ಲಹರಿ ಬಂದಂತೆ,,,,,,,,,,,,,,೧೬.

ಹದವಾಗಿ ಹುರಿದ ಮಾಂಸದಲಿ ತುಸು ಖಾರ ಹೆಚ್ಚಾಗಿರಲು
ಜಿಹ್ವೆಯೊಳಿಹ ರಸಗ್ರಂಥಿಗಳೆಲ್ಲ ಹಾ ಹಾ ಹಾ ಎನುತಿರಲು

ತಣ್ಣನೆಯ ಸೋಡಾದೊಡನೆ ಗಾಜಿನ ಸುಂದರ ಲೋಟದೊಳು
ಇಳಿದ ಮಧುರ ಮದಿರೆಯೊಳು ನಿಶೆ ತಾನೇ ತಾನಾಗಿ ಏರಿರಲು

ವಿಶ್ವದೊಳಗಿನ ಜಂಜಡವೆಲ್ಲ ಮುಖಪುಟದಲ್ಲೇ ರಾರಾಜಿಸಿರಲು
ಕಣ್ಣ ಮುಂದೆ ನಂಬಿಕೆ ದ್ರೋಹಿಗಳ ಮುಖಗಳೇ ಸುಳಿಯುತಿರಲು

ಕಹಿರಾತ್ರಿಯಲಿ ಅದು ಬೇಡ ಇದು ಬೇಡ ಬೇರೇನೂ ಬೇಡವೆನಿಸಿರಲು
ತಣ್ಣಗೆ ಬಾಯಿಂದಿಳಿದ ಮದಿರೆಯದು ಮಧುರಾಮೃತವೇ ಆಗಿರಲು

ಅದಾವ ಅಕ್ಕರೆಯೂ ಅತಿ ಸಿಹಿಯಾದ ಸಕ್ಕರೆಯೂ ಬೇಡವೆನಿಸಿರಲು
ಬರಿಯ ಯಾಂತ್ರಿಕ ಜೀವನದಲಿ ಉಳಿದದ್ದು ನಿರಾಸೆಯ ಕಾರ್ಮುಗಿಲು!