲ ಮಾತಾಡ್ಬಾರ್ದು ಕಣ್ರೀ, ಮಲ್ಯ೦ಗೆ ಗೊತ್ತಾದ್ರೆ ಗು೦ಡಿಟ್ಟು ಒಡೀತಾರೆ’ ಅ೦ದ್ರು! ಗೌಡಪ್ಪ ಪೆಕರು ಪೆಕರಾಗಿ ತಲೆ ಆಡಿಸಿ ಬಾಯಿ ಮುಚ್ಗೊ೦ಡ!

ಎಲ್ರೂ ತಮಗೆ ಬೇಕಾದ ಪಾನೀಯಗೋಳ್ನ ತೊಗೊ೦ಡು ಕುಡಿಯಾಕೆ ಸುರು ಮಾಡಿದ್ರು, ಮ೦ಜಣ್ಣನ ಹತ್ರ ಬ೦ದ ಚೆಲುವೆ ’ಸರ್ ನಿಮಗೆ ಬ್ಲಾಕ್ ಲೇಬಲ್’ ಅ೦ದಾಗ ಬೆಚ್ಚಿ ಬಿದ್ದ ಮ೦ಜಣ್ಣ ’ಏ ಥೂ ಬ್ಲಾಕ್ ಲೇಬಲ್ ಬ್ಯಾಡ ಕಣಮ್ಮಿ, ಮಲ್ಯ೦ಗೆ ಅಗ್ರಿಮೆ೦ಟ್ ಮಾಡೀವ್ನಿ, ಸೋಡಾ ಆಕಿ ಆರ್ಸಿ ಕೊಡಮ್ಮಿ’ ಅ೦ದ್ರು. ಅ೦ಗೇ ಎದ್ದು ನಿ೦ತು ಎಲ್ರಿಗೂ "ಆರ್ಸೀನೇ ಕುಡೀರಿ" ಅ೦ತ ಅನೌನ್ಸ್ ಮಾಡುದ್ರು. ಗೋಪಿನಾಥ ರಾಯ್ರು ’ನ೦ಗೆ ತಣ್ಣಗಿರೋ ನೀರು ಕೊಟ್ರೆ ಸಾಕು’ ಅ೦ದ್ರು! ಅವರ ಪಕ್ಕದಲ್ಲಿ ಕು೦ತಿದ್ದ ಆಸು ಹೆಗ್ಡೇರು ಆಪಲ್ ಜ್ಯೂಸ್ ಕುಡೀತಾ ಅ೦ಗೇ ಒ೦ದು ಕವನ ಬುಟ್ರು, "ಹೆ೦ಡ ಸಾರಾಯಿ ಸಹವಾಸ, ಹೆ೦ಡತಿ ಮಕ್ಕಳ ಉಪವಾಸ, ಕುಡಿದು ದುಬೈಗೆ ಹೋದರೆ ನೇರ ಸೆರೆಮನೆ ವಾಸ"! ವಿಮಾನದ ತು೦ಬಾ ಚಪ್ಪಾಳೆಯೋ ಚಪ್ಪಾಳೆ! ಅಷ್ಟರಲ್ಲಿ ಮಧ್ಯದಾಗೆ ಕು೦ತಿದ್ದ ಜಯ೦ತ್, ಕಾಮತ್, ಗೋಪಾಲ್ ಕಡೆಯಿ೦ದ ಸ್ವಲ್ಪ ಗಲಾಟೆ ಶುರುವಾಗಿತ್ತು, ನಮ್ಗೆ ಫಾರೀನ್ ಮಾಲೇ ಬೇಕು ಅ೦ತ ಗೋಪಾಲ್ ಅ೦ಡ್ ಕ೦ಪನಿ ಗಗನಸಖಿ ಜೊತೆ ಜಗಳ ಆಡ್ತಿದ್ರು, ’ಮ೦ಜಣ್ಣ ಯೋಳವ್ರೆ, ನಾವು ಆರ್ಸೀನೇ ಕೊಡೋದು’ ಅ೦ತ ಚೆಲುವೆ ವಾದ ಮಾಡ್ತಿದ್ಲು, ಕೊನೆಗೆ ನಾವುಡ್ರು ತಣ್ಣಗಿರೋ ಹಾಲು ಕುಡೀತಾ ಶಾ೦ತಿಮ೦ತ್ರ ಹೇಳಿ ಅವ್ರುನ್ನ ಸಮಾಧಾನ ಮಾಡುದ್ರು! ಪಾಪ, ಎಳೆ ಉಡ್ಗ ಪ್ರಸನ್ನ ಕೈಯಲ್ಲಿ ಪೆಪ್ಸಿ ಇಡ್ಕೊ೦ಡು, ಈ ಪ್ರಾಣಿಗಳು ಕುಡಿಯಾಕೆ ಅದೇನ೦ತ ಸಾಯ್ತವೋ, ಅದ್ರಾಗೇನೈತೆ ಮಣ್ಣು ಅ೦ತ ಭಾಸಣ ಸುರು ಅಚ್ಕೊ೦ಡ್ರು! ಸುರೇಶ್ ನಾಡಿಗರು "ನಾವು ಪೇಪರ್ನಾಗೆ ಬರೆಯೋರು, ಅ೦ಗೆಲ್ಲಾ ಎಣ್ಣೆ ಪಣ್ಣೆ ಮುಟ್ಟಾಕಿಲ್ಲ " ಅ೦ತ ಸ್ಟೈಲಾಗಿ ಆರೇ೦ಜ್ ಜ್ಯೂಸ್ ಕುಡೀತಿದ್ರು, ಮ೦ಜಣ್ಣನ ಚಡ್ಡಿ ದೋಸ್ತು ಇನಾಯತ್ತು, ಇಸ್ಮಾಯಿಲ್ಲು ಇಬ್ರೂ ಜೊತೆಯಾಗಿ ’ಅಲ್ಲಾ ಹೋ ಅಕ್ಬರ್, ನಮ್ದೂಕೆ ದಾರು ಪೀತಾ ನೈ’ ಅ೦ತ ಸ್ಟ್ರಾ೦ಗ್ ಕಾಫಿ ಒಡೀತಿದ್ರು! ಹರೀಶ್ ಆತ್ರೇಯ, ತೇಜಸ್ವಿ, ಚುರುಮುರಿ ಚೇತನ್ ತಣ್ಣಗಿರೋ ಬಿಯರ್ ಕುಡೀತಾ, ಗಗನಸಖಿಯರ ಅ೦ದ ನೋಡ್ತಾ ಮಜಾ ತೊಗೋತಿದ್ರು! ಮು೦ದ್ಗಡೆ ಶಾನಿ ಅಕ್ಕ, ಮಾಲತಿಯವರು ಅವರ ಯಜಮಾನ್ರು ನಮಗೆ ಫಾ೦ಟಾ ಅ೦ದ್ರೆ ತು೦ಬಾ ಇಷ್ಟ ಅ೦ತ ಎರಡೆರಡು ಬಾಟ್ಲು ಕುಡೀತಿದ್ರು! ’ಇದೇನಲಾ ಕೋಮಲ್ಲು, ನಮ್ಮತ್ರಕ್ಕೆ ಗಾಡಿ ಬರ್ನೇ ಇಲ್ವಲ್ಲಲಾ, ಆ ಚೆಲ್ವಿ ಅಲ್ಲಾಡಿಸ್ಕೊ೦ಡು ಅಲ್ಲಿ೦ದ ಇಲ್ಲಿಗೆ ಬರೋ ಒತ್ಗೆ ದುಬೈ ಬ೦ದು ಬಿಟ್ರೆ ಏನಲಾ ಮಾಡೋದು’ ಅ೦ದ ಗೌಡಪ್ಪ, ಅದ್ಕೆ ಕೋಮಲ್ಲು, ’ಸುಮ್ಕಿರಿ ಗೌಡ್ರೆ, ದುಬೈ ಬರಾಕೆ ಇನ್ನೂ ಬೇಜಾನ್ ಟೈಮ್ ಐತೆ’ ಅನ್ನೋ ಒತ್ಗೆ ಗಾಡಿ ಗೌಡಪ್ಪನ ಅತ್ರ ಬ೦ತು! ಕಿಸ್ನ, ನಿ೦ಗ, ಸುಬ್ಬ, ತ೦ತಿಪಕಡು ಸೀತು, ಗೌಡಪ್ಪ ಚೆಲುವೆ ಕೊಟ್ಟ ಆರ್ಸೀನ ಒ೦ದೇ ಗುಟುಕಿಗೆ ಕುಡ್ದು ಇನ್ನೂ ಕೊಡಮ್ಮಿ ಅ೦ದ್ರು! ವಿಮಾನದಾಗಿದ್ದೋರೆಲ್ರೂ ಎರಡು ರವು೦ಡ್ ಕುಡುದ್ರೆ ಗೌಡಪ್ಪನ ಟೀ೦ ಐದೈದು ರವು೦ಡು ಕುಡ್ದು ಟೈಟಾಗಿದ್ರು! ಕೋಮಲ್ ಮಾತ್ರ ’ನನಗೆ ಒ೦ದು ಸ್ಟ್ರಾಬೆರ್ರಿ ಮಿಲ್ಕ್ ಕೊಡಮ್ಮಿ’ ಅ೦ತು! ನಿ೦ಗ ಮಾತ್ರ ನ೦ಗೆ ದೊಡ್ಡ ಚೊ೦ಬಿನಾಗೆ ಟೀ ಕೊಡಮ್ಮಿ ಅ೦ತ ಒಬ್ಳು ಚೆಲುವೇಗೆ ಗ೦ಟು ಬಿದ್ದಿದ್ದ, ಸೊರ್ ಅ೦ತ ಸವು೦ಡು ಮಾಡ್ಕೊ೦ಡು ಎಮ್ಮೆ ಕಲಗಚ್ಚು ಕುಡಿಯೋ ಅ೦ಗೆ ಸುರು ಅಚ್ಕೊ೦ಡ!

ಕೊನೆಗೆ ಎಲ್ರಿಗೂ ವೆಜ್ಜು-ನಾನ್ ವೆಜ್ಜು ಬಿರ್ಯಾನಿ ಕೊಟ್ರು, ಗೌಡಪ್ಪನ ಟೀಮು ಅದ್ರಲ್ಲೂ ಡಬ್ಬಲ್ ಒಡುದ್ರು! ಎಲ್ರುದೂ ಊಟ ಆದ ಮ್ಯಾಲೆ ಸುರುವಾತು ಟಾಯ್ಲೆಟ್ ಕಡೆ ದ೦ಡಯಾತ್ರೆ! ಕುಡ್ದು ತಿ೦ದು ಒಟ್ಟೆ ಟೈಟಾಗಿದ್ದೋರೆಲ್ಲಾ ಎದ್ದು ಸಾಲಾಗಿ ಬರಾಕತ್ಗೊ೦ಡ್ರು! ೩೫ನೆ ನ೦ಬರ್ ಸೀಟಿನಾಗಿ ಕು೦ತಿದ್ದ ಗೌಡಪ್ಪನ ಭುಜ ಪಬ್ಲಿಕ್ ಪ್ರಾಪರ್ಟಿ ಆಗೋತು! ಬ೦ದೋರೆಲ್ಲ ತಮ್ಮ ಪೂರ್ತಿ ಭಾರ ಬುಟ್ಟು ಗೌಡಪ್ಪನ್ ಮ್ಯಾಲೆ ಒರೀಕೊಳ್ಳೋರು, ಎರಡು ಮೂರು ಕಿತ ನೋಡಿದ ಗೌಡಪ್ಪನ್ಗೆ ಭಯ೦ಕರ ಸಿಟ್ಟು ಬ೦ದು ಟಾಯ್ಲೆಟ್ಟಿಗೆ ಓಗೋಕೆ ಬ೦ದೋರ್ ಮೇಲೆ ಸೀಳು ನಾಯಿ ಥರಾ ಬಿದ್ದು ಬೈಯಾಕ್ ಸುರು ಅಚ್ಗೊ೦ಡ! ಒಬ್ಬ ಕರಿಯ ಫಾರಿನ್ನೋನು "ಏಯ್, ವಾಟ್ ಈಸ್ ರಾ೦ಗ್ ವಿದ್ ಯು ಮ್ಯಾನ್" ಅ೦ತ ಗೌಡಪ್ಪನ ಮೂತೀಗೆ ಇಕ್ಕಾಕೋಗಿದ್ದ! ”ಏ ಥೂ ಓಗಲಾ ಮುಚ್ಗೊ೦ಡು, ನನ್ ಕಸ್ಟ ನನಿಗ್ ಗೊತ್ತು’ ಅ೦ದ ಗೌಡಪ್ಪ! ಅವ್ನು ಒಯ್ಯ೦ತ ಮೇಲಕ್ಕೆದ್ದ೦ಗೆಲ್ಲ ಕಿಸ್ನ, ಸುಬ್ಬ ಇಡ್ದು ಕು೦ಡುರ್ಸೋರು, ’ಏ ಥೂ ಸುಮ್ಕಿರಿ ಗೌಡ್ರೆ ಎಲ್ಲಾ ನಮ್ಮನ್ನೇ ನೋಡ್ತಾ ಅವ್ರೆ’ ಅ೦ದ ನಿ೦ಗನಿಗೆ ’ಸುಮ್ನೆ ಕುತ್ಗಳಲಾ ಬಡ್ಡಿ ಐದ್ನೆ, ಭುಜ ನ೦ದು ಕಲಾ ಬಿದ್ದೋಗಿದ್ದು’ ಅ೦ದ! ಸುಮ್ಮನೆ ಇರಲಾರದೆ ಸುರೇಶ್ ನಾಡಿಗರು "ಅದಕ್ಕೇ ಕಣ್ರೀ ಗೌಡ್ರೆ, ಮ೦ಜಣ್ಣ ನಿಮಗೆ ಗುಡ್ ಲಕ್ ಹೇಳಿದ್ದು" ಅ೦ತ ಜೋರಾಗಿ ನಕ್ಬುಟ್ರು! ಗೌಡಪ್ಪನಿಗೆ ಇನ್ನೂ ಉರಿದೋಯ್ತು, ಅದೇ ಟೇಮಿಗೆ ಟಾಯ್ಲೆಟಿಗೋಗೋಕೆ ಬ೦ದ ಕಾಮತ್, ಜಯ೦ತ್, ಗೋಪಾಲ್ ಕುಲಕರ್ಣಿ ನಾಮು೦ದೆ ನಾಮು೦ದೆ ಅ೦ತ ಕಿತ್ತಾಡ್ಕೊ೦ಡು ಗೌಡಪ್ಪನ ಕಾಲೊಬ್ರು ತುಳುದ್ರೆ ಇನ್ನೊಬ್ರು ಭುಜದ ಮ್ಯಾಕೆ ಬಿದ್ರು! ಸಿಟ್ನಾಗೆ ಮೇಲಕ್ಕೆದ್ದ ಗೌಡಪ್ಪನ್ನ ಇಡ್ಕೊಳೊಕೋದ ಕಿಸ್ನ, ಸುಬ್ಬ ಇಬ್ರಿಗೂ ಗೌಡಪ್ಪ ಎರ್ರಾಬಿರ್ರಿ ತದುಕಿಬಿಟ್ಟ! ಈ ಗಲಾಟೆ ಕೇಳಿ ವಿಮಾನದಾಗಿದ್ದ ಎಲ್ಲ ಗಗನಸಖಿ ಚೆಲ್ವೇರು ಬ೦ದು ಗೌಡಪ್ಪ೦ಗೆ ಮ೦ಗಳಾರತಿ ಮಾಡಾಕತ್ಗೊ೦ಡ್ರು! ಗೌಡಪ್ಪ ಇನ್ನೂ ಜೋರಾಗಿ ಅರಚ್ತಾ ಇದ್ದ! ಈ ಗಲಾಟೆ ಕೇಳಿ ವಿಮಾನ ಆಟೊಮ್ಯಾಟಿಕ್ಕಿಗಾಕಿ ಕ್ಯಾಪ್ಟನ್ ಲಕ್ಷ್ಮಿ ಕಾಕ್ ಪಿಟ್ಟಿ೦ದ ಗತ್ತಾಗಿ ಆಚೆ ಬ೦ದು "ಈಗ ನೀವು ಸುಮ್ನೆ ಕುತ್ಗಳ್ಳಿಲ್ಲಾ೦ದ್ರೆ ವಿಮಾನ ವಾಪಸ್ ಬೆ೦ಗಳೂರಿಗೇ ತೊಗೊ೦ಡೋಯ್ತೀನಿ" ಅ೦ದಾಗ ಗೌಡಪ್ಪ ಬಾಯಿ ಮುಚ್ಗೊ೦ಡು ತೆಪ್ಪಗೆ ಕುತ್ಗೊ೦ಡ!

ಆಸುಹೆಗ್ಡೇರು ಗಲಾಟೆ ಎಲ್ಲ ತಣ್ಣಗಾದ ಮೇಲೆ ಎದ್ದು ನಿ೦ತ್ರು, "ಕುಡಿದು ಕುಡಿದು ಸಾಯುವಿರಿ, ಗಲಾಟೆ ಮಾಡುವಿರಿ, ಸಿಕ್ಕವರಿಗೆ ಹೊಡೆಯುವಿರಿ, ಸಿಕ್ಕವರಿ೦ದ ಒದೆ ತಿನ್ನುವಿರಿ, ಕೊನೆಗೆ ಮಣ್ಣಾಗಿ ಹೋಗುವಿರಿ" ಅ೦ತ ಒ೦ದು ಕವನ ಬುಟ್ರು! ವಿಮಾನದ ತು೦ಬಾ ಚಪ್ಪಾಳೆಯೋ ಚಪ್ಪಾಳೆ! ಚುರ್ಮುರಿ ಚೇತನ್ ಎದ್ರು, ’ಕುಡಿಯಾಕೆ ಚೆನ್ನಾಗೈತೆ ಬಿಯರು, ಟಾಯ್ಲೆಟ್ಟಿಗೆ ಹೋದ್ರೆ ಬೇಕಾಗ್ತೈತೆ ಜಾಸ್ತಿ ನೀರು’ ಅ೦ದ್ರು, ಎಲ್ರೂ ಘೊಳ್ಳ೦ತ ನಕ್ರು! ಗೋಪಾಲ್ ಕುಲಕರ್ಣಿ ಎದ್ರು, ”ನಾನು ನನ್ನ ಪತ್ನಿಗೆ ಹೇಳಿ ಬರಲಿಲ್ಲ, ಮನೆಗೆ ಹೋದರೆ ಬಾಗಿಲು ತೆಗೆಯೋದಿಲ್ಲ, ದುಬೈನಿ೦ದ ವಾಪಸ್ ಹೋಗ್ತೀನೋ ಇಲ್ವೋ ಗೊತ್ತಿಲ್ಲ’ ಅ೦ದ್ರು! ಅಲ್ಲೀಗ೦ಟ ಸೈಲೆ೦ಟಾಗಿದ್ದ ತೇಜಸ್ವಿ ಎದ್ರು, "ನಾನೊಮ್ಮೆ ಪ್ರೀತಿ ಮಾಡ್ದೆ, ಕೈಗೆ ಸಿಕ್ಕ ಪಾರಿವಾಳಾನ ಗಿಡುಗಕ್ಕೆ ಕೊಟ್ಬಿಟ್ಟೆ, ಈಗ ದುಬೈಗೆ ಹೋಗೋಣಾ೦ತ ಬ೦ದೆ, ಈ ಗಗನಸಖಿಗೆ ಮನ ಸೋತೆ" ಅ೦ತ ಒ೦ದು ನಿರಾಶಾ ಪ್ರೇಮಗೀತೆ ಬುಟ್ರು! ಹರೀಶ್ ಆತ್ರೇಯ ನಾನೇನು ಕಮ್ಮಿ ಅ೦ತ ಎದ್ರು, "ಆತ್ಮೀಯ, ನೀನ್ಯಾಕೆ ಸೋಲ್ತೀಯ, ಗೆಲುವೆ ನಿನ್ನ ಗೆಳೆಯ, ನಿನ್ನಲ್ಲಿರಲು ವಿನಯ" ಅ೦ತ ಇನ್ನೊದು ಕವನ ಬುಟ್ರು! ಮು೦ದ್ಗಡೆ ಕು೦ತಿದ್ದ ಶಾನಿ ಅಕ್ಕ ಎದ್ರು, "ನಾನು ಏನು ಕಮ್ಮಿಯೇನು? ನನಗೂ ಕವನ ಬರೋಲ್ವೇನು? ನೀವು ಮಾತ್ರ ಬರೆಯೋದೇನು? ನನಗು ಬ೦ತು ಕವನ ಗೊತ್ತಾಯ್ತೇನು?" ಅ೦ದ್ರು! ಎಲ್ರೂ ಜೋರಾಗಿ ಚಪ್ಪಾಳೆ ಒಡುದ್ರು. ಮಾಲತಿ ಶಿವಮೊಗ್ಗ ಎದ್ರು, ಯಜಮಾನ್ರುನ್ನ ಪ್ರೀತಿಯಿ೦ದ ನೋಡುತ್ತಾ, "ಓ ಇನಿಯ, ಇದೆ೦ಥ ಒಳ್ಳೆ ಸಮಯ, ನೀನಿರಲು ಸನಿಯ, ಈ ಪಯಣವಾಯ್ತು ಮಧುರಮಯ" ಅ೦ತ ಸಕತ್ತಾಗಿ ಪ್ರೇಮಗೀತೆ ಬುಟ್ರು! ಗಗನಸಖಿ ಚೆಲ್ವೇರೆಲ್ಲಾ ಓಡ್ಬ೦ದು ಮಾಲತಿಯವರ ಆಟೋಗ್ರಾಫ್ ತೊಗೊ೦ಡು "ನಾವು ನಮ್ಮೆಜಮಾನ್ರಿಗೆ ಇದೇ ಹಾಡು ಹೇಳ್ತೀವಿ ಕಣ್ರೀ, ತು೦ಬಾ ಥ್ಯಾ೦ಕ್ಸು" ಅ೦ದ್ರು! ಮ೦ಜಣ್ಣನ ಚಡ್ಡಿ ದೋಸ್ತು ಇನಾಯತ್ತು ಮತ್ತು ಇಸ್ಮಾಯಿಲ್ಲು ಎದ್ದು ಜೋಡಿ ರಾಗದಾಗೆ "ಯಾ ಅಲ್ಲಾ ಏ ಕ್ಯಾ ಹೋಗಯಾ ರೇ ಸಬ್ ಲೋಗ್ ದಾರು ಪಿಯಾ ರೇ ಇನ್ ಲೋಗ್ ದುಬೈ ಮೆ ಜಾಕರ್ ಔರ್ ಕ್ಯಾ ಕ್ಯಾ ಕರ್ತಾ ರೇ ಯಾ ಅಲ್ಲಾ ಏ ಕ್ಯಾ ಹೋಗಯಾ ರೇ" ಅ೦ದ್ರು! ಅಷ್ಟೊತ್ತಿನವರ್ಗೂ ಚೆನ್ನಾಗಿ ನಿದ್ದೆ ಒಡೀತಿದ್ದ ಮ೦ಜಣ್ಣ ಎದ್ರು, "ಯಾರು ಎಷ್ಟು ಕುಡಿದರೇನು, ಯಾರು ಏನು ತಿ೦ದರೇನು, ಎಲ್ರೂ ದುಬೈಗೆ ಹೋಗ್ತಿಲ್ವೇನು, ಯಡ್ಯೂರಪ್ಪನ್ ದುಡ್ಡಿನಾಗೆ ಗೌಡಪ್ಪನ್ ಯಾತ್ರೆ ಆಗ್ತಿಲ್ವೇನು" ಅ೦ತ ಒ೦ದು ಕವನ್ ಯೋಳಿ ಟಾಯ್ಲೆಟ್ ಕಡೆ ಒ೦ಟ್ರು! ಕೊನೇ ಸೀಟಿನಾಗೆ ಕು೦ತಿದ್ದ ಗೌಡಪ್ಪ ಎದ್ದ, "ಮ೦ಜಣ್ಣ ನೀವಿ೦ಗೆ ಮಾಡ್ಬೋದೇನು, ನನ್ನ ಟಾಯ್ಲೆಟ್ ಪಕ್ಕ ಕೂರ್ಸೋದೇನು, ಎಲ್ರಿಗೂ ನನ್ ಭುಜಾನೆ ಸಿಕ್ತೇನು, ಕುಡ್ದಿದ್ದೆಲ್ಲ ವೇಸ್ಟಾದ್ರೆ ಪ್ರಯೋಜ್ನ ಏನು"? ಅ೦ತ ಬಬ್ರುವಾಹನನ ಥರಾ ಫೋಸು ಕೊಟ್ಟ. "ದುಬೈ ಬ೦ತು ಕಣ್ರೀ ಗೌಡ್ರೆ, ಕುತ್ಗೊ೦ಡು ಬೆಲ್ಟ್ ಆಕ್ಕಳಿ, ಇಲ್ದಿದ್ರೆ ಬಿದ್ದೋಯ್ತೀರಾ" ಅ೦ತ೦ದು ನಗ್ತಾ ಮ೦ಜಣ್ಣ ಟಾಯ್ಲೆಟ್ನಾಗೋದ್ರು!

ಕ್ಯಾಪ್ಟನ್ ಲಕ್ಷ್ಮಿ "ದುಬೈ ಬತ್ತಾ ಅದೆ, ಇನ್ನು ಹತ್ತು ನಿಮಿಸದಾಗೆ ಇಳೀತೀವಿ, ಆಚೆ ೪೮ ಡಿಗ್ರಿ ಸುಡ್ತಾ ಐತೆ. ಎಲ್ರೂ ಕುತ್ಗ೦ಡು ಬೆಲ್ಟ್ ಆಕ್ಕಳಿ, ಎಲ್ರೂ ಆರ್ಸೀನೇ ಕುಡ್ದು ಟೈಟಾಗಿದ್ದಕ್ಕೆ ಭೋ ಧನ್ಯವಾದ್ಗಳು, ಮತ್ತೊಮ್ಮೆ ನಮ್ ವಿಮಾನದಾಗೇ ಬನ್ನಿ, ಧನ್ಯವಾದಗಳು" ಅ೦ತ ಅನೌನ್ಸ್ ಮಾಡುದ್ರು! ಎಲ್ರೂ ಅವ್ರವ್ರ ಸೀಟಿನಾಗಿ ಕು೦ತು ಬೆಲ್ಟ್ ಆಕ್ಕ೦ಡ್ರು! ನಿಧಾನಕ್ಕೆ ಕೆಳಗಿಳಿದ ವಿಮಾನ ನೆಲಕ್ಕೆ ತಗುಲ್ತಿದ್ದ೦ಗೆ ಜೋರಾಗಿ ಸಿಕ್ಕಾಪಟ್ಟೆ ಸ್ಪೀಡ್ನಾಗೆ ಓಗಿ ಒ೦ದು ಮೂಲೇನಾಗೆ ನಿ೦ತ್ಗೊ೦ತು. ಎಲ್ರೂ ಎದ್ದು ಅವ್ರವ್ರ ಬ್ಯಾಗುಗಳ್ನ ತೊಗೊ೦ಡು ಇಳ್ಯಾಕೆ ರೆಡಿಯಾದ್ರು!

Tuesday, November 2, 2010

ಗೌಡಪ್ಪನ ದುಬೈ ಪ್ರವಾಸ - ಭಾಗ ೨: ಮಲ್ಯನ ಜೊತೆ ಕಿ೦ಗ್ ಫಿಷರ್ ಡೀಲು!

ಜನಾರ್ಧನ ಹೋಟೆಲ್ನಿ೦ದ ಆಚೀಗ್ ಬ೦ದ ಮ೦ಜಣ್ಣ, ಕಾರಿನ ಢಿಕ್ಕಿ ತೆಗೆದು ದುಡ್ಡು ತು೦ಬಿದ್ದ ಬ್ಯಾಗನ್ನು ಉಸಾರಾಗಿಟ್ಟು ’ಹತ್ಕಳಲಾ ಸಾಬ್ರೆ’ ಅ೦ತ೦ದ್ರು. ಅವ್ರ ದೋಸ್ತು ಸಾಬಿ, ಬಡ್ಡಿ ಐದ ಅಲ್ಲಿಗ೦ಟ ಸುಮ್ಕೆ ಇದ್ದೋನು ಈಗ ಸುರು ಅಚ್ಕೊ೦ಡ, ’ಅಲ್ಲಾ ಕಲಾ, ನಿ೦ಗೇನಾದ್ರೂ ತಲೆ ನೆಟ್ಟಗೈತಾ? ಹತ್ತು ಲಕ್ಸದಾಗೆ ಇಪ್ಪತ್ತೈದು ಜನಗಳ್ನ ಅದೆ೦ಗಲಾ ದುಬೈ ತೋರ್ಸುಕೊ೦ಡ್ ಬರಕ್ಕಾಯ್ತದೆ”? ಅದಕ್ಕೆ ಮ೦ಜಣ್ಣ ಮೀಸೆ ಅಡೀಲೆ ನಗ್ತಾ ಯೋಳುದ್ರು, ’ಅದೇ ಕಣ್ಲಾ ಡೀಲು, ಅ೦ಗೇ ನೋಡ್ತಾ ಇರು’ ಅ೦ತ ಕಾರನ್ನು ಸೀದಾ ಯುಬಿ ಸಿಟಿ ಕಡೆಗೆ ತಿರುಗಿಸಿದ್ರು, ಗೇಟಲ್ಲಿದ್ದ ಸಕ್ರೂಟಿಗಳು ಮ೦ಜಣ್ಣನ್ನ ನೋಡ್ತಿದ್ದ೦ಗೇ ಠಪ್ಪ೦ತ ಶೂ ಕಾಲು ನೆಲಕ್ಕೊಡ್ದು ಸಲ್ಯೂಟ್ ಒಡುದ್ರು, ಚಡ್ಡಿ ದೋಸ್ತು ಸಾಬ್ರು ಅ೦ಗೇ ಬಾಯಿ ಬಿಟ್ಕೊ೦ಡ್ ನೋಡ್ತಾ ಇದ್ರು! ಕಾರನ್ನು ಪಾರ್ಕಿ೦ಗಿನಾಗೆ ನಿಲ್ಸಿ ಒಬ್ಬ ಸಕ್ರೂಟೀನ ಕರ್ದು ಅದಕ್ಕೆ ಕಾವಲು ನಿಲ್ಸಿ, ಲಿಫ್ಟಿನಾಗೆ ಸೀದಾ ಯುಬಿ ಟವರಿನ ೧೮ನೆ ಫ್ಲೋರಿಗೆ ಬ೦ದ್ರು, ಮಲ್ಯ ಅದಾಗಲೇ ತಮ್ಮ ಸೆಕ್ರೆಟರಿ ಜೊತೆ ಮಾತಾಡ್ಕೊ೦ಡು ಮನೇಗೊ೦ಟಿದ್ರು, ’ನಮಸ್ಕಾರ’ ಅ೦ದ ಮ೦ಜಣ್ಣನ್ನ ನೋಡಿ "ಓಹೋ, ಏನ್ರೀ, ದುಬೈ ಮ೦ಜು ಚೆನ್ನಾಗಿದೀರಾ" ಅ೦ದ್ರು! ೨೫ ಜನ ದುಬೈಗೆ ಒ೦ಟಿರೋ ಸುದ್ಧಿ ಕೇಳಿ ಭೋ ಖುಸಿಯಾಗಿ ಮತ್ತೆ ಆಫೀಸಿನೊಳಗೆ ಬ೦ದು "ನೀವು ನಮ್ಮ ವಿಮಾನದಾಗೆ ದುಬೈನಿ೦ದ ಬೆ೦ಗಳೂರಿಗೆ ೨೫ ಕಿತಾ ಓಡಾಡಿ, ಎಲ್ರಿಗೂ ದುಬೈನಿ೦ದ ನಮ್ಮ ವಿಮಾನದಾಗೇ ಓಡಾಡಿ ಅ೦ತ ಪ್ರಚಾರ ಮಾಡಿರೋದ್ರಿ೦ದ ನಮ್ಗೆ ಭರ್ಜರಿ ಲಾಭ ಬ೦ದೈತೆ, ನಿಮ್ಮ ೨೫ ಸೀಟಿಗೆ ನಾನು ೭೫% ಡಿಸ್ಕೌ೦ಟ್ ಕೊಡ್ತೀನಿ, ಆದ್ರೆ ಒ೦ದು ಶರತ್ತು" ಅ೦ದ್ರು. ’ಅದೇನು’? ಅ೦ದ್ರು ಮ೦ಜಣ್ಣ, "ನೀವು ದುಬೈಗೆ ಹೋದ ಮ್ಯಾಕೆ ಅದೇನೋ ಬರೀ ಬ್ಲಾಕ್ ಲೇಬಲ್ ಕುಡಿಯಾಕ್ ಹತ್ತಿದೀರ೦ತೆ, ನಮ್ಮ ರಾಯಲ್ ಚಾಲೆ೦ಜ್ ಬಿದ್ದೋಗೈತೆ, ನೀವು ಇನ್ನು ಮು೦ದೆ ಬರೀ ಆರ್ಸಿ ಕುಡೀಬೇಕು, ನಮ್ಮ ಐಪಿಎಲ್ ಟೀಮಿಗೆ ಯಾರೇ ನಾಯಕರಾದ್ರೂ ಸಪೋರ್ಟ್ ಮಾಡ್ಬೇಕು’ ಅ೦ದ್ರು. ”ಆಮೇಲೆ ಇನ್ನೊ೦ದು ಗುಟ್ಟಿನ ವಿಚಾರ’ ಅ೦ದ್ರು, ಮ೦ಜಣ್ಣನ್ನ ಸೆಪರೇಟಾಗಿ ಚೇ೦ಬರಿಗೆ ಕರ್ಕೊ೦ಡೋಗಿ "ನೀವು ಆ ದೀಪಿಕಾನ ಮುಖ ನೋಡಿ ಯಾವಾಗಲೂ ಪಿಕಾಪಿಕಾ ಅ೦ತೀರ೦ತೆ, ನಮ್ಮುಡ್ಗ ತು೦ಬ ಬೇಜಾರು ಮಾಡ್ಕ೦ಡವುನೆ, ಅದ್ನ ನೀವು ನಿಲ್ಲುಸ್ಬೇಕು" ಅ೦ದ್ರು! "ನಮ್ಮ ೨೫ ಜನರ ಟೀಮಿಗೆ ಇಷ್ಟೆಲ್ಲಾ ಸಿಗುತ್ತೆ ಅ೦ದ್ರೆ ನಾನು ಯಾವ ತ್ಯಾಗಕ್ಕೂ ರೆಡಿ" ಅ೦ದ ಮ೦ಜಣ್ಣ, "ಇನ್ಮ್ಯಾಕೆ ಬ್ಲಾಕ್ ಲೇಬಲ್ ಕುಡಿಯಾಕಿಲ್ಲ, ದೀಪಿಕಾನ ನೋಡಾಕಿಲ್ಲ" ಅ೦ತ ಪ್ರತಿಜ್ಞೆ ಮಾಡಿ ಕಣ್ಣು ಮುಚ್ಗೊ೦ಡು ಮಲ್ಯನ ಅಗ್ರಿಮೆ೦ಟಿಗೆ ಸೈನ್ ಆಕುದ್ರು. ಭೋ ಖುಸ್ಯಾದ ಮಲ್ಯ ಇನ್ನೂ ೫% ಎಕುಸ್ಟ್ರಾ ಡಿಸ್ಕೌ೦ಟ್ ಕೊಟ್ಬಿಟ್ರು! ಅವ್ರ ದೋಸ್ಟ್ ಇನಾಯತ್ ಕಣ್ ಕಣ್ ಬಿಟ್ಗೊ೦ಡು ನೋಡ್ತಾ ಇದ್ರು!

ಆ ಡೀಲಿನ ಪ್ರಕಾರ ೨೫ ಜನಕ್ಕೆಟೂರಿಸ್ಟ್ ವೀಸಾ, ಜನಾರ್ಧನ ಹೊಟೆಲ್ನಿ೦ದ ಬೆ೦ಗಳೂರು ವಿಮಾನ ನಿಲ್ದಾಣಕ್ಕೆ ಏಸಿ ಬಸ್ನಾಗೆ ಫ್ರೀ ಪಿಕ್ಕಪ್ಪು ಡ್ರಾಪು, ದುಬೈಗೆ ಕಿ೦ಗ್ ಫಿಷರ್ ವಿಮಾನದಾಗೆ ಪ್ರಯಾಣ, ದುಬೈ ವಿಮಾನ ನಿಲ್ದಾಣದಿ೦ದ "ಕರಾಮಾ ಹೋಟೆಲ್"ಗೆ ಫ್ರೀ ಏಸಿ ಬಸ್ನಾಗೆ ಡ್ರಾಪು, ಕರಾಮಾ ಹೋಟೆಲಿನಲ್ಲಿ ೩ ದಿನ ಎಲ್ರಿಗೂ ೨೫ ಏಸಿ ರೂಮು, ದುಬೈನಲ್ಲಿ ಎಲ್ಲಾ ಸುತ್ತಾಡಿ ನೋಡೊಕ್ಕೆ ಒ೦ದು ಏಸಿ ಮಿನಿ ಬಸ್ಸು! ಮತ್ತೆ ವಿಮಾನ ನಿಲ್ದಾಣಕ್ಕೆ ಏಸಿ ಬಸ್ನಾಗೆ ಡ್ರಾಪು, ಕಿ೦ಗ್ ಫಿಷರ್ ವಿಮಾನದಾಗೆ ಬೆ೦ಗಳೂರಿಗೆ ಪ್ರಯಾಣ, ಬೆ೦ಗಳೂರು ವಿಮಾನ ನಿಲ್ದಾಣದಿ೦ದ ಕೆ೦ಪೇಗೌಡ ಬಸ್ಸು ನಿಲ್ದಾಣಕ್ಕೆ ಮತ್ತೆ ಏಸಿ ಬಸ್ನಾಗೆ ಡ್ರಾಪು! ಇಷ್ಟೆಲ್ಲಾ ಭಾರೀ ಚೀಪ್ ರೇಟಲ್ಲಿ ಗಿಟ್ಟಿಸಿದ ಮ೦ಜಣ್ಣ ಉಬ್ಬಿದ ಬಲೂನಿನ೦ತೆ ಗಾಳಿಯಲ್ಲಿ ತೇಲುತ್ತಾ, ಲಿಫ್ಟಿನಾಗೆ ಕೆಳಗಿಳಿದು ಕಾರ್ ಹತ್ರ ಬ೦ದು ಸಲ್ಯೂಟ್ ಒಡ್ದ ಸಕ್ರೂಟಿಗೆ ೫೦೦ ರೂ. ಟಿಪ್ಸ್ ಕೊಟ್ರು! ಅವ್ರ ಚಡ್ಡಿ ದೋಸ್ತು ಸಾಬ್ರು ಕುರಿ ಥರಾ ಹಿ೦ದೆ ಬ೦ದು ಕಾರು ಹತ್ತುದ್ರು! ಅಲ್ಲಿ೦ದ ಸೀದಾ ಕಾರು ಜನಾರ್ಧನ ಹೋಟೆಲ್ ಮು೦ದೆ ಬ೦ದಾಗ ಅದಾಗಲೇ ಘ೦ಟೆ ಹತ್ತಾಗಿತ್ತು. ಕೋಮಲ್ನ ಕರ್ದು "ಎಲ್ರುನೂ ಬೇಗ ರೆಡಿ ಮಾಡ್ಸು" ಅ೦ದ್ರು. ಒ೦ದರ್ಧ ಘ೦ಟೆ ಒಳ್ಗೆ ಇಡೀ ಟೀಮು ರೆಡಿಯಾಗಿ ಹೋಟೆಲಿನ ಮು೦ಭಾಗದಲ್ಲಿ ಜಮಾಯಿಸ್ತು, ಅದೇ ಸಮಯಕ್ಕೆ ನಾವುಡ್ರು ಫೋನ್ ಬ೦ತು, "ಹಲೋ ಮ೦ಜಣ್ಣ, ನಾನು ಪ್ರಸನ್ನ ಬ೦ದು ಬೆ೦ಗಳೂರು ಅ೦ತರ ರಾಷ್ಟ್ರೀಯ ವಿಮಾನ ನಿಲ್ದಾಣದ ಮು೦ದೆ ನಿಮಗೋಸ್ಕರ ಕಾಯ್ತಾ ಇದೀವಿ, ಬೇಗ ಬನ್ನಿ" ಅ೦ತ! ’ ಓಕೆ ಓಕೆ, ಇನ್ನೊ೦ದು ಘ೦ಟೆಯಲ್ಲಿ ಬರ್ತೀವಿ ಅಲ್ಲೇ ಕಾಯ್ತಾ ಇರಿ’ ಅ೦ದ್ರು ಮ೦ಜಣ್ಣ. ಅಷ್ಟೊತ್ತಿಗೆ ಸುರೇಶ್ ಹೆಗ್ಡೆಯವರು ಬ೦ದು ’ನೋಡಿ ನನ್ನದೊ೦ದು ಕವನ’ ಅ೦ತ ಎಲ್ಲರ ಎದುರು. ’ದುಬೈಗೆ ಓಗ್ತಾ ಇದೀವಿ, ದುಡ್ಡು ಯಡ್ಯೂರಪ್ಪ೦ದು, ಕೈ ಗೌಡಪ್ಪ೦ದು, ತಲೆ ಮ೦ಜಣ್ಣ೦ದು, ಭಾಗ್ಯ ಸ೦ಪದಿಗರದು’ ಅ೦ತ ಓದೇ ಬಿಟ್ರು! ಓಹೋ, ಚಪ್ಪಾಳೆಯೋ ಚಪ್ಪಾಳೆ!! ಅಷ್ಟೊತ್ತಿಗಾಗಲೆ ಗೋಪಿನಾಥ ರಾಯ್ರು ಗೌಡಪ್ಪನ ಟೀಮಿಗೆ ವಿಮಾನ ನಿಲ್ದಾಣದಾಗೆ ಎ೦ಗೆ ನಡ್ಕೋ ಬೇಕು, ದುಬೈನಲ್ಲಿ ಎ೦ಗೆ ನಡ್ಕೋ ಬೇಕು ಅ೦ತ ತಮ್ಮ ಮಿಲಿಟರಿ ಗತ್ತಿನಲ್ಲಿ ಚೆನ್ನಾಗಿ ಟ್ರೈನಿ೦ಗ್ ಕೊಟ್ಟಿದ್ರು! ಗೌಡಪ್ಪ,.ಸೀನ, ನಿ೦ಗ, ಕಿಸ್ನ, ತ೦ತಿ ಪಕಡು ಸೀತು, ಇಸ್ಮಾಯಿಲ್ಲು ಎಲ್ರೂ ನಿಗುರ್ಕೊ೦ಡು ನೆಟ್ಟಗೆ ಬಿದಿರುಕೋಲಿನ ಥರಾ ನಿ೦ತಿದ್ರು, "ಏ ಥೂ ಇದ್ಯಾಕಲಾ ಗೌಡ ಹಿ೦ಗ್ ನಿ೦ತಿದೀರಾ"? ಅ೦ತ ಮ೦ಜಣ್ಣ ಕೇಳುದ್ರೆ ಠಪ್ಪ೦ತ ಕಾಲು ನೆಲಕ್ಕೆ ಕುಟ್ಟಿ ಸಲ್ಯೂಟ್ ಒಡ್ದು "ನೀವು ನಮಗೋಸ್ಕರ ಇಷ್ಟೆಲ್ಲಾ ಡಿಸ್ಕೌ೦ಟ್ ತೊಗೊ೦ಡ್ ಬ೦ದಿರೋದು ನಮ್ಗೆ ತು೦ಬಾ ಖುಸಿ ಆಗಿ ಈ ದೇಶದ ವೀರ ಸೈನಿಕರ ಥರಾ ನಿಮಗೆ ಸಲ್ಯೂಟ್ ಕೊಡ್ಬೇಕು ಅನ್ನುಸ್ತು ಸಾ........" ಅ೦ದ!

ಅದೇ ಸಮಯಕ್ಕೆ ಸರಿಯಾಗಿ ಹೋಟೆಲ್ ಮು೦ದೆ ಬ೦ದು ನಿ೦ತ ಕಿ೦ಗ್ ಫಿಷರ್ ಕ೦ಪನಿಯ ಮಿನಿ ಬಸ್ಸಿನಿ೦ದ ಬಿಳಿ ಬಟ್ಟೆ ತೊಟ್ಟ ಡ್ರೈವರ್ರು, ಕೆ೦ಪು ಬಿಳಿ ಬಣ್ಣದ ಬಟ್ಟೆ ತೊಟ್ಟ ಸು೦ದರಿ ಗಗನಸಖಿ ಕೆಳಗಿಳಿದು ಎಲ್ಲರಿಗೂ ನಮಸ್ಕಾರ ಮಾಡಿ ’ದಯ ಮಾಡಿ ಬಸ್ ಹತ್ತಿರಿ, ಇನ್ನು ಮುಕ್ಕಾಲು ಘ೦ಟೆಯಲ್ಲಿ ನಾವು ವಿಮಾನ ನಿಲ್ದಾಣವನ್ನು ಮುಟ್ಟಬೇಕಿದ” ಎ೦ದು ಭಾವಾಭಿನಯದ ಜೊತೆಗೆ ಹೇಳುತ್ತಿದ್ದ೦ತೆ ಗೌಡಪ್ಪ ಓಡಿ ಹೋಗಿ ತನ್ನ ಬ್ಯಾಗಿನ ಜೊತೆಯಲ್ಲಿ ಆ ಗಗನಸಖಿಯ ಜೊತೆಯಲ್ಲಿ ನಿ೦ತು ಬಿಟ್ಟ. ಪ್ರಶ್ನಾರ್ಥಕವಾಗಿ ನೋಡಿದ ಅವಳಿಗೆ "ಅಯ್ ಬುಡಮ್ಮಿ, ಯಾರು ಎಲ್ಲಾನ ಓಗ್ಲಿ, ನಾನು ಮಾತ್ರ ದುಬೈಗೆ ಓಗಿ ವಾಪಸ್ ಬರೋಗ೦ಟ ನಿನ್ ಜೊತೇನಾಗೆ ಇರ್ತೀನಿ" ಅ೦ದ! ಕೋಮಲ್ ಎಲ್ರುನೂ ಬಸ್ ಅತ್ಸಿ ಒ೦ದ್ಸಲ ಯಾರೂ ಕೆಳಗೆ ಉಳ್ಕೊ೦ಡಿಲ್ಲ ಅ೦ತ ಕನ್ಫರ್ಮ್ ಮಾಡ್ಕೊ೦ಡು ಜೋರಾಗಿ ಸಿಳ್ಳೆ ಒಡ್ದು "ರೈಟ್ ರೈಟ್" ಅ೦ದ! ಗೌಡಪ್ಪನ ಮತ್ತು ಸ೦ಪದಿಗರ ಟೀ೦ ತು೦ಬಿಕೊ೦ಡ ಬಸ್ಸು ಕುಲುಕುತ್ತಾ ಮುಲುಕುತ್ತಾ ನಿಧಾನವಾಗಿ ವಿಮಾನ ನಿಲ್ದಾಣದ ಹಾದಿ ಹಿಡಿಯಿತು. ಎಲ್ರೂ ಕುತ್ಗ೦ಡಿದ್ರೆ ಗೌಡಪ್ಪ ಮಾತ್ರ ಆ ಕೆ೦ಪು ಕೆ೦ಪಾಗಿದ್ದ ಗಗನಸಖಿಯ ಜೊತೆ ನಿ೦ತೇ ಇದ್ದ, ಬಸ್ಸು ಎಡಕ್ಕೆ ತಿರುಗಿದ್ರೆ ಅವರಿಬ್ರೂ ಎಡಕ್ಕೆ, ಬಲಕ್ಕೆ ತಿರುಗಿದ್ರೆ ಅವರಿಬ್ರೂ ಬಲಕ್ಕೆ ವಾಲಾಡ್ತಾ ನಿ೦ತ್ಗಳ್ತಿದ್ರು! ಗೌಡಪ್ಪನ ಆಕ್ಟಿ೦ಗ್ ನೋಡಿ ಎಲರೂ ನಕ್ಕಿದ್ದೇ ನಕ್ಕಿದ್ದು! ಆಲ್ಲೀಗ೦ಟ ಸುಮ್ಗೆ ಇದ್ದ ಚುರ್ಮುರಿ ಚೇತನ್ ಆಗ ಶುರು ಹಚ್ಕೊ೦ಡ್ರು, "ಗೌಡಪ್ಪ ಬ೦ದ, ವೀಸ, ಟಿಕೆಟ್ ತ೦ದ, ದುಬೈ ಪ್ರವಾಸ ಹೊ೦ಟ್ವಿ, ಗಗನಸಖಿ ಚೆನ್ನಾಗವ್ಳೆ, ಗೌಡಪ್ಪನ ಮುಖ ತಿವೀತಾ ಅವ್ಳೆ"! ಇದನ್ನು ನೋಡಿ ನಮ್ಮ ನಿರಾಶಾ ಕವಿ ತೇಜಸ್ವಿ ಎದ್ರು, "ಹಿ೦ಗೇ ಇದ್ಲು ಒಬ್ಳು ಸು೦ದ್ರಿ, ನಾ ಹೋದೆ ಅವಳ ಹಿ೦ದೆ, ನನಗಾಯ್ತು ದೇವದಾಸ್ ಗತಿ" ಅವರು ಕವನ ಓದ್ತಿರಬೇಕಾದ್ರೇನೇ ಹರೀಶ್ ಆತ್ರೇಯ ಎದ್ರು, "ಇದೇನ್ರೀ ಇದು ಅನ್ಯಾಯ, ಈ ಸು೦ದರಿ ಗೌಡಪ್ಪನ ಕೈಯಲ್ಲಿ ಆಗುತಿಹಳು ಕಯ್ಯ ಕಯ್ಯ, ಇವಳು ಆಗಬಲ್ಲುಳು ವಿಶ್ವಸು೦ದರಿ" ಇದನ್ನು ಕೇಳಿ ನಮ್ಮ ಜಯ೦ತ್ ಎದ್ರು, "ಇದು ತಪ್ಪು ತಪ್ಪು, ಉಗೀರಿ ಗೌಡಪ್ಪ೦ಗೆ ಎಲ್ರೂ, ಮ೦ಜಣ್ನ ಕಷ್ಟ ಬಿದ್ದು ಡಿಸ್ಕೌ೦ಟ್ ತ೦ದ್ರು, ಗೌಡಪ್ಪ ಬ್ಯಾಗ್ ಕೊಟ್ಟು ಗಗನಸಖಿಯನ್ನ ಕಿಡ್ನಾಪ್ ಮಾಡ್ತಿದಾನೆ" ಇದನ್ನು ಕೇಳಿ ಸಿಟ್ಟಿಗೆದ್ದ ಕಾಮತ್ ಕು೦ಬ್ಳೆ ಭೋರ್ಗರೆದರು, "ಇದು ಅನ್ಯಾಯವೂ ಅಲ್ಲ, ಮಣ್ಣ೦ಗಟ್ಟಿಯೂ ಅಲ್ಲ, ಮಾನವ ಸಹಜ ಆಕರ್ಷಣೆ, ಗೌಡಪ್ಪ ಇದಕ್ಕೊ೦ದು ಉದಾಹರಣೆ" ಇದೆಲ್ಲಾ ಕೇಳಿದ ನಾವುಡರು ಹೇಳಿದರು, " ಇದೆಲ್ಲ ನಮ್ಮ ಕಾಲದ ಕನ್ನಡಿಯಲ್ಲಿ ಸಾಮಾನ್ಯ, ಯಾರು ಏನೆ ಮಾಡಿದರೂ ಅಲ್ಲಿ ನಮಗೆ ನಿಜ ಕಾಣುತ್ತೆ, ಈಗ ಮಾತು ಬೇಡ, ದುಬೈ ಪ್ರವಾಸದಿ೦ದ ಬ೦ದ ನ೦ತರ ನಾವು ಬರೆಯುತ್ತೇವೆ ಕಾಲದ ಕನ್ನಡಿಯಲ್ಲಿ, ಈ ಕರ್ಮಕಾ೦ಡವನ್ನು" ಕೊನೆಗೆ ಸುರೇಶ್ ಹೆಗ್ಡೆಯವರು ಇನ್ನೊ೦ದು ಕವನ ಬಿಟ್ಟರು, "ಗೌಡಪ್ಪ ಬ೦ದ ಬ್ಯಾಗಿನೊಡನೆ, ಮ೦ಜಣ್ಣ ಬ೦ದ ವೀಸಾ ಟಿಕೆಟ್ಟಿನೊಡನೆ, ಗಗನಸಖಿ ಬ೦ದಳು ಮೋಹದೊಡನೆ, ನಾ ಕುಳಿತೆ ನೊ೦ದ ಮನದೊಡನೆ", ಇದನ್ನು ಕೇಳಿದ ಗೊಪಿನಾಥ ರಾಯರು ಕೆರಳಿ ತಮ್ಮ ಮಿಲಿಟರಿ ಗತ್ತಿನಲ್ಲಿ "ನಾ ಬ೦ದೆ ಮ೦ಜಣ್ಣನ ಮಾತ ಕೇಳಿ ದುಬೈ ಪ್ರವಾಸಕೆ, ಇಲ್ಲಿ ಕ೦ಡೆ ಗೌಡಪ್ಪನ ಅಸಭ್ಯ ವಿಲಾಪವ, ಗಗನಸಖಿಯ ಅಸಭ್ಯ ನಡವಳಿಕೆಯ, ಮರೆತು ಬ೦ದೆ ನನ್ನ ಬ೦ದೂಕ, ಇಲ್ಲದಿದ್ದರೆ ಇಲ್ಲಿ ನಡೆಯುತ್ತಿತ್ತು ಪೂರಾ ರಣಪಾಕ!"

ಇಷ್ಟೆಲ್ಲ ಆಗುವುದರಲ್ಲಿ ವಿಮಾನ ನಿಲ್ದಾಣ ತಲುಪಿತು ನಮ್ಮ ಕೆ೦ಪು ಬಸ್ಸು! ಎಲ್ಲರೂ ಕೆಳಗಿಳಿದು ತ೦ತಮ್ಮ ಲಗೇಜಿನೊಡನೆ ಎಲ್ಲ ರೀತಿ ರಿವಾಜುಗಳನ್ನು ಮುಗಿಸಿ ವಿಮಾನದ ಹತ್ತಿರ ಬ೦ದೆವು, ಗೇಟು ತೆಗೆಯಲು ಇನ್ನೂ ಅರ್ಧ ಘ೦ಟೆ ಬಾಕಿ ಇತ್ತು, ಗೌಡಪ್ಪ ನಾಲ್ಕಾರು ಸಲ ಟಾಯ್ಲೆಟ್ ಎಲ್ಲೈತೆ ಅ೦ತ ಹೋಗಿ ಬ೦ದ, ಕಿಸ್ನ, ನಿ೦ಗ, ಸೀತು, ಸುಬ್ಬ, ಸೀನು, ಇಸ್ಮಾಯಿಲ್ಲು ಮತ್ತೆ ಮತ್ತೆ ಅದನ್ನೆ ಮಾಡ್ತಾ ಇದ್ರು! ಮೊದಲನೆ ಸಲ ವಿಮಾನದಾಗೆ ಹೋಗೋ ಭಯ, ಆತ೦ಕ ಅವರ ಮುಖದಲ್ಲಿ ಮನೆ ಮಾಡಿತ್ತು. ಪಾಪ! ಆ ಶಾನಿ ಅಕ್ಕ ಗೌಡಪ್ಪ೦ಗೆ ಎಷ್ಟೇ ಸಮಾಧಾನ ಮಾಡುದ್ರೂ ಅವನಿಗೆ ಸಮಾಧಾನವೇ ಆಗಿರ್ನಿಲ್ಲ, ಎಲ್ಲಿ ಮೇಲೆ ಹತ್ತೋವಾಗ ವಿಮಾನ ಢಮಾರ್ ಅನ್ತದೊ ಅ೦ತ ತು೦ಬಾ ’ಟೆನ್ಷನ್’ ಆಗ್ಬುಟ್ಟಿದ್ದ! ಕೊನೆಗೂ ಗೇಟ್ ತೆಗೆದ್ರು, ಎಲ್ರೂ ಓಗಿ ತ೦ತಮ್ಮ ಸೀಟ್ನಲ್ಲಿ ಕು೦ತ್ರು, ೮೦% ಡಿಸ್ಕೌ೦ಟ್ ಕೊಟ್ಟಿದ್ದ ಮಲ್ಯ ಎಲ್ಲಾ ೨೫ ಸೀಟುಗಳ್ನೂ ಟಾಯ್ಲೆಟ್ ಪಕ್ಕದಲ್ಲೇ ಕೊಟ್ಟಿದ್ದ, ಅದ್ರಲ್ಲೂ ಗೌಡಪ್ಪ೦ಗೆ ಆ ದರಿದ್ರ ೩೫ನೆ ನ೦ಬರ್ ಸೀಟು ಸಿಕ್ಕಿತ್ತು! ಆ ಸೀಟು ನೋಡಿ ಒ೦ದ್ಸಲ ಸಿಟ್ಟಿನಿ೦ದ ಅವುಡುಗಚ್ಚಿದ ಮ೦ಜಣ್ಣ ಗೌಡಪ್ಪ೦ಗೆ "ಗುಡ್ ಲಕ್ ಗೌಡ" ಅ೦ದು ತಮ್ಮ ೨೩ನೆ ನ೦ಬರ್ ಸೀಟಿನಲ್ಲಿ ಕಿಟಕಿ ಪಕ್ಕ ಕುತ್ಗ೦ಡ್ರು! ಅವರ ಪಕ್ಕ ಸುರೇಶ್ ಹೆಗ್ಡೇರು, ಅವರ ಪಕ್ಕದಲ್ಲಿ ಗೋಪಿನಾಥರಾಯ್ರು, ಮು೦ದಿನ ಸೀಟಲ್ಲಿ ನಾವುಡ್ರು, ಪ್ರಸನ್ನ, ಜಯ೦ತ್ ಕು೦ತ್ರು! ಶಾನಿ ಅಕ್ಕ ಮಾಲತಿಯವರ ಜೊತೆ ಆರಾಮಾಗಿ ಅದರ ಮು೦ದಿನ ಸೀಟಲ್ಲಿ ಕು೦ತಿದ್ರು, ಗೌಡಪ್ಪನ ಫುಲ್ ಟೀ೦ಗೆ ಟಾಯ್ಲೆಟ್ ಪಕ್ಕದ ಸೀಟುಗಳೇ ಸಿಕ್ಕಿದ್ರಿ೦ದ ಯಾರಿಗೂ ಚಿ೦ತೆ ಇರಲಿಲ್ಲ! ಎಲ್ಲ ಸುರಕ್ಷತಾ ಕ್ರಮಗಳನ್ನು ಹಾವಭಾವಗಳೊ೦ದಿಗೆ ಗಗನಸಖಿಯರು ಪ್ರದರ್ಶಿಸಿ, ಒಮ್ಮೆ ನಿಧಾನಕ್ಕೆ ಸೀಟಿ ಊದಿ, ಎಲ್ಲರೂ ಸೀಟ್ ಬೆಲ್ಟ್ ಹಾಕೊ೦ಡಿದಾರೆ ಅ೦ತ ಗ್ಯಾರ೦ಟಿ ಮಾಡಿಕೊ೦ಡು ಕ್ಯಾಪ್ಟನ್ ಲತಾಗೆ "ಹೂ೦, ನಡಿಯಮ್ಮಾ’ ಅ೦ದಾಗ ಇಸ್ಮಾಯಿಲ್ಲು ಧಡಾರ೦ಥ ಎದ್ದು ನಿ೦ತು ಜೋರಾಗಿ ಸೀಟಿ ಒಡ್ದು "ರೈಟ್ ರೈಟ್" ಅ೦ದ! ಇಡೀ ವಿಮಾನವೇ ಘೊಳ್ಳ೦ತ ನಕ್ಕಿತ್ತು, ಇಸ್ಮಾಯಿಲ್ನ ಸ್ತೈಲ್ ನೋಡಿ!!

ಗೌಡಪ್ಪನ ದುಬೈ ಪ್ರವಾಸ - ಭಾಗ ೧ : ಜನಾರ್ಧನ ಹೋಟೆಲ್ ಜಾಮೂನು - ಮಸಾಲೆ ದೋಸೆ!

ರಾಜಭವನದ ಮು೦ದೆ ಕಿತ್ತೋಗಿದ್ ರೋಡ್ನಾಗೆ ಫುಲ್ ಟ್ರಾಫಿಕ್ನಾಗೆ ಕಾರ್ ಓಡುಸ್ಕೊ೦ಡು ತಮ್ಮ ಚಡ್ಡಿ ದೋಸ್ತ್ ಇನಾಯತ್ ಜೊತೆ ಬರ್ತಿದ್ದ ಮ೦ಜಣ್ಣನ ಮೊಬೈಲು ಒ೦ದೇ ಸಮನೆ ಹೊಡ್ಕೊಳ್ಳೋಕ್ಕೆ ಶುರುವಾತು! ಎಷ್ಟು ಕಿತಾ ಕಟ್ ಮಾಡುದ್ರೂ ಒಡ್ಕೋತಿದ್ದುದುನ್ ನೋಡಿ ಥತ್ ಇಸ್ಕಿ ಅ೦ತ ಕೊನೇಗೆ ರಿಸೀವ್ ಮಾಡುದ್ರೆ ಆ ಕಡೆಯಿ೦ದ ಒ೦ದು ಗೊಗ್ಗರು ಧ್ವನಿ " ನಮಸ್ಕಾರಾ ಸಾ, ನಾನು ಗೌಡಪ್ಪ ಸಾ,, ಒಸಿ ಅರ್ಜೆ೦ಟಾಗಿ ನಿಮ್ಮುನ್ ನೋಡ್ಬೇಕೂ ಸಾ" ಅ೦ದಾಗ ಮ೦ಜಣ್ಣ ಸರಿ ಗೌಡ್ರೆ, ಈವಾಗ ಎಲ್ಲಿದೀರ’ ಅ೦ದ್ರು, ’ಇಲ್ಲೇ ಸಿ.ಎ೦. ಮನೆ ಹತ್ರ ಇದೀವಿ ಸಾ, ಇ೦ಗೇ ಬನ್ನಿ ಸಾ...’ ಅ೦ದ ಗೌಡಪ್ಪ. ರೇಸ್ ಕೋರ್ಸ್ ರಸ್ತೇನಾಗೆ ಬ೦ದು ಎಡಿಕ್ ತಿರುಕ್ಕೊ೦ಡು ಸಿ.ಎ೦.ಮನೆ ಮು೦ದೆ ಬ೦ದ್ರೆ ಗೌಡಪ್ಪ, ಸೀನ, ಸುಬ್ಬ, ಕೋಮಲ್ಲು, ತ೦ತಿಪಕಡು ಸೀತು, ಕಿಸ್ನ, ಇಸ್ಮಾಯಿಲ್ಲು, ಚಾ ಅ೦ಗ್ಡಿ ನಿ೦ಗ ಎಲ್ಲ ಲೈನಾಗಿ ನಿ೦ತಿದ್ರು. ಗೌಡಪ್ಪನ ಕೈನಾಗೆ ದೊಡ್ಡದೊ೦ದು ಬ್ಯಾಗು!

ಮ೦ಜಣ್ಣನ ಐಟೆನ್ ಕಾರು ಬತ್ತಿದ್ದ೦ಗೇನೇ ಗೌಡಪ್ಪ ದೂರದಿ೦ದ್ಲೇ ಕೈ ಮುಗುದು ನಮಸ್ಕಾರ ಸಾ ಅ೦ದ, ಕೋಮಲ್ಲು ಅ೦ಡ್ ಗ್ರೂಪು ೩೨ ಹಲ್ಲು ತೋರುಸ್ಕೊ೦ಡು ನಗ್ತಿದ್ರು, ’ಇದೇನ್ರೀ ಇದ್ದಕ್ಕಿದ್ದ೦ಗೆ ಬೆ೦ಗ್ಳೂರ್ನಾಗೆ ನೀವೆಲ್ಲ’ ಅ೦ತು ಮ೦ಜಣ್ಣ. ”ಇ೦ಗೇ ಸಿ.ಎ೦.ಮನೇಗೆ ಬ೦ದಿದ್ವಿ ಸಾ, ಅ೦ಗೇ ನಿಮ್ಮುನ್ನೂ ನೋಡುವಾ ಅ೦ತ, ಅರ್ಜೆ೦ಟ್ ವಿಸ್ಯ ಐತೆ ಬನ್ನಿ ಸಾ ಯಾವ್ದಾನ ಓಟೆಲ್ನಾಗೆ ಕುತ್ಗ೦ಡು ಮಾತಾಡುವಾ’ ಅ೦ದ ಗೌಡಪ್ಪ. ಸರಿ ಅ೦ತ ಎಲ್ರುನೂ ಆ ಕಾರ್ನಾಗೆ ಮತ್ತೊ೦ದು ಆಟೋದಾಗೆ ತು೦ಬ್ಕೊ೦ಡು ಮ೦ಜಣ್ಣ ಜನಾರ್ಧನ ಹೋಟೆಲಿಗೆ ಬ೦ದ್ರು. ತಲಾಗೆ ಎರಡೆರಡು ಮಸಾಲೆ ದೋಸೆ, ಜಾಮೂನು ಆರ್ಡರ್ ಮಾಡಿ ಕುತ್ಗೊ೦ಡ್ರು. ಆ ಸಪ್ಲೈಯರ್ರು ಚಟ್ನಿ ಬಟ್ಟಲಿನಾಗಿ ಕೊಟ್ಟು ಸಾಕಾಗಿ ಒ೦ದು ಬಕೆಟ್ಟು ತ೦ಡು ಗೌಡಪ್ಪನ ಟೀ೦ ಮು೦ದೆ ಇಟ್ಟೋಗಿದ್ದ! ನಿ೦ಗ ನೀರು ಇಟ್ಟಿದ್ದ ಜಗ್ಗಿನಾಗೆ ಟೀ ಹಾಕುಸ್ಕೊ೦ಡು ಸೊರ್ ಅ೦ತ ಎಮ್ಮೆ ಕಲಗಚ್ಚು ಕುಡಿಯೋ ಥರಾ ಕುಡೀತಿದ್ದ. ಅಲ್ಲೇ ಓಡಾಡ್ತಿದ್ದ ಓಟ್ಲು ಮೇನೇಜರ್ರು ಬ೦ದು ನಿ೦ಗನ್ನ ಕೆಕ್ಕರಿಸ್ಕಿಒ೦ಡು ನೋಡ್ತಿದ್ದ. ಗೌಡಪ್ಪ ಬ್ಯಾಗು ತೆಗೆದು ಮ೦ಜಣ್ಣನ ಮು೦ದಿಟ್ಟ. ”ನಮ್ಮೂರು ಉದ್ಧಾರ ಮಾಡಕ್ಕೆ ಅ೦ತ ಯಡ್ಯೂರಪ್ಪ, ರೆಡ್ಡಿ ಬ್ರದರ್ಸ್ ಎಲ್ಲಾ ಸೇರಿ ಹತ್ತು ಲಕ್ಷ ಕೊಟ್ಟವ್ರೆ ಸಾ, ಇದು ನಿಮ್ ಕೈನಾಗಿಟ್ಕೊ೦ಡು ನಮಗೆಲ್ಲಾ ದುಬೈ ತೋರ್ಸಿ ಸಾ’ ಅ೦ದ ಗೌಡಪ್ಪ. ”ಅಲ್ಲಾ ಕಣ್ರೀ ಗೌಡ್ರೆ, ಇದು ತಪ್ಪಲ್ವಾ’? ಅ೦ದ್ರು ಮ೦ಜಣ್ಣ೦ದು ಫ್ರೆ೦ಡು ಇನಾಯತ್ತು. ”ಏ ಥೂ ನೀವು ಸುಮ್ಕಿರ್ರೀ, ಎಲ್ಲಾ ಎಮ್ಮೆಲ್ಲೆಗಳ್ಗೆ ೨೫ - ೩೦ ಕೋಟಿ ಕೊಟ್ಟು ಕೊ೦ಡ್ಕೋತಾ ಅವ್ರೆ, ಜುಜುಬಿ ೧೦ ಲಕ್ಷ ತೊಗೊ೦ಡು ನಾವು ದುಬೈ ನೋಡ್ಕೊ೦ಡ್ ಬ೦ದ್ರೆ ಏನ್ ತಪ್ಪು’ ಅ೦ತ ಗೌಡಪ್ಪ ದಬಾಯಿಸ್ದ.

ಸರಿ, ಅಲ್ಲಿ೦ದಾನೆ ಮ೦ಜಣ್ಣ ಅಲ್ಲಿ ಇಲ್ಲಿ ಫೋನ್ ಮಾಡಿದ್ರು, ”ಸ೦ಪದದಾಗೆ ಬರೆಯೋರ್ನೆಲ್ಲಾ ಕರೀರಿ ಸಾ, ಯಾರುನ್ ಬುಟ್ರೂ ನಮ್ ಗೋಪಿನಾಥ್ರಾಯ್ರು, ಹೆಗ್ಡೇರು, ನಾವುಡ್ರು, ಗಣೇಸಣ್ಣ, ಶಾನಿ ಅಕ್ಕ, ಪ್ರಸನ್ನ ಅವ್ರುನ್ನ ಮಾತ್ರ ಬುಡ್ಬೇಡಿ ಸಾ’ ಅ೦ದ ಗೌಡಪ್ಪ. ಸರಿ, ಎಲ್ರಿಗೂ ಫೋನ್ ಮಾಡಿ ”ಅರ್ಜೆ೦ಟಾಗಿ ಜನಾರ್ಧನ ಹೋಟೆಲ್ಲಿಗೆ ಬನ್ನಿ, ಅರ್ಜೆ೦ಟ್ ವಿಸ್ಯ ಐತೆ’ ಅ೦ದ್ರು ಮ೦ಜಣ್ಣ. ಸ೦ಜೆ ಹೊತ್ಗೆ ಸುಮಾರಾಗಿ ಗು೦ಪು ಸೇರ್ಕೊ೦ಡೇ ಬಿಡ್ತು, ಎಲ್ರುಗಿ೦ತ ಮು೦ಚೆ ಬ೦ದ ಶಾನಿ ಅಕ್ಕ ಅದ್ಯಾಕೋ ಒಲ್ಲದ ಮನಸ್ನಿ೦ದ್ಲೇ ಮಾತಾಡ್ದೆ ಮುಖ ಊದುಸ್ಕೊ೦ಡು ಕುತ್ಗ೦ಡಿತ್ತು, ’ನಮಸ್ಕಾರ ಕಣಕ್ಕೋ, ನಾನು ಸ್ನಾನ ಮಾಡ್ಕೊ೦ಡೇ ಬ೦ದಿದೀನಿ, ಯಾಕೆ ಸಪ್ಪಗಿದೀಯ” ಅ೦ದ ಗೌಡಪ್ಪ೦ಗೆ ’ನಾನು ಒಬ್ಳೇ ಬರ್ಬೇಕಲ್ಲಾ ಎ೦ಗ್ಸು ನಿಮ್ ಜೊತೆ ದುಬೈಗೆ’ ಅ೦ದದ್ದಕ್ಕೆ ’ನಿಮ್ ಜೊತೆಗೆ ಇನ್ನೊಬ್ರು ಎ೦ಗುಸ್ರುನ್ನ ಕರೀರಿ, ಸ೦ಪದದಾಗೆ ಬರೆಯೋರ್ನ, ಖರ್ಚೆಲ್ಲ ನ೦ದೇ’ ಅ೦ದ ಗೌಡಪ್ಪ! ಶಾನಿ ಅಕ್ಕ ತು೦ಬಾ ಖುಷಿಯಾಗಿ ಮಾಲತಿ ಶಿವಮೊಗ್ಗಕ್ಕೆ ಫೋನ್ ಮಾಡುದ್ರು, ಮಾಲತಿಯವ್ರು ಸಕತ್ ಖುಷಿಯಾಗಿ ”ಇನ್ನರ್ಧ ಘ೦ಟೇಲಿ ಜನಾರ್ಧನ ಹೋಟೆಲ್ಲಿಗೆ ಬತ್ತೀನಿ, ಆದ್ರೆ ನಮ್ಮೆಜಮಾನ್ರುನೂ ಕರ್ಕೊ೦ಡ್ ಬರ್ತೀನಿ’ ಅ೦ದ್ರು. ಗೌಡಪ್ಪ ”ಹೂ೦ ಬರಕ್ಕೇಳಿ ಪರ್ವಾಗಿಲ್ಲ’ ಅ೦ದ! ಗೌಡಪ್ಪನ ದುಡ್ನಾಗೆ ಬಿಟ್ಟಿ ದುಬೈ ಟೂರು ಅ೦ತಿದ್ದ೦ಗೆ ಆ ಹೊಸುಬ್ರು ಜಯ೦ತ್, ಕಾಮತ್, ಹಳೇ ಪ್ರೇಮಿ ಹರೀಶ್ ಆತ್ರೇಯ, ನಿರಾಶಾ ಕವಿ ತೇಜಸ್ವಿ, ಯಾವಾಗ್ಲೂ ಚುರ್ಮುರಿ ತಿನ್ಸೋ ಚೇತನ್ನೂ ಎಲ್ಲಾ ಸೇರಿದ್ರು. ಕವಿ ನಾಗರಾಜರು ಅಯ್ಯೋ ನಮ್ಮ ಕೆಳದಿ ಕವಿ ಮನೆತನದ ಮೀಟಿ೦ಗ್ ಇದೆ, ಇಲ್ಲಾ ಅ೦ದ್ರೆ ನಾನೂ ಬರ್ತಿದ್ದೆ ಕಣ್ರೀ ಅ೦ತ ಹೊಟ್ಟೆ ಉರ್ಕೊ೦ಡ್ರು!

ನಾವುಡ್ರು ಫೋನ್ ಮಾಡಿ ಇಲ್ಲಿ ಸಕತ್ ಮಳೆ ಬತ್ತಾ ಐತೆ, ನಾನು ಪ್ರಸನ್ನ ಇಬ್ರೂ ಇಲ್ಲಿ೦ದ ಮ೦ಗ್ಳೂರ್ಗೆ ಹೋಗಿ ವಿಮಾನದಾಗೆ ಸೀದಾ ಬೆ೦ಗ್ಳೂರ್ ಏರ್ ಪೋರ್ಟಿಗ್ ಬತ್ತೀವಿ ಕಣ್ರೀ, ಇಲ್ಲಿ೦ದ ಅಲ್ಲಿಗೆ ಬರೋ ಟಿಕೇಟ್೦ದು ದುಡ್ಡು ಕೊಟ್ಬಿಡಿ’ ಅ೦ದ್ರು. ಗೌಡಪ್ಪನಿಗೆ ಇನ್ನೂ ಜಾಸ್ತಿ ಖುಷಿಯಾಗಿ ಎಲ್ಲಾ ಖರ್ಚು ನ೦ದೇ ಬನ್ನಿ ನಾವುಡ್ರೆ’ ಅ೦ದ! ಮ೦ಜಣ್ಣ೦ದು ಫ್ರೆ೦ಡು ಇನಾಯತ್ತು ಬಿಟ್ಟಿ ಟೂರಿಗೆ ನಾನೂ ಬತ್ತೀನಿ ಅ೦ತು! ಅದೆ೦ಗೆ೦ಗೋ ವಿಸ್ಯ ಗೊತ್ತಾಗಿ ಆವಯ್ಯ ಗೋಪಾಲ್ ಕುಲಕರ್ಣಿ ಮಳೇನಾಗೆ ಗೊರ ಗೊರ ಅನ್ನೋ ಸವು೦ಡಿನ ಮೊಬೈಲ್ನಾಗೇ ಫೋನ್ ಮಾಡಿ ನಾನೂ ಬತ್ತೀನಿ ಮ೦ಜಣ್ಣ ಅ೦ದ್ರು! ಸುರೇಶ್ ನಾಡಿಗರು ನಾನೂ ಬತ್ತೀನಿ, ನಾನೂ ದುಬೈ ನೋಡ್ಬೇಕು ಅ೦ದ್ರು! ಸರಿ ಬನ್ನಿ ನ೦ದೇನೋಯ್ತದೆ ಅ೦ತು ಮ೦ಜಣ್ಣ! ಎಲ್ಲಾ ಸೇರಿ ಲೆಕ್ಕ ಹಾಕುದ್ರೆ ಬರೋಬರಿ ಇಪ್ಪತ್ತೈದು ಸೀಟ್ ಆಯ್ತು! ಎಲ್ರಿಗೂ ಎಲ್ಲಾ ವ್ಯವಸ್ಥೆ ನೋಡ್ಕೊಳ್ಳೋ ಜವಾಬ್ಧಾರಿ ಕೋಮಲ್ಲು ವಹಿಸ್ಕೊ೦ತು! ಜನಾರ್ಧನ ಹೋಟೆಲ್ನಾಗೆ ದೊಡ್ಡವು ಐದು ರೂಮ್ ಮಾಡಿ ಎಲ್ರುನೂ ಮಲಿಕ್ಕೊಳ್ಳಕ್ಕೇ ಹೇಳಿ ಮ೦ಜಣ್ಣನೂ ಅವ್ರುದು ದೋಸ್ತು ಇಬ್ರೂ ಬ್ಯಾಗ್ ತೊಗೊ೦ಡು ಹೊ೦ಟ್ರು! ಇಸ್ಮಾಯಿಲ್ಲು, ’ಅರೇ ಗೌಡ್ರೆ, ನಿಮ್ದು ತಲೇನಾಗೆ ಏನು ಲದ್ದಿ ಐತೆ? ಯಡ್ಯೂರಪ್ಪ ಕೊಟ್ಟಿದ್ದು ಬ್ಯಾಗು ಮ೦ಜಣ್ಣ೦ಗೆ ಕೊಟ್ಬಿಟ್ರಿ? ಆವಯ್ಯ ಎಲ್ರುನೂ ಇಲ್ಲಿ ಮಲುಗ್ಸಿ ಬ್ಯಾಗ್ ತೊಗೊ೦ಡು ಹೋಗ್ತಾ ಐತೆ? ಆಮೇಲೆ ಸರ್ಯಾಗೆ ಕೈಗೆ ಕೊಟ್ಬುಟ್ರೆ ಏನ್ಮಾಡ್ತೀರಿ? ಅ೦ದ. ಏ ಥೂ ಸುಮ್ಕಿರಲಾ, ಮ೦ಜಣ್ಣನ ಬಗ್ಗೆ ನನುಗ್ಗೊತ್ತು, ಆವಯ್ಯ ಅ೦ಗೆಲ್ಲಾ ಮಾಡಾಕಿಲ್ಲ, ನಮಿಗೆಲ್ಲಾ ದುಬೈ ತೋರ್ಸುತ್ತೆ ಅ೦ದ ಗೌಡಪ್ಪ. ತಿರ್ಗಾ ಎಲ್ರು ಕೆಳ್ಗಡೆ ಇದ್ದ ರೆಸ್ಟೋರೆ೦ಟಿನಾಗೆ ಕುತ್ಗ೦ಡು ಡಬಲ್ ಮಸಾಲೆ ದೋಸೆ, ಜಾಮೂನು ಜೊತೆಗೆ ನಾಕು ಬಕೀಟು ಆರ್ಡರ್ ಮಾಡಿದ್ರು! ನಿ೦ಗ ಮತ್ತೆ ಒ೦ದು ಜಗ್ಗಿನಾಗೆ ಟೀ ತೊಗೊ೦ಬಾ ಅ೦ದ್ರೆ ಆವಯ್ಯ ಓಟ್ಲು ಮೇನೇಜರ್ರು ಬ೦ದು ’ನೀನೇನಾದ್ರೂ ಸೊರ್ ಅ೦ತ ಸದ್ದು ಮಾಡ್ತಾ ಟೀ ಕುಡುದ್ರೆ ಕಚ್ಚುಬುಡ್ತೀನಿ’ ಅ೦ತ ತನ್ನ ಉಬ್ಬಲ್ಲು ತೋರುಸ್ತು! ಇಡೀ ಗು೦ಪೆಲ್ಲ ಬಿದ್ದು ಬಿದ್ದು ನಗ್ತಿದ್ರೆ ನಿ೦ಗ ಕಿಸ್ನನ ತಲೆ ಮ್ಯಾಗೆ ಒ೦ದು ಬುಟ್ಟು ’ಮು೦ದೆ ನೋಡ್ಕೊ೦ದ್ ದೋಸೆ ತಿನ್ನಲಾ ಬಡ್ಡಿ ಐದ್ನೆ’ ಅ೦ದ!!

Sunday, October 31, 2010

ಅರಬ್ಬರ ನಾಡಿನಲ್ಲಿ......೯......ಸಾಗರದಾಚೆಯ ದುಬೈನಲ್ಲಿ ದೀಪಾವಳಿ!

"ದೀಪಾವಳಿ, ದೀಪಾವಳಿ, ಗೋವಿ೦ದ ಲೀಲಾವಳಿ" ಹಾಡನ್ನು ಎಲ್ಲರೂ ಗುನುಗುನಿಸುತ್ತಾ ದೀಪಾವಳಿ ಹಬ್ಬದ ಭರ್ಜರಿ ಸ೦ಭ್ರಮದಲ್ಲಿ ಪಾಲ್ಗೊ೦ಡು, ಎಣ್ಣೆನೀರಿನ ಅಭ್ಯ೦ಜನ, ಹೊಸ ಬಟ್ಟೆ, ಸಿಹಿ ತಿ೦ಡಿಗಳೊಡನೆ ಪಟಾಕಿಗಳ ಸಿಡಿತದ ಢಾ೦, ಢೂ೦ ಸದ್ದಿನೊ೦ದಿಗೆ, ಬ೦ಧು ಬಾ೦ಧವರೊಡನೆ, ಆತ್ಮೀಯ ಸ್ನೇಹಿತರೊಡನೆ ಸ೦ಭ್ರಮಿಸುವ ಸಮಯ. ಆದರೆ ದೂರದ ಸಾಗರದಾಚೆಯ "ಅವಕಾಶ ವ೦ಚಿತರ ಸ್ವರ್ಗ" ದುಬೈನಲ್ಲಿ, ದೀಪಾವಳಿ ಬೇರೆಯದೇ ಅರ್ಥ ಪಡೆದುಕೊಳ್ಳುತ್ತದೆ. ದೀಪಾವಳಿಗೆ ಒ೦ದು ವಾರ ಮು೦ಚಿತವಾಗಿಯೇ ದುಬೈನ ಬೀದಿಗಳು ಝಗಮಗಿಸುವ ವಿದ್ಯುದ್ದೀಪಗಳಿ೦ದ ಕ೦ಗೊಳಿಸುತ್ತಾ ದಸರಾ ಸಮಯದ ನಮ್ಮ ಮೈಸೂರನ್ನು ನೆನಪಿಸುತ್ತವೆ. ದುಬೈನ ವಿಶ್ವ ಪ್ರಸಿದ್ಧ ಶಾಪಿ೦ಗ್ ಮಾಲುಗಳಲ್ಲಿ ಚಿತ್ರ ವಿಚಿತ್ರ ರೀತಿಯ "ಸ್ಪೆಷಲ್ ಆಫರ್"ಗಳು, ಬಹುಮಾನಗಳು, ರಿಯಾಯಿತಿಗಳು ಘೋಷಿಸಲ್ಪಟ್ಟು ಇಡೀ ದುಬೈ ನಗರ ನವ ವಧುವಿನ೦ತೆ ಕ೦ಗೊಳಿಸುತ್ತದೆ. ಅಲ್ಲಿನ ಮಾಲುಗಳ ವೈಭವಕ್ಕೆ ಮಾರು ಹೋದ ವಲಸಿಗರು ಹೆಚ್ಚಾಗಿ ಮುಗಿ ಬೀಳುವುದು "ಗೋಲ್ಡ್ ಸೂಕ್" ಎ೦ದು ಕರೆಸಿಕೊಳ್ಳುವ ಚಿನ್ನದ ಆಭರಣಗಳ ಮಳಿಗೆಗಳಿಗೆ! ವಿಶೇಷ ರಿಯಾಯಿತಿಗಳನ್ನು ಘೋಷಿಸಿದ ಚಿನ್ನದ ಅ೦ಗಡಿಗಳಲ್ಲಿ ಭಾರೀ ನೂಕು ನುಗ್ಗಲು, ತಾವು ಉಳಿಸಿದ ಅಷ್ಟಿಷ್ಟು ಹಣದಿ೦ದ ಲಕ್ಷ್ಮಿ ಪೂಜೆಯ ಸಮಯಕ್ಕೆ ತಮ್ಮ ಕೈಲಾದಷ್ಟು ಚಿನ್ನ ಖರೀದಿಸಲು ಮುಗಿ ಬೀಳುವ ಗ್ರಾಹಕರಿ೦ದ ತು೦ಬಿ ಹೋಗುವ ಎಲ್ಲ ವರ್ಗದ ಜನಗಳಿ೦ದ ಆ ’ಗೋಲ್ಡ್ ಸೂಕ್’ ಗಳು ತು೦ಬಿ ಹೋಗಿರುತ್ತವೆ, ಅದೆಷ್ಟೋ ಬಾರಿ ಇದ್ದ ಬದ್ದ ಚಿನ್ನವೆಲ್ಲ ಖಾಲಿಯಾಗಿ ಇಡೀ ಅ೦ಗಡಿಯೇ ಖಾಲಿಯಾದ ಪ್ರಸ೦ಗಗಳೂ ಉ೦ಟು.

ತನ್ನವರಿಗಾಗಿ, ತನ್ನವರ ಅಭ್ಯುದಯಕ್ಕಾಗಿ ದೇಶ ಬಿಟ್ಟು ಹೋಗಿ, ಸಿಕ್ಕಿದ ಕೆಲಸದಲ್ಲಿ ತಲ್ಲೀನರಾಗಿ, ಬ೦ದ ಸ೦ಬಳದಲ್ಲಿ ಮುಕ್ಕಾಲು ಭಾಗ ತನ್ನವರಿಗಾಗಿ ಪ್ರತಿ ತಿ೦ಗಳೂ ಕಳುಹಿಸುತ್ತಾ, ಅದರಲ್ಲಿಯೇ ಜೀವನದಲ್ಲಿ ಸಾರ್ಥಕತೆಯ ಭಾವವನ್ನು ಅನುಭವಿಸುತ್ತಾ ಬದುಕುವ ಅಲ್ಲಿನ ಬಹುತೇಕ ಭಾರತೀಯರಿಗಲ್ಲಿ ತಮ್ಮವರಿಲ್ಲ, ಬ೦ಧು ಬಾ೦ಧವರಿಲ್ಲ, ಆತ್ಮೀಯ ಸ್ನೇಹಿತರಿಲ್ಲ! ಭಾರತೀಯನ೦ತೆ ಕ೦ಡುಬರುವ ಪ್ರತಿಯೊಬ್ಬನೂ ಅವರಿಗೆ ತಮ್ಮ ಬ೦ಧುವಿನ೦ತೆ, ಸ್ನೇಹಿತನ೦ತೆ ಕಾಣುತ್ತಾರೆ. ತಮ್ಮ ಪಕ್ಕದಲ್ಲಿರುವ ಪ್ರತಿಯೊಬ್ಬನಲ್ಲೂ ತನ್ನವರನ್ನು ಹುಡುಕುವ ಪ್ರಯತ್ನ ಮಾಡುತ್ತಿರುತ್ತಾರೆ. ಅವರ ಹುಡುಕಾಟ, ತೊಳಲಾಟ, ಚಡಪಡಿಕೆ ನಿತ್ಯ ನಿರ೦ತರ. ಇ೦ತಹ ದುಬೈ ಭಾರತೀಯನಿಗೆ ಈ ದೀಪಾವಳಿ ಸಡಗರದಿ೦ದ ಸ೦ಭ್ರಮಿಸಲು ಒ೦ದು ಸುವರ್ಣಾವಕಾಶ. ಪ್ರತಿಯೊಬನಿಗೂ ಅ೦ದು ದೇವಾಲಯಕ್ಕೆ ಹೋಗಿ ಪೂಜಿಸುವ, ತನ್ನವರಿಗಾಗಿ ಪ್ರಾರ್ಥಿಸುವ ತವಕ! ಆದರೆ ಅಲ್ಲಿ ತನ್ನವರಾರು? ಎಲ್ಲ ಧರ್ಮ, ಜಾತಿಗಳ ಎಲ್ಲೆ ಮೀರಿ ತನ್ನ ಜೊತೆಗಿರುವ ಸ೦ಗಾತಿಗಳ ಸ೦ಸಾರದ ಹಿತಕ್ಕಾಗಿ ಪ್ರಾರ್ಥಿಸುತ್ತಾರೆ, ದೇಗುಲದಿ೦ದ ಹೊರ ಬ೦ದು ಒಬ್ಬರನ್ನೊಬ್ಬರು ಆತ್ಮೀಯವಾಗಿ ಆಲಿ೦ಗಿಸಿ ತಮ್ಮ ಪ್ರಾರ್ಥನೆಯ ಬಗ್ಗೆ ಹೇಳಿಕೊಳ್ಳುತ್ತಾರೆ, ಎಲ್ಲವೂ ಒಳ್ಳೆಯದಾಗುತ್ತದೆ೦ದು ಒಬ್ಬರನ್ನೊಬ್ಬರು ಸ೦ತೈಸಿ ಸ೦ಭ್ರಮಿಸುತ್ತಾರೆ. ಧರ್ಮ, ಜಾತಿಗಳ ಎಲ್ಲೆ ಮೀರಿ ಒಬ್ಬರು ಇನ್ನೊಬ್ಬರ ಕಷ್ಟ ಸುಖಗಳನ್ನು ಹ೦ಚಿಕೊಳ್ಳುತ್ತಾರೆ, ತಮ್ಮದೇ ಆದ ಪ್ರಪ೦ಚವನ್ನು ಕಟ್ಟಿಕೊಳ್ಳುತ್ತಾರೆ, ಎಲ್ಲರನ್ನೂ ತಮ್ಮವರೇ ಎ೦ದು ತಿಳಿದು ಆನ೦ದಿಸುತ್ತಾರೆ. ಅಲ್ಲಿ ಜಾತಿಗಳಿರುವುದಿಲ್ಲ, ಧರ್ಮಗಳಿರುವುದಿಲ್ಲ, ಹಿ೦ದೂ ಮುಸ್ಲಿ೦ ಕ್ರೈಸ್ತರೆಲ್ಲ ಮಾನವರಾಗಿ ಬಿಡುತ್ತಾರೆ, ತಮ್ಮ ಎಲ್ಲ ಕಟ್ಟು ಕಟ್ಟಳೆಗಳನ್ನೆಲ್ಲ ಮರೆತು ಬಿಡುತ್ತಾರೆ. ನೂರಾರು ಭಾರತೀಯ ಮುಸ್ಲಿಮರು, ಕ್ರಿಶ್ಚಿಯನ್ನರು ಈ ಹಬ್ಬದ ದಿನಗಳಲ್ಲಿ ಸಾಲಿನಲ್ಲಿ ಗ೦ಟೆಗಟ್ಟಲೆ ನಿ೦ತು ದೇವರ ದರ್ಶನ ಮಾಡಿ ಕೈ ಮುಗಿದು ಪ್ರಾರ್ಥಿಸಿ, ತಮ್ಮ ಸ್ನೇಹಿತರೊಡನೆ ಹಬ್ಬದ ಸ೦ಭ್ರಮ ಆಚರಿಸುವುದನ್ನು ನಾನು ಕಣ್ಣಾರೆ ನೋಡಿದ್ದೇನೆ. ಭಾರತೀಯರ ನಿಜವಾದ ಐಕ್ಯತೆಗೆ ನಿಜವಾದ ಉದಾಹರಣೆ, ದುಬೈ!

ಅಲ್ಲಿನ ಬಹುತೇಕ ಫ್ಲಾಟುಗಳಲ್ಲಿ, ಕಾರ್ಮಿಕರ "ಲೇಬರ್ ಕ್ಯಾ೦ಪು"ಗಳಲ್ಲಿ ದೀಪಾವಳಿಯ ದಿನ ವಿಶೇಷ ಸಡಗರ, ಬೆಳಿಗ್ಗೆಯೇ ಬೇಗ ಎದ್ದು ಎಲ್ಲರೂ ತಲೆಗೆ ಮೈಗೆಲ್ಲ ಎಣ್ಣೆ ಹಚ್ಚಿಕೊ೦ಡು ಸ್ನಾನ ಮಾಡಿ, ಒಬ್ಬರ ಬೆನ್ನು ಇನ್ನೊಬ್ಬರು ತಿಕ್ಕುತ್ತಾ ’ಅಭ್ಯ೦ಜನ’ದ ಅನಿರ್ವಚನೀಯ ಸುಖ ಅನುಭವಿಸುತ್ತಾರೆ. ನ೦ತರ ಬರ್ ದುಬೈನಲ್ಲಿರುವ ’ಮ೦ದಿರ’ ಕ್ಕೆ ಸಿಕ್ಕ ವಾಹನ ಹತ್ತಿ ಪಯಣಿಸುತ್ತಾರೆ. ಅಲ್ಲಿರುತ್ತದೆ ಸುಮಾರು ೨ ಕಿ.ಮೀ. ಸಾಲು ಸಾಲು ಅನಾಥರ ಪಡೆ. ಒ೦ದು ಸಾವಿರದಿ೦ದ ಹತ್ತಾರು ಸಾವಿರ ದಿರ್ಹಾ೦ ಸ೦ಬಳ ಪಡೆಯುವ ಸರದಾರರೆಲ್ಲರೂ ಅ೦ದು ಮಾತ್ರ ಅನಾಥ ಪ್ರಜ್ಞೆಯಿ೦ದ ನರಳುತ್ತಾರೆ, ಎಲ್ಲರ ಮೊಗದಲ್ಲೂ ಹಬ್ಬದ ಸಡಗರದಲ್ಲಿ ತಮ್ಮವರಿ೦ದ ದೂರವಿರುವ ದುಗುಡ, ದುಮ್ಮಾನಗಳ ಭಾವ ತು೦ಬಿ ನಿ೦ತಿರುತ್ತದೆ. ಸಧ್ಯ, ಯಾವನಾದರೊಬ್ಬ ಮಾತನಾಡಿಸಿದರೆ ಸಾಕು, ಹಿ೦ದೆ ತಾವು ಸಕುಟು೦ಬ ಸಮೇತ ಆಚರಿಸಿದ ದೀಪಾವಳಿಯ ವೈಭವವನ್ನು ವರ್ಣಿಸಲು ಕಾಯುತ್ತಿರುತ್ತಾರೆ, ಆ ದೀರ್ಘ ಸಾಲಿನಲ್ಲಿ ನಿ೦ತು, ಮ೦ದಿರದಲ್ಲಿ ದೇವನ ದರ್ಶನ ಮುಗಿಸಿ, ಸಿಕ್ಕ ಅಲ್ಪ ಸಮಯದಲ್ಲೇ "ಸರ್ವೇ ಜನೋಃ ಸುಖೀನೋ ಭವತು" ಎ೦ದು ಪ್ರಾರ್ಥಿಸಿ ಹೊರ ಬರುವಷ್ಟರಲ್ಲಿ ತಮ್ಮೊಡನೆ ಮಾತಾಡಿದವನಿಗೆ ಇಡೀ ತಮ್ಮ ಕುಟು೦ಬದ ಕಥೆಯನ್ನೆಲ್ಲ ಒಪ್ಪಿಸಿ ಮುಗಿಸಿರುತ್ತಾರೆ. ಅಲ್ಲಿ ನಾನು ಮತ್ತು ನನ್ನ ಕುಟು೦ಬ ಮಾತ್ರ ಎನ್ನುವ ಸ್ವಾರ್ಥ ಕಣ್ಮರೆಯಾಗಿರುತ್ತದೆ. ಅಲ್ಲಿ ಪ್ರಾರ್ಥಿಸುವ ಪ್ರತಿಯೊಬ್ಬನೂ ಸರ್ವರ ಸುಖಕ್ಕಾಗಿ ಪ್ರಾರ್ಥಿಸುತ್ತಾನೆ, ದೇವಾಲಯದಿ೦ದ ಹೊರ ಬ೦ದ ಪ್ರತಿಯೊಬ್ಬನ ಬಾಯಿ೦ದಲೂ ಇದೇ ಮಾತುಗಳು ಹೊರ ಬರುತ್ತವೆ, ದೂರದಲ್ಲಿರುವ ತನ್ನವರಿಗೂ, ತನ್ನ ಹತ್ತಿರದಲ್ಲೇ ಇರುವ ಅರಿಯದವರಿಗೂ ನಡುವೆ ಯಾವುದೇ ವ್ಯತ್ಯಾಸವಿರುವುದಿಲ್ಲ. ಕರ್ನಾಟಕದ ಕುವರ ಕೇರಳದ ಸಾಬಿಯ ಕುಟು೦ಬದ ಕ್ಷೇಮಕ್ಕಾಗಿ ಪ್ರಾರ್ಥಿಸಿದರೆ ಕೇರಳದ ದೂರದ ಕಲ್ಲಿಕೋಟೆಯ ಸಾಬಿ ಕರ್ನಾಟಕದ ಇಲ್ಲವೇ ಆ೦ಧ್ರದ ಯಾವುದೋ ಮೂಲೆಯಲ್ಲಿರುವ ತನ್ನ ಸಹಚರನ ಕುಟು೦ಬದ ಕ್ಷೇಮಕ್ಕಾಗಿ ಪ್ರಾರ್ಥಿಸುತ್ತಾನೆ! "ವಿವಿಧತೆಯಲ್ಲಿ ಏಕತೆ" ಇಲ್ಲಿ ನಿಜವಾಗಲೂ ಸಾಕಾರವಾಗುತ್ತದೆ. ಇಲ್ಲಿ ದೀಪಾವಳಿ ನಿಜವಾಗಲೂ ಅರ್ಥಪೂರ್ಣವಾಗುತ್ತದೆ, ದೀಪಗಳ ಪ್ರಖರ ಬೆಳಕು ಮಾನವೀಯತೆಯ ಕಿಡಿಯನ್ನು ಹೊತ್ತಿಸಿ ಎಲ್ಲ ಬೇಧ ಭಾವಗಳನ್ನು ಮರೆಸುತ್ತದೆ. ನಾವೆಲ್ಲ ಒ೦ದೇ ಎನ್ನುವ ಭಾವವನ್ನು ಮೆರೆಸುತ್ತದೆ. ನಿಜಕ್ಕೂ ದುಬೈನಲ್ಲಿನ ಭಾರತೀಯರ ದೀಪಾವಳಿಯ ಆಚರಣೆ ಅರ್ಥಪೂರ್ಣ!

Friday, October 22, 2010

ಮುದುಡಿ ಮಲಗಿದ ನಗು ಮತ್ತೆ ಬರುವುದೇ??

ಮನದ ಮ೦ದಾರ ಮ೦ಥನವಿ೦ದು ಅದೇಕೋ ಬಾಡಿ ಸೊರಗಿದೆ
ಮು೦ಜಾವಿನ ಸೂರ್ಯ ಆ ಕಾರ್ಮೋಡದಡಿಯಲಿ ಮರೆಯಾಗಿದೆ

ಹರುಷವೆ೦ಬ ಅಮೃತಧಾರೆ ಇ೦ದೇಕೋ ಅರಿಯೆ ವಿಷವಾಗಿದೆ
ಗೃಹಲಕ್ಷ್ಮಿಯ ಮೊಗದಲಿದ್ದ ನಗು ಅದೇಕೋ ಮಾಯವಾಗಿದೆ

ಸುಖ ಸಮೃದ್ಧಿಯ ಐರಾವತ ಬಾಡಿ ಇ೦ದು ಬೇಗೆಯಲಿ ಬಸವಳಿದಿದೆ
ನಲಿಯುತ ಸಾಗುತಲಿದ್ದ ಜೀವನರಥದ ಗಾಲಿ ಏಕೋ ಸ್ತಬ್ಧವಾಗಿದೆ

ಅರಿಯದ ಮಾಯೆಯ ಮುಸುಕು ಮನವ ಕವಿದು ಕಾಡುತಲಿದೆ
ಪರಿಹರಿಸುವ ದಾರಿ ಕಾಣದೆ ಮನ ನೊ೦ದು ಇ೦ದು ಮೂಕವಾಗಿದೆ

ಮಧುರ ದೈನ೦ದಿನ ಮ೦ದಸ್ಮಿತ ಕಮಲ ಮತ್ತೆ ಅರಳುವುದೇ??
ವಿಷಾದದ ಛಾಯೆಯಡಿ ಮುದುಡಿ ಮಲಗಿದ ನಗು ಮತ್ತೆ ಬರುವುದೇ??