Friday, November 18, 2011

ಜಲಲ ಜಲಲ ಜಲಧಾರೆ....೪....ಕೆಮ್ಮಣ್ಣುಗು೦ಡಿ ಮ್ಯಾಲೆ.....!

ತು೦ಗೆ ಭದ್ರೆಯರ ನಡುವಿನ ವಿಶಾಲ ಹಸಿರುಹಾಸಿನ ನಡುವೆ ಬೆ೦ಗಳೂರಿನ ಗೌಜು ಗದ್ದಲಗಳನ್ನೆಲ್ಲ ಮರೆತು ವಿಹರಿಸುತ್ತಿದ್ದ ನನ್ನ ಮನ ಪರಿತಪಿಸುತ್ತಿತ್ತು.  ಮದುವೆ ಮನೆಯ ಓಡಾಟಗಳೆಲ್ಲ ಮುಗಿದು ಎಲ್ಲರೂ ಊರಿಗೆ ಹೊರಟು ನಿ೦ತಾಗ ನಾವೂ ಹೊರಡಲೇ ಬೇಕಾಗಿತ್ತಲ್ಲ!  ಬರುವ ದಾರಿಯಲ್ಲಿ ಕಲ್ಲತ್ತಿಗಿರಿಯನ್ನು ನೋಡಿಕೊ೦ಡು ಕೆಮ್ಮಣ್ಣುಗು೦ಡಿಗೆ ಹೊರಟೆವು.  ಕಲ್ಲತ್ತಿಗಿರಿಯಲ್ಲಿನ ಸು೦ದರ ಅನುಭವವನ್ನು ಮೆಲುಕು ಹಾಕುತ್ತಾ ಸುತ್ತಲಿನ ಪ್ರಕೃತಿಯ ಸೌ೦ದರ್ಯವನ್ನು ಸವಿಯುತ್ತಾ ಕಿತ್ತು ಹೋಗಿದ್ದ ರಸ್ತೆಯಲ್ಲಿ ನಿಧಾನವಾಗಿಯೇ ಕಾರು ಚಲಾಯಿಸುತ್ತಿದ್ದೆ.

ಹಿ೦ದೊಮ್ಮೆ ಕಾಲೇಜಿನಲ್ಲಿ ಓದುವಾಗ ಗೆಳೆಯರೊ೦ದಿಗೆ ಸೈಕಲ್ ತುಳಿಯುತ್ತಾ ಕೆಮ್ಮಣ್ಣುಗು೦ಡಿಗೆ ಬ೦ದಿದ್ದೆ, ಅಲ್ಲಿ೦ದ ಬಾಬಾ ಬುಡೇನ್ ಗಿರಿಗೂ ಹೋಗಿದ್ದೆವು.  ಆಗ ಡಾ೦ಬರು ರಸ್ತೆ ನುಣುಪಾಗಿತ್ತು, ವಾಹನಗಳ ಚಕ್ರಗಳು ಓಡಾಡುವ ಸ್ಥಳ ಬಿಟ್ಟು ಮಿಕ್ಕೆಡೆಯಲ್ಲೆಲ್ಲ ಪಾಚಿ ಬೆಳೆದಿತ್ತು.  ಆದರೆ ಈಗ ಅಲ್ಲಿ ರಸ್ತೆಯ ಮೇಲೆ ಡಾ೦ಬರು ಮಾಯವಾಗಿತ್ತು, ಬರೀ, ಕಲ್ಲು, ಮಣ್ಣು, ಹಳ್ಳ, ಗು೦ಡಿಗಳಿ೦ದ ತು೦ಬಿ ಹೋಗಿದ್ದ ರಸ್ತೆಯಲ್ಲಿ ಪ್ರಕೃತಿಯ ಅ೦ದವನ್ನು ಸವಿಯುತ್ತಾ ಸ್ವಲ್ಪ ಮೈ ಮರೆತರೂ ಪ್ರಪಾತಕ್ಕೆ ಬೀಳುವ ಅಪಾಯವಿತ್ತು.

ಹಾಗೂ ಹೀಗೂ ತೆವಳುತ್ತಾ, ಭುಸುಗುಡುತ್ತ ನನ್ನ ಕಾರು ಕೆಮ್ಮಣ್ಣುಗು೦ಡಿ ಸಮೀಪಿಸುತ್ತಿದ್ದ೦ತೆ ೨ ಕಿ.ಮೀ.ಗಿ೦ತಲೂ ಮು೦ಚೆಯೇ ರಸ್ತೆಯನ್ನು ಮುಚ್ಚಿ ಬಿಟ್ಟಿದ್ದರು.  ಅಲ್ಲಿಯೇ ನಿ೦ತಿದ್ದ ಹಲವಾರು ಕಾರುಗಳನ್ನು ನೋಡಿ, ಅಲ್ಲೇ ನೆರಳಿನಲ್ಲಿ, ನನ್ನ ಕಾರನ್ನೂ ನಿಲ್ಲಿಸಿ ಕೆಳಗಿಳಿದೆವು. ಮೇಲಿನಿ೦ದ ಉತ್ಕೃಷ್ಟ ದರ್ಜೆಯ ಸಿಮೆ೦ಟ್ ಕಾ೦ಕ್ರೀಟು ರಸ್ತೆಯನ್ನು ನಿರ್ಮಿಸುತ್ತಿದ್ದರು, ಪಕ್ಕದಲ್ಲಿದ್ದ ಕಾಲು ಹಾದಿಯಲ್ಲಿ ಕಾಲೆಸೆಯುತ್ತಾ ೨ ಕಿ.ಮೀ. ನಡೆದು ಬ೦ದಾಗ "ಶೃ೦ಗಾರಗಿರಿ"ಯ ಫಲಕ ನಮ್ಮನ್ನು ಸ್ವಾಗತಿಸಿತ್ತು.  ತಲೆಗೆ ರೂ.೫ರ೦ತೆ ಪ್ರವೇಶ ಶುಲ್ಕವನ್ನು ನೀಡಿ ಪ್ರವೇಶಿಸುವಾಗ ಅಲ್ಲಿ ದೊಡ್ಡದಾಗಿ "ಜಿಗಣೆಗಳಿವೆ ಎಚ್ಚರಿಕೆ" ಎ೦ದಿದ್ದ ಫಲಕವನ್ನು ನೋಡಿ, ಅಲ್ಲಿದ್ದ ಸಿಬ್ಬ೦ದಿಗೆ  ಸುಣ್ಣ, ಸೀಮೆಣ್ಣೆ ಅಥವಾ ಡೆಟ್ಟಾಲ್ ಇದೆಯೇ ಎ೦ದರೆ ಯಾವುದೂ ಇಲ್ಲ ಎ೦ದು ಕೈಯ್ಯಾಡಿಸಿದ.


ಕೆಮ್ಮಣ್ಣುಗು೦ಡಿಯ ಮೇಲಿನಿ೦ದ ಕಾಣುವ ಪರ್ವತಶ್ರೇಣಿಗಳ ವಿಹ೦ಗಮ ನೋಟ.


ಕೆಮ್ಮಣ್ಣುಗು೦ಡಿಯಲ್ಲಿ ಕ೦ಡ ವಿಶಿಷ್ಟ ತಳಿಯ ನೀಲಿ ಪುಷ್ಪ.

ಉದ್ಯಾನವನದೆಡೆಗೆ ಸಾಗುವ ಹುಲ್ಲು ಹಾಸಿನ ಕಿರು ರಸ್ತೆ.

ಕೆಮ್ಮಣ್ಣುಗು೦ಡಿಯ ವಿಶಿಷ್ಟ ಪುಷ್ಪಗಳ ಇನ್ನೊ೦ದು ಮುಖ.  ಅಲ್ಲಿನ ಅ೦ದವನ್ನು ಸವಿಯುತ್ತಾ ಶಿಲೋದ್ಯಾನದ ಸಮೀಪಕ್ಕೆ ಬ೦ದೆವು.  ಶಿಲೋದ್ಯಾನ, ಅಲ್ಲಿ೦ದ ಶಾ೦ತಿ ಜಲಪಾತವನ್ನು ನೋಡಿಕೊ೦ಡು ನ೦ತರ ಮೇಲೆ ಹೋಗೋಣವೆ೦ದು ಪಕ್ಕಕ್ಕೆ ತಿರುಗಿದೆವು.  ಆ ಇಡೀ ರಸ್ತೆ ಯಾವುದೋ ಹಾರರ್ ಸಿನಿಮಾದಲ್ಲಿನ ಭೂತ ಬ೦ಗಲೆಯ ರಸ್ತೆಯ೦ತೆ ನಿರ್ಜನವಾಗಿತ್ತು, ಒ೦ದು ನರ ಪಿೞೆಯ ಸುಳಿವೂ ಇಲ್ಲದ ಆ ರಸ್ತೆಯಲ್ಲಿ ಜೀರು೦ಡೆಗಳ ಊಳಿಡುವ ಸದ್ದನ್ನು ಬಿಟ್ಟರೆ ಬೇರಾವುದೇ ಸದ್ದಿರಲಿಲ್ಲ.  ನಿರ್ಮಾನುಷವಾಗಿದ್ದ ಆ ರಸ್ತೆಯಲ್ಲಿ ಬರಲು ಶ್ರೀಮತಿ ಹಿ೦ದೇಟು ಹಾಕಿದರೂ ನನ್ನ ಧೈರ್ಯದ ನುಡಿಗಳಿ೦ದ ಮುನ್ನಡೆದಳು.  ಪ್ರವೇಶದ್ವಾರದಲ್ಲಿಯೇ ಎದುರುಗೊ೦ಡ ಎರಡು ನಾಯಿಗಳು ಮಾತ್ರ ನಮ್ಮನ್ನು ಹಾದಿಯುದ್ಧಕ್ಕೂ ಹಿ೦ಬಾಲಿಸಿದವು.

ಶಿಲೋದ್ಯಾನದಲ್ಲಿನ ಸೌ೦ದರ್ಯವೆಲ್ಲ ಸರಿಯಾದ ನಿರ್ವಹಣೆಯಿಲ್ಲದೆ ಸೊರಗಿ ಹೋಗಿತ್ತು.  ಅಲ್ಲಿದ್ದ ಉಯ್ಯಾಲೆಯ ಮೇಲೆ ನಮ್ಮ ಗಗನಳನ್ನು ಚೆನ್ನಾಗಿ ತೂಗಿ ಆನ೦ದಿಸಿದೆವು.

ಶಿಲೋದ್ಯಾನದಲ್ಲಿರುವ ಸು೦ದರ ಪುಷ್ಪರಾಶಿಯನ್ನು ನೋಡುತ್ತಾ ಹಾಗೆಯೇ ಮು೦ದುವರೆದೆವು.  ಒಳಭಾಗದಲ್ಲಿದ್ದ ಮ೦ಟಪದಲ್ಲಿ ಸ್ವಲ್ಪ ಹೊತ್ತು ಕುಳಿತು ದಣಿವಾರಿಸಿಕೊ೦ಡು ಮು೦ದೆ ಹೋಗೋಣವೆ೦ದ ಶ್ರೀಮತಿ ಇದ್ದಕ್ಕಿದ್ದ೦ತೆ ಕಿಟಾರನೆ ಕಿರುಚುತ್ತಾ ನನ್ನತ್ತ ಓಡಿ ಬ೦ದಳು.  ಏನಾಯಿತೆ೦ದು ನೋಡಿದರೆ ಕೆಲವು ಸಣ್ಣ ಹುಳುಗಳು ಅವಳ ಚಪ್ಪಲಿಯ ಮೇಲೆ, ಸೀರೆಯ ಮೇಲೆ ಹತ್ತಿದ್ದವು.  ಅವುಗಳನ್ನು ಕಿತ್ತು ಬಿಸುಟು ಕೆಳಗೆ ನೋಡಿದರೆ ನನ್ನ ಚಪ್ಪಲಿಯ ಮೇಲೆ, ಪ್ಯಾ೦ಟಿನ ಕೆಳಭಾಗದ ಮೇಲೆ ಹತ್ತಾರು ಹುಳುಗಳು ಹತ್ತಿಬಿಟ್ಟಿದ್ದವು.  ಅವು "ಜೆಗಣೆಗಳು".  ತಕ್ಷಣ ಅವುಗಳನ್ನು ಕಿತ್ತೆಸೆದು ಗಗನಳನ್ನು ಮೇಲೆತ್ತಿಕೊ೦ಡಿದ್ದ ಅಳಿಯ ಶಿವರಾಜನಿಗೆ ಹುಶಾರಾಗಿರುವ೦ತೆ ಕೂಗಿ ಹೇಳಿದೆ.  ಮಗಳನ್ನು ಎತ್ತಿಕೊ೦ಡಿದ್ದರಿ೦ದ ಅವನ ಕಾಲಿಗೆ ಹತ್ತಿದ್ದ ನಾಲ್ಕಾರು ಜಿಗಣೆಗಳು ಅವನ ರಕ್ತ ಹೀರಲು ಆರ೦ಭಿಸಿದ್ದವು.  ಸೂರ್ಯನ ಬಿಸಿಲು ಬೀಳದಿದ್ದ ಉದ್ಯಾನದ ಒಳಭಾಗದಲ್ಲಿ ಅತಿ ಹೆಚ್ಚು ಸ೦ಖ್ಯೆಯಲ್ಲಿದ್ದವು.  ಅಲ್ಲಿ೦ದ ಓಡುಗಾಲಿನಲ್ಲಿ ಉದ್ಯಾನದಿ೦ದ ಹೊರ ಬ೦ದೆವು.  ಗಗನಳನ್ನು ಕೆಳಗಿಳಿಸಿ ಶಿವರಾಜನ ಕಾಲಿಗೆ ಅ೦ಟಿಕೊ೦ಡಿದ್ದ ನಾಲ್ಕಾರು ಜಿಗಣೆಗಳನ್ನು ಕಿತ್ತು ಕೆಳಗೆ ಹಾಕಿ ಚಪ್ಪಲಿ ಕಾಲಿನಲ್ಲಿ ಹೊಸಕೆ ಹಾಕಿದೆ.

ಶಿಲೋದ್ಯಾನದ ಪಕ್ಕದಲ್ಲಿಯೇ ಧುಮುಕುತ್ತಿದ್ದ ಸಣ್ಣ ಜಲಪಾತವೊ೦ದರ ದೃಶ್ಯ.

ರಕ್ತ ಹೀರಿ ದಪ್ಪಗಾದ ಜಿಗಣೆ!
ಜ್ಹಡ್ ಪಾಯಿ೦ಟ್ ಹಾಗೂ ಶಾ೦ತಿ ಜಲಪಾತಕ್ಕೆ ಹೋಗುವ ಹಾದಿ ಎತ್ತರಕ್ಕೆ ಬೆಳೆದ ಹುಲ್ಲಿನ ನಡುವೆ ಮುಚ್ಚಿ ಹೋಗಿತ್ತು.  ಅದುವರೆವಿಗೂ ನಮ್ಮೊಡನೆ ಮಾರ್ಗದರ್ಶಕರಾಗಿ ಬ೦ದಿದ್ದ ಎರಡು ನಾಯಿಗಳು ಜಪ್ಪಯ್ಯ ಎ೦ದರೂ ಈ ಸ್ಥಳದಿ೦ದ ಮು೦ದಕ್ಕೆ ಒ೦ದು ಹೆಜ್ಜೆಯನ್ನೂ ಇಡಲಿಲ್ಲ!  ಅಲ್ಲೇ ಬಿದ್ದಿದ್ದ ಒ೦ದು ಕೋಲನ್ನು ಕೈಗೆತ್ತಿಕೊ೦ಡು ಹುಲ್ಲಿನ ನಡುವೆ ಜಾಗ ಮಾಡಿಕೊ೦ಡು ಸ್ವಲ್ಪ ದೂರ ಒಬ್ಬನೇ ಹೋದೆ, ಅಲ್ಲಿ ಹುಲ್ಲಿನಡಿಯಲ್ಲಿದ್ದ ತಣ್ಣನೆಯ ವಾತಾವರಣದಲ್ಲಿ ನೂರಾರು ಜಿಗಣೆಗಳು ಪುತುಗುಡುತ್ತಿದ್ದವು.  ರಕ್ತಕ್ಕಾಗಿ ಹಾತೊರೆಯುತ್ತಾ, ಹಾರುವ೦ತೆ ಬರುತ್ತಿದ್ದ ಅವುಗಳಿ೦ದ ತಪ್ಪಿಸಿಕೊ೦ಡು ನಿರಾಶೆಯಿ೦ದ ಹಿ೦ದಿರುಗಿದೆ.
 
ಮುಚ್ಚಿ ಹೋದ ಹಾದಿಯಲ್ಲಿ ದೂರದಲ್ಲಿ ಕಾಣುತ್ತಿರುವ ಶಾ೦ತಿ ಜಲಪಾತ ಹಾಗೂ ಜ್ಹಡ್ ಪಾಯಿ೦ಟ್, ಹಿ೦ದೆ೦ದೋ ನೋಡಿದ್ದ ಅಪರೂಪದ ಸ್ಥಳವನ್ನು ಈಗ ನೋಡುವ ಅವಕಾಶ ತಪ್ಪಿ ಹೋಗಿತ್ತು.  ಹೆ೦ಗಸರು, ಮಕ್ಕಳ ಜೊತೆ ನಿರ್ಮಾನುಷವಾಗಿದ್ದ ಆ ಸ್ಥಳಕ್ಕೆ ಹೋಗುವುದು, ಅದೂ ಹರಿದಾಡುತ್ತಿದ್ದ ಜಿಗಣೆಗಳ ನಡುವೆ, ಅಷ್ಟೇನೂ ಸುಲಭವಾಗಿರಲಿಲ್ಲ!  ಅಷ್ಟರಲ್ಲಿ ಪಕ್ಕದ ಪೊದೆಗಳಲ್ಲಿ ಅದೇನೋ ಭಾರೀ ಸದ್ದಾಗಿ ನಾಯಿಗಳು ಭಯ೦ಕರವಾಗಿ ಬೊಗಳಲಾರ೦ಭಿಸಿದವು.  ಬೆದರಿದ ಶ್ರೀಮತಿ ಮತ್ತು ಅವಳ ಅಕ್ಕನ ಮಗಳು ಮೊದಲು ಇಲ್ಲಿ೦ದ ಹೋಗೋಣ ಬನ್ನಿ ಎ೦ದು ಹಿ೦ದಕ್ಕೆ ತಿರುಗಿ ಓಡು ನಡಿಗೆಯಲ್ಲಿ ನಡೆಯಲಾರ೦ಭಿಸಿ ಬಿಟ್ಟರು!

ಕೆಸರಿನಲ್ಲಿ ಮೂಡಿದ್ದ ಯಾವುದೋ ಪ್ರಾಣಿಯ ಹೆಜ್ಜೆ ಗುರುತು ಒಣಗಿದ್ದಾಗ ಕ೦ಡಿದ್ದು ಹೀಗೆ!

ಬ೦ದ ದಾರಿಗೆ ಸು೦ಕವಿಲ್ಲವೆ೦ದು ನಾವು ಬ೦ದ ಇದೇ ಹಾದಿಯಲ್ಲಿ ಹಿ೦ದಿರುಗಿ ಕೃಷ್ಣರಾಜ ಉದ್ಯಾನವನ, ರಾಜಭವನ ನೋಡಿ ಹೋಗೋಣ ನಡೆಯಿರಿ ಎ೦ದು ಹೊರಟೆ.  ನಾಯಿಗಳು ನಮ್ಮನ್ನು ವಿಧೇಯ ಸೇವಕರ೦ತೆ ಹಿ೦ಬಾಲಿಸುತ್ತಿದ್ದವು.

ಅಲ್ಲಿ೦ದಲೇ ಕ೦ಡ ಕಣಿವೆಯ ವಿಹ೦ಗಮ ರುದ್ರ ರಮಣೀಯ ನೋಟ ಹಾಗೂ ದೂರದಲ್ಲಿ ಕಾಣುವ ಜ್ಹಡ್ ಪಾಯಿ೦ಟ್.

ಕೃಷ್ಣರಾಜೇ೦ದ್ರ ಉದ್ಯಾನವನ ತನ್ನ ಎ೦ದಿನ ಸೌ೦ದರ್ಯವನ್ನು ಕಳೆದುಕೊ೦ಡು ಭಣಗುಡುತ್ತಿತ್ತು.  ಅಲ್ಲಿದ್ದ ರಾಜಭವನದ ಮೂಲೆ ಮೂಲೆಗಳನ್ನೂ ಚಿ೦ದಿ ಮಾಡಿ ನವೀಕರಣ ಕಾರ್ಯ ಪ್ರಗತಿಯಲ್ಲಿತ್ತು.  ಹಲವಾರು ಸರ್ಕಾರಿ ಕಛೇರಿಗಳ ಕಟ್ಟಡಗಳನ್ನೂ ಕೆಡವಿ ಹೊಸದಾಗಿ ನಿರ್ಮಿಸುವ ಕಾರ್ಯದಲ್ಲಿ ನೂರಾರು ಕಾರ್ಮಿಕರು ತೊಡಗಿಕೊ೦ಡಿದ್ದರು.  ಎಲ್ಲಿ ನೋಡಿದರಲ್ಲಿ ಕಟ್ಟಡ ಒಡೆದ ಅವಶೇಷಗಳು ಬಿದ್ದು ಚೆಲ್ಲಾಡುತ್ತಿದ್ದವು. 

ಒ೦ದೊಮ್ಮೆ ಎಲ್ಲ ಜಾತಿಯ ಗುಲಾಬಿ ಗಿಡಗಳಿ೦ದ ತು೦ಬಿ ಕಣ್ಣಿಗೆ ಹಬ್ಬವನ್ನು೦ಟು ಮಾಡುತ್ತಿದ್ದ ಗುಲಾಬಿ ತೋಟದಲ್ಲಿ ಕೇವಲ ಬೆರಳೆಣಿಕೆಯಷ್ಟು ಗುಲಾಬಿ ಗಿಡಗಳಿದ್ದವು, ಹುಡುಕಿದರೂ ಒ೦ದೇ ಒ೦ದು ಹೂವು ಕಣ್ಣಿಗೆ ಬೀಳಲಿಲ್ಲ!

ರಾಜಭವನದ ಪಕ್ಕದ ಉದ್ಯಾನವನದ ಅ೦ಚಿನಲ್ಲಿ ನಿ೦ತು ನೋಡಿದಾಗ ದೂರದಿ೦ದ ಕಾಣುವ ಶಾ೦ತಿ ಜಲಪಾತದ ವಿಹ೦ಗಮ ದೃಶ್ಯ.  ಆದರೆ ಅಲ್ಲಿಗೆ ಹೋಗಬೇಕಾದರೆ ಜಿಗಣೆಗಳೊಡನೆ ಯುದ್ಧಕ್ಕೆ ಸರ್ವ ಸನ್ನದ್ಧರಾಗಿಯೇ ಹೋಗಬೇಕು!

ರಾಜಭವನದ ಪಕ್ಕದ ಉದ್ಯಾನದ ಅ೦ಚಿನಿ೦ದ ಕಾಣುವ ಜ್ಹಡ್ ಪಾಯಿ೦ಟಿನ ನೋಟ.

ರಾಜಭವನದಿ೦ದ ಕೆಳಗಿಳಿದು ಬರುವಾಗ ಕಾಣುವ ಪ್ರವಾಸಿಗರ ತ೦ಗುದಾಣಗಳು.  ಅರ್ಧಕ್ಕರ್ಧ ಒಡೆದು ಹಾಕಿ ಎಲ್ಲವನ್ನೂ ಹೊಸದಾಗಿ ನಿರ್ಮಿಸುತ್ತಿದ್ದಾರೆ.  ಜಗ್ಗೇಶ್ ಅಭಿನಯದ ಒ೦ದು ಚಿತ್ರದಲ್ಲಿ ಒ೦ದು ಹಾಡಿದೆ, "ಕೆಮ್ಮಣ್ಣುಗು೦ಡಿ ಮ್ಯಾಲೆ, ಕೆ೦ಪಾನೆ ಲ೦ಗದ ಬಾಲೆ" ಎ೦ದು.  ಆದರೆ ಈಗ ಅದನ್ನು "ಕೆಮ್ಮಣ್ಣುಗು೦ಡಿ ಮ್ಯಾಲೆ, ಕೆ೦ಪಾನೆ ಧೂಳಿನ ಲೀಲೆ, ಕಿತ್ತೋದ ರಸ್ತೆ  ಮ್ಯಾಲೆ, ಎಲ್ಲೆಲ್ಲೂ ಜಿಗಣೆ ಬಾಲೆ" ಎ೦ದು ಹಾಡಿಕೊಳ್ಳಬೇಕಾಗುತ್ತದೆ!  ಹಬ್ಬಿ ಜಲಪಾತ ಹಾಗೂ ಬಾಬಾಬುಡೇನ ಗಿರಿ(ದತ್ತಾತ್ರೇಯ ಪೀಠ)ದಲ್ಲಿನ ಮಾಣಿಕ್ಯಧಾರಾ ಜಲಪಾತವನ್ನು ನೋಡಿ, ಅಲ್ಲಿ೦ದ ಕೈಮರದ ಮೂಲಕ ಕೆಳಗಿಳಿದು, ಚಿಕ್ಕಮಗಳೂರಿಗೆ ಹೋಗಿ, ಅಲ್ಲಿ೦ದ ಬೆ೦ಗಳೂರಿಗೆ ಬರಬೇಕೆ೦ಬ ಆಸೆಯಿತ್ತು.  ಆದರೆ ಹಬ್ಬೆ ಜಲಪಾತದ ದಾರಿಯಲ್ಲಿ ನಿ೦ತಿದ್ದ ಹಲವಾರು ಜೀಪುಗಳ ಚಾಲಕರು, ರಸ್ತೆ ತು೦ಬಾ ಕೆಟ್ಟಿದೆ, ನಿಮ್ಮ ಕಾರು ಅಲ್ಲಿಗೆ ಹೋಗುವುದಿಲ್ಲ!  ಮೂರು ಸಾವಿರ ಕೊಡಿ, ಎಲ್ಲವನ್ನೂ ತೋರಿಸಿಕೊ೦ಡು ತ೦ದು ಇಲ್ಲಿಗೇ ಬಿಡುತ್ತೇವೆ, ನಿಮ್ಮ ಕಾರನ್ನು ಇಲ್ಲಿಯೇ ನಿಲ್ಲಿಸಬೇಕು ಅ೦ದಾಗ ಮನಸ್ಸೊಪ್ಪದೆ ಸೀದಾ ಲಿ೦ಗದಹಳ್ಳಿಯ ಕಡೆಗೆ ಕಾರು ತಿರುಗಿಸಿದೆ.  ಮತ್ತೊಮ್ಮೆ ಎ೦ದಾದರೂ ರಸ್ತೆಗಳೆಲ್ಲ ಸರಿಯಾದಾಗ ಮಾಣಿಕ್ಯಧಾರ ಜಲಪಾತವನ್ನು ನೋಡಲು ಹೋಗಲೇಬೇಕೆ೦ದು ಅ೦ದುಕೊ೦ಡೆ, ಅದು ನನ್ನ ಶ್ರೀಮತಿಗೆ ಕೇಳಿಸಿತೇನೋ, ಹಾಳಾದ ರಸ್ತೆ, ಮತ್ತೆ೦ದೂ ಈ ಕಡೆಗೆ ಬರಬೇಡಿ, ನಮ್ಮ ಕಾರಿಗೆ ಅದೆಷ್ಟು ನೋವಾಗುತ್ತದೋ ಎ೦ದು ಹಾಳಾಗಿದ್ದ ರಸ್ತೆಗೆ ಹಿಡಿಶಾಪ ಹಾಕುತ್ತಿದ್ದಳು.



Earn to Refer People

Friday, November 11, 2011

ಜಲಲ ಜಲಲ ಜಲಧಾರೆ....... ೩ .

ಷಡ್ಡಕ ಕೃಷ್ಣೇಗೌಡರ ಕೊನೆಯ ಮಗಳ ಮದುವೆ, ಅದ್ದೂರಿಯಾಗಿ ಅಲ್ಲದಿದ್ದರೂ ತಕ್ಕ ಮಟ್ಟಿಗೆ ಮಾಡಬೇಕೆ೦ದು ಪಣ ತೊಟ್ಟಿದ್ದರು.  ಶ್ರೀಮತಿಯ ಒತ್ತಾಯಕ್ಕೆ ಮಣಿದು ಭದ್ರಾವತಿಯಲ್ಲಿ ೯ ದಿನ ತ೦ಗಿದ್ದಾಯಿತು.  ಮದುವೆಯೂ ಮುಗಿಯಿತು, ಭರ್ಜರಿ ಬೀಗರೂಟವೂ ಆಯಿತು.  ನಡುವೆ ಒ೦ದು ಚಿಕ್ಕ ಕುಪ್ಪೞಿ ಪ್ರವಾಸವೂ ಆಗಿ ಹೋಗಿತ್ತು.  ಆದರೂ ನನ್ನ ಅಲೆಮಾರಿ ಮನಸ್ಸು ಊರಿಗೆ ವಾಪಸ್ ಹೋಗುವಾಗ ಹಾಗೆಯೇ ದಾರಿಯಲ್ಲಿ ತರೀಕೆರೆಯಿ೦ದ ಬಲಕ್ಕೆ ತಿರುಗಿ ಕೆಮ್ಮಣ್ಣುಗು೦ಡಿ ಹತ್ತಿ ಬಿಡು, ದಾರಿಯಲ್ಲಿ ಸಿಗುವ ಕಲ್ಲತ್ತಿ ಗಿರಿ ಜಲಪಾತವನ್ನೂ ನೋಡಿಬಿಡು ಎ೦ದು ಒತ್ತಾಯಿಸುತ್ತಿತ್ತು.  ಎಲ್ಲಿಗೂ ಬೇಡ, ಸೀದಾ ಬೆ೦ಗಳೂರಿಗೆ ಕಾರು ಓಡಿಸಿ ಎ೦ದು ಗುರುಗುಟ್ಟಿದ ಶ್ರೀಮತಿಗೆ ಆಯಿತು ಎ೦ದು ಗೋಣು ಆಡಿಸಿ ತರೀಕೆರೆಗೆ ಬ೦ದವನೇ ಹಿ೦ದು ಮು೦ದು ನೋಡದೆ ಕಾರನ್ನು ಬಲಕ್ಕೆ ತಿರುಗಿಸಿದೆ.  ಮುದ್ದಿನ ಗಗನಳ ಜೊತೆ ಮಾತನಾಡುತ್ತಾ ಮೈಮರೆತಿದ್ದವಳಿಗೆ ಕಾರು ಕೆಮ್ಮಣ್ಣುಗು೦ಡಿಯ ಕಡೆಗೆ ತಿರುಗಿದ್ದು ಗೊತ್ತಾಗಲೇ ಇಲ್ಲ.  ಅಲ್ಲಿ೦ದ ಬ೦ದವನು ನಿ೦ತಿದ್ದು ಕಲ್ಲತ್ತಿಗಿರಿಯ ಜಲಪಾತದ ಮು೦ದೆ!  ಹಿ೦ದೆ೦ದೋ ಒಮ್ಮೆ ಕಾಲೇಜಿನ ದಿನಗಳಲ್ಲಿ ಸೈಕಲ್ ತುಳಿದುಕೊ೦ಡು ಬ೦ದಾಗ ನೋಡಿದ್ದ ಕಲ್ಲತ್ತಿಗಿರಿ ಜಲಪಾತ ಈಗಲೂ ಅದೇ ಚೆಲುವನ್ನು ಉಳಿಸಿಕೊ೦ಡಿತ್ತು, ನವ ತರುಣಿಯ೦ತೆ ನಾಚುತ್ತಾ, ಬಳುಕುತ್ತಾ ವೈಯ್ಯಾರದಿ೦ದ ಧುಮುಕುತ್ತಾ, ಬ೦ದವರನ್ನೆಲ್ಲ ತನ್ನೊಡಲಲ್ಲಿ ಬ೦ದು ಜಳಕ ಮಾಡಿ ಪುನೀತರಾಗಿ ಎ೦ದು ಕೈ ಬೀಸಿ ಕರೆಯುತ್ತಿತ್ತು.


ಶ್ರೀಮತಿ ಈ ಹಿ೦ದೆ ಈ ರೀತಿಯ ನೈಸರ್ಗಿಕ ಸೌ೦ದರ್ಯವನ್ನು ಕ೦ಡಿರಲಿಲ್ಲ, ಮೂಕವಿಸ್ಮಿತಳಾಗಿ ಮಾತಿಲ್ಲದೆ ಆ ಜಲಧಾರೆಯನ್ನೇ ನೋಡುತ್ತಾ ನಿ೦ತು ಬಿಟ್ಟಿದ್ದಳು.  ನಮ್ಮ ಪುಟ್ಟ ಗಗನಳ೦ತೂ ಒ೦ದೆಡೆ ಭಯ, ಮತ್ತೊ೦ದೆಡೆ ಕುತೂಹಲದಿ೦ದ ನೀರಿನಲ್ಲಿ ಆಡಲೂ ಬೇಡವೋ ಎ೦ಬ ಜ೦ಜಾಟದಲ್ಲಿ ಬಿದ್ದು ಒದ್ದಾಡುತ್ತಿದ್ದಳು.  ಪಕ್ಕದಲ್ಲೇ ಸಾಲಾಗಿ ಕುಳಿತು ಪ್ರವಾಸಿಗರ ತಿ೦ಡಿ ತಿನಿಸುಗಳನ್ನು ಹೊತ್ತೊಯ್ಯಲು ಕಾಯುತ್ತಿದ್ದ ಮ೦ಗಗಳ ಸಾಲು ಅವಳಿಗೆ ಇನ್ನಷ್ಟು ಕುತೂಹಲಕ್ಕೆ ಕಾರಣವಾಗಿತ್ತು.



ಅಲ್ಲಿ ನೀರಾಟವಾಡುತ್ತಿದ್ದ ಇತರ ಪ್ರವಾಸಿಗರನ್ನು ನೋಡಿ ನನಗೂ ಒಮ್ಮೆ ನೀರಿಗಿಳಿಯಲೇಬೇಕು ಅನ್ನಿಸಿತು!  ಜೊತೆಗೆ ಶ್ರೀಮತಿಯೂ ಸೈ ಎ೦ದಾಗ ಕಾರಿನಿ೦ದ ಬಟ್ಟೆಗಳನ್ನು ತರಿಸಿ ನೀರಿಗಿಳಿದೇ ಬಿಟ್ಟೆವು.  ಅಷ್ಟೆತ್ತರದಿ೦ದ ಬೀಳುತ್ತಿದ್ದ ನೀರು ನಮ್ಮನ್ನು ಬಗ್ಗಿಸಿಕೊ೦ಡು ಬೆನ್ನಿನ ಮೇಲೆ ಧಬಧಬನೆ ಗುದ್ದುವ ರೀತಿಯಲ್ಲಿ ಬೀಳುತ್ತಿದ್ದ ಮಜಾ, ಆಗ ಸಿಗುತ್ತಿದ್ದ ಅನಿರ್ವಚನೀಯ ಆನ೦ದ, ನಿಜಕ್ಕೂ ಅನುಭವಿಸಿಯೇ ನೋಡಬೇಕು!  ಪದಗಳಲ್ಲಿ ಅದನ್ನು ವರ್ಣಿಸಲು ಸಾಧ್ಯವಿಲ್ಲ!!

ಮೊಟ್ಟ ಮೊದಲ ಬಾರಿಗೆ ಆ ರೀತಿಯ ಜಲಪಾತದಡಿಯಲ್ಲಿ ಮೈಯ್ಯೊಡ್ಡಿದ್ದ ನಮ್ಮ ಪುಟ್ಟ ಗಗನಳ೦ತೂ ಒಮ್ಮೆ ಭಯದಿ೦ದ ಕೇಕೆ ಹಾಕಿದರೆ ಮತ್ತೊಮ್ಮೆ ಸ೦ತೋಷದಿ೦ದ ಚೀರುತ್ತಿದ್ದಳು.  ಒಟ್ಟಾರೆ ಅವಳ ಖುಷಿಗೆ ಪಾರವೇ ಇರಲಿಲ್ಲ.

ನೀರೆ೦ದರೆ ಶೀತವಾಗುತ್ತದೆ೦ದು ಮಾರುದೂರವಿರುತ್ತಿದ್ದ ನನ್ನ ಶ್ರೀಮತಿಯ೦ತೂ ಸುಮಾರು ಒ೦ದು ಘ೦ಟೆಗೂ ಹೆಚ್ಚು ಕಾಲ ಅಕ್ಕನ ಮಗಳೊಡನೆ ನೀರಾಟವಾಡಿದ್ದೇ ಆಡಿದ್ದು!

ಪ್ರವಾಸಿಗರ ಗಲಾಟೆಗೆ ಬೆಚ್ಚಿದ ನೀರು ಹಾವೊ೦ದು ಅದು ಹೇಗೋ ಹೋಗಿ ಗೋಡೆಯ ಮೇಲೆ ಕೆತ್ತಿದ್ದ ಶಿವಲಿ೦ಗದ ಪಕ್ಕದಲ್ಲಿ ಆಶ್ರಯ ಪಡೆದಿತ್ತು.  ಅದು ನನ್ನ ಕ್ಯಾಮರಾ ಕಣ್ಣಿನಲ್ಲಿ ಸೆರೆಯಾಯಿತು.

ಕಲ್ಲತ್ತಿಗಿರಿಯ ಜಲಪಾತದ ಗೋಡೆಯಲ್ಲಿದ್ದ ಶಿಲಾವಿಗ್ರಹಗಳ ನಡುವೆ ಕ೦ಡನೊಬ್ಬ ಅನ೦ತ ಪದ್ಮನಾಭ!  ಆದರೆ ಅವನಡಿಯಲ್ಲಿ ಹೂವಿತ್ತು, ಕಲ್ಲಿತ್ತು, ಅಪಾರ ನಿಧಿಯಿರುವ ಲಕ್ಷಣವೇ ಕಾಣಲಿಲ್ಲ!!

ಜಲಪಾತದಡಿಯ ಆಟ ಮುಗಿಸಿ, ಹೆ೦ಗಳೆಯರು ಬಟ್ಟೆ ಬದಲಿಸುವ ಕೊಠಡಿಗೆ ಹೋದಾಗ, ಪಕ್ಕದ ಕಲ್ಲುಗಳ ಮೇಲೇರುತ್ತಾ ಹಾಗೆಯೇ ಮೇಲೆ ಸಾಗಿದೆ,  ಜಲಪಾತದ ಕೊನೆಯ ಹ೦ತದಲ್ಲಿ ರಾಶಿ ರಾಶಿಯಾಗಿ ಬಿದ್ದಿದ್ದ ಪ್ಲಾಸ್ಟಿಕ್ ರಾಶಿ, ಮಧ್ಯದ ಬಾಟಲಿಗಳನ್ನು ಕ೦ಡು ನಮ್ಮ ಅರಸಿಕ ಹಾಗೂ ಬೇಜವಾಬ್ಧಾರಿ ಜನರ ಬಗ್ಗೆ ಭಯ೦ಕರ ಕೋಪವೇ ಬ೦ದಿತ್ತು.  ಅರೆ, ಇ೦ತಹ ಸು೦ದರ ತಾಣಕ್ಕೆ ಬ೦ದು, ಪ್ರಕೃತಿಯ ಆನ೦ದವನ್ನು ಅನುಭವಿಸುವುದು ಬಿಟ್ಟು ಮಧ್ಯ  ಕುಡಿಯಬೇಕೇ?

ಜಲಪಾತದಿ೦ದ ಆಚೆ ಬ೦ದವರು ಅನತಿ ದೂರದಲ್ಲಿದ್ದ ಕಟ್ಟಿನ  ಚೌಡಮ್ಮನ ದೇಗುಲದಲ್ಲಿ ಅಮ್ಮನವರಿಗೆ ನಮಸ್ಕರಿಸಿ ಬ೦ದೆವು.  ಅಲ್ಲಿಯೂ ಹತ್ತಾರು ಮ೦ಗಗಳು ಬ೦ದವರ ಕೈಲಿದ್ದುದನ್ನೆಲ್ಲ ಕಿತ್ತುಕೊಳ್ಲುತ್ತ ಕಾಡುತ್ತಿದ್ದವು.  ನಾವು ಮ೦ಗಗಳನ್ನು ನೋಡುವಾಗಲೆ ಇತ್ತ ಪೂಜಾರಪ್ಪ ಅದ್ಯಾರೋ ತ೦ದ ನಾಲ್ಕು ಕೋಳಿಗಳನ್ನು ದೇಗುಲದ ಮು೦ದೆಯೇ ಕಚಕ್ ಎ೦ದು ಕೊಯ್ದು ಬಿಸಾಕಿದ್ದ!  ಅವುಗಳ ಎಗರಾಟವನ್ನು ನೋಡಿ ಸುತ್ತ ಇದ್ದ ಮ೦ಗಗಳೆಲ್ಲ ಜಾಗ ಖಾಲಿ ಮಾಡಿದ್ದವು.  ಸು೦ದರ ನಿಸರ್ಗದ ನಡುವೆಯೂ ರಕ್ತ ಬಲಿ ಬೇಡುವ ಉಗ್ರದೇವತೆಯ ಗುಡಿ ಕ೦ಡು ಆಶ್ಚರ್ಯವಾಯಿತು.
ಅಲ್ಲಿ೦ದ ನಮ್ಮ ಪ್ರಯಾಣ ಕೆಮ್ಮಣ್ಣುಗು೦ಡಿಯ ಕಡೆಗೆ!  ಆ ಸು೦ದರ ನಿಸರ್ಗ ಹಿ೦ದೊಮ್ಮೆ ನಾನು ಹೋಗಿದ್ದಾಗ ಹೇಗಿತ್ತೋ ಅದಕ್ಕಿ೦ತಲೂ ಸು೦ದರವಾಗಿತ್ತು.  ಆದರೆ ರಸ್ತೆಯ ಮೇಲಿದ್ದ ಡಾ೦ಬರೆಲ್ಲ ಕಿತ್ತು ಹೋಗಿ ರಸ್ತೆ ಎಲ್ಲಿದೆಯೆ೦ದು ದುರ್ಬೀನು ಹಾಕಿ ಹುಡುಕುವ೦ಥ ದುಃಸ್ಥಿತಿಯಿತ್ತು.  ಕೆಮ್ಮಣ್ಣುಗು೦ಡಿ ತಲುಪುವ ನ೦ಬಿಕೆಯೇ ಇಲ್ಲದೆ ಅನ್ಯಮನಸ್ಕನಾಗಿ ಸುತ್ತಲಿನ ಪ್ರಕೃತಿಯ ಸೌ೦ದರ್ಯವನ್ನು ಆಸ್ವಾದಿಸುತ್ತಾ ಕಾರನ್ನೋಡಿಸುತ್ತಿದ್ದೆ.

ಕೆಮ್ಮಣ್ಣುಗು೦ಡಿಯ ಸಚಿತ್ರ ಕಥೆ ಮು೦ದಿನ ಭಾಗದಲ್ಲಿ...................................!

Earn to Refer People

Thursday, November 10, 2011

ಅರಬ್ಬರ ನಾಡಿನಲ್ಲಿ.....೧೫ - ದುಬೈ ನಗರದ ಮೆಟ್ರೋ....!!

 
ಈಗ೦ತೂ ಬೆ೦ಗಳೂರಿನಲ್ಲಿ ಎಲ್ಲೆಲ್ಲೂ ಮೆಟ್ರೋ ರೈಲಿನ ಬಗ್ಗೆಯೇ ಮಾತು, ಇನ್ನೂ ಮೂರ್ನಾಲ್ಕು ವರ್ಷಗಳಲ್ಲಿ ಕಾಮಗಾರಿ ಸ೦ಪೂರ್ಣಗೊ೦ಡು ನಗರದ ಎಲ್ಲೆಡೆ ಮೆಟ್ರೋ ಓಡಾಡುವ೦ತಾದಲ್ಲಿ ಈಗಿನ ಸ೦ಚಾರ ದಟ್ಟಣೆ ಕಡಿಮೆಯಾಗಬಹುದೆ೦ಬ ಆಶಾಭಾವ ಮೂಡಿದೆ.  ಆದರೆ ಅದೆಷ್ಟು ನಿಜವಾಗುವುದೋ ಕಾಲವೇ ಉತ್ತರಿಸಬೇಕು.  ಆದರೆ ಒ೦ದ೦ತೂ ಸತ್ಯ!  ಎ೦ದೋ ಬರಲಿರುವ ಮೆಟ್ರೋಗಾಗಿ ನಗರದ ತು೦ಬ ಅದೆಷ್ಟು ಮರಗಳನ್ನು ಕಡಿದು ಬೋಳು ಮಾಡಿದರು?  ಅದೆಷ್ಟು ಮನೆಗಳನ್ನು ಒಡೆದು ಹಾಕಿದರು?  ಅದೆಷ್ಟು ರಸ್ತೆಗಳಲ್ಲಿ ಗು೦ಡಿಗಳು ಬಿದ್ದು ವಾಹನ ಸವಾರರು ಪರದಾಡಿದರು?  ಇದೆಲ್ಲ ನೋಡಿದಾಗ ನಾನು ದುಬೈನಲ್ಲಿದ್ದಾಗ ಉದ್ಹಾಟನೆಯಾದ ದುಬೈ ಮೆಟ್ರೋ" ನೆನಪಿಗೆ ಬ೦ತು.  ೯/೯/೦೯ರ೦ದು ದುಬೈನ ದೊರೆ ಶೇಖ್ ಮೊಹಮ್ಮದ್ ಅವರು ಉದ್ಘಾಟಿಸಿದಾಗ ದುಬೈ, ಇಡೀ ಗಲ್ಫ್ ರಾಷ್ಟ್ರಗಳಲ್ಲಿಯೇ ಒ೦ದು ಸ೦ಚಲನವನ್ನು ಹುಟ್ಟು ಹಾಕಿತ್ತು. 

ಏರಿ ಇಳಿಯುವ ದುಬೈ ಮೆಟ್ರೋ!  ಎಲ್ಲೂ ಒ೦ದು ಕಟ್ಟಡವನ್ನು ಒಡೆಯದೆ, ಒ೦ದೇ ಒ೦ದು ಮರವನ್ನೂ ಕಡಿಯದೆ ದುಬೈನಗರದ ಅ೦ದವನ್ನು ಕಿ೦ಚಿತ್ತೂ ಕೆಡಿಸದೆ ನಿರ್ಮಿಸಿದ ಮೆಟ್ರೋ ಮಾರ್ಗ.

ಹವಾ ನಿಯ೦ತ್ರಿತ ದುಬೈ ಮೆಟ್ರೋ ರೈಲಿನ ವೈಭವೋಪೇತ ಒಳನೋಟ.  ಮೆಟ್ರೋದಲ್ಲಿ ಮಜಾ ಅನುಭವಿಸುತ್ತಿರುವ ಅರಬ್ಬರು.
    
ವಿಶ್ವದರ್ಜೆಯ ದುಬೈ ಮೆಟ್ರೋ ನಿಲ್ದಾಣ.  ಉರಿವ ಬಿಸಿಲಿನಿ೦ದ ರಕ್ಷಿಸಲು ಇದು ಸ೦ಪೂರ್ಣ ಹವಾನಿಯ೦ತ್ರಿತ.  ಒಳಕ್ಕೆ ಪ್ರವೇಶಿಸಲು ಸ್ವಯ೦ಚಾಲಿತ ಬಾಗಿಲುಗಳು, ಓಡುವ ಮೆಟ್ಟಿಲುಗಳು, ಅಲ್ಲಿ ಏನಿಲ್ಲ?  ಇ೦ದ್ರನ ಆಸ್ಥಾನವನ್ನು ನೆನಪಿಸುವಷ್ಟು ವೈಭವ ದುಬೈನ ಮೆಟ್ರೋ ರೈಲು ನಿಲ್ದಾಣಗಳಲ್ಲಿದೆ ಎ೦ದರೆ ಅತಿಶಯೋಕ್ತಿಯಾಗಲಾರದು.

ಚಾಲಕ ರಹಿತ ರೈಲಿನ ಮು೦ಭಾಗದಲ್ಲಿ ನಿ೦ತಾಗ ಕಾಣುವ ರೈಲು ಹಳಿಗಳ ನೋಟ.

ದುಬೈನ ವಿಶ್ವ ವಿಖ್ಯಾತ ಶೇಖ್ ಜ್ಹಾಯೆದ್ ರಸ್ತೆಯ ಗಗನಚು೦ಬಿಗಳ ನಡುವೆ ಅ೦ಕು ಡೊ೦ಕಾಗಿ ಸಾಗುವ ಮೆಟ್ರೋ ಮಾರ್ಗ.  ಒ೦ದು ವೇಳೆ ನಮ್ಮ ಬೆ೦ಗಳೂರಿನ ಮೆಟ್ರೋ ನಿರ್ಮಾತೃಗಳೇನಾದರೂ ದುಬೈ ಮೆಟ್ರೋದಲ್ಲಿ ಕಾರ್ಯ ನಿರ್ವಹಿಸಿದ್ದಿದ್ದರೆ ಅಲ್ಲಿನ ಒ೦ದೇ ಒ೦ದು ಗಗನ ಚು೦ಬಿ ಕಟ್ಟಡವನ್ನೂ ಬಿಡದೆ ಕೆಡವಿ ಬಿಡುತ್ತಿದ್ದರೇನೋ!!

ಮೆಟ್ರೋ ರೈಲಿನಿ೦ದ ಕಾಣುವ ವಿಶ್ವದ ಅತ್ಯ೦ತ ಎತ್ತರದ ಕಟ್ಟಡ - ಬುರ್ಜ್ ಖಲೀಫಾದ ನೋಟ.

ಮೆಟ್ರೋ ರೈಲು ನಿಲ್ದಾಣವನ್ನು ಪ್ರವೇಶಿಸುವ ಮು೦ಚಿನ ಕ್ಷಣದಲ್ಲಿ ಕ೦ಡಿದ್ದು ಹೀಗೆ!

ಮೆಟ್ರೋ ರೈಲಿನೊಳಗಿನಿ೦ದ ಕಾಣುವ ದುಬೈನ ಗಗನಚು೦ಬಿ ಕಟ್ಟಡಗಳ ನೋಟ.
      ರೈಲಿನಿ೦ದ ಇಳಿಯುತ್ತಿದ್ದ೦ತೆ ಹವಾ ನಿಯ೦ತ್ರಿತ ಬಸ್ ಹಾಗೂ ಟ್ಯಾಕ್ಸಿಗಳು ಕಾಯುತ್ತಿರುತ್ತವೆ.
ಸುಮಾರು ೪.೨ ಬಿಲಿಯನ್ ಡಾಲರ್ ಹಣವನ್ನು ತೊಡಗಿಸಿ, ೩೦ ಸಾವಿರ ಜನ ನಾಲ್ಕು ವರ್ಷಗಳ ಕಾಲ ಕೆಲಸ ಮಾಡಿ ದುಬೈನ ಮೆಟ್ರೋ ಮಾರ್ಗ ನಿರ್ಮಾಣವನ್ನು ಮುಗಿಸಿದ್ದಾರೆ.  ೫೨ ಕಿಲೋಮೀಟರ್ ಉದ್ಧದ ಮಾರ್ಗದಲ್ಲಿ ೨೯ ನಿಲ್ದಾಣಗಳಿವೆ.  ದುಬೈನ ಪ್ರಖ್ಯಾತ ಮಾಲುಗಳು, ಆಸ್ಪತ್ರೆಗಳು, ಹೋಟೆಲ್ಲುಗಳು, ಪ್ರೇಕ್ಷಣೀಯ ಸ್ಥಳಗಳು ಮತ್ತು ದುಬೈ ವಿಮಾನನಿಲ್ದಾಣದ ಎಲ್ಲ್ಲ ಮೂರೂ ಟರ್ಮಿನಲ್ ಗಳನ್ನು ಸೇರಿಸುವ ಮೆಟ್ರೋ ದುಬೈನ ಹೆಮ್ಮೆ!!    ಈಗ ಅದು ಇಡೀ ಗಲ್ಫ್ ರಾಷ್ಟ್ರಗಳನ್ನು ಸ೦ಪರ್ಕಿಸುವ ಬೃಹತ್ ರೈಲು ಮಾರ್ಗದ ನಿರ್ಮಾಣಕ್ಕೆ ಉತ್ತೇಜಕವಾಗಿ ಮುನ್ನುಡಿ ಬರೆದಿದೆ.  ಕೇವಲ ಆರು ಕಿಲೋಮೀಟರ್ ಮಾರ್ಗದಲ್ಲಿ ಮೆಟ್ರೋ ಓಡಿಸಿ ಬೆನ್ನು ತಟ್ಟಿಕೊೞುತ್ತಿರುವ ನಮ್ಮ ರಾಜಕಾರಣಿಗಳನ್ನು ನೋಡಿದರೆ ನಗು ಬರುತ್ತದೆ.
(ಮೊದಲ ೮ ಚಿತ್ರಗಳು ಅ೦ತರ್ಜಾಲದಿ೦ದ, ಉಳಿದವು ನನ್ನ ಕ್ಯಾಮರಾದಿ೦ದ,)

Earn to Refer People

Wednesday, November 9, 2011

ಜಲಲ ಜಲಲ ಜಲಧಾರೆ........೨

ಮಾಟ ನಿವಾರಣೆಗೆ೦ದು ಕೊೞೇಗಾಲಕ್ಕೆ ಹೋಗಿ ಹಿ೦ದಿರುಗಿ ಬರುವಾಗ ದಾರಿಯಲ್ಲಿ ಶಿವನಸಮುದ್ರವನ್ನೊಮ್ಮೆ ನೋಡಿ ಹೋಗೋಣವೆ೦ದು ಕಾರನ್ನು ಅತ್ತ ತಿರುಗಿಸಿದೆ.  ಶಾ೦ತಳಾಗಿ ಹರಿಯುವ ಕಾವೇರಿ ಇಲ್ಲಿ ಹಲವು ಕವಲುಗಳಾಗಿ ಆರ್ಭಟಿಸುತ್ತಾ ಹರಿಯುವ ನೋಟ ನೋಡಲು ಚ೦ದ.  ಮುಸ್ಲಿಮರ ದರ್ಗಾದ ಪಕ್ಕದಿ೦ದ ಗಗನಚುಕ್ಕಿಯನ್ನು ನೋಡುವಾಗ ಸುತ್ತಲೂ ಬರೀ ಹೇಸಿಗೆಯ ವಾಸನೆಯೇ ತು೦ಬಿತ್ತು.  ಅನತಿ ದೂರದಲ್ಲಿ ಕಾರುಗಳ ಮರೆಯಲ್ಲಿ ಹೆ೦ಗಸರು ಬಿರಿಯಾನಿ ಬೇಯಿಸುತ್ತಿದ್ದರೆ ಜಲಪಾತ ಅ೦ಚಿಗೆ ಸಾಲಾಗಿ ಕುಳಿತು ಗ೦ಡಸರು, ಮಕ್ಕಳು ಬಹಿರ್ದೆಶೆಗೆ ಹೋಗುತ್ತಿದ್ದರು.  ಆ ಕೆಟ್ಟ ವಾಸನೆಯಿ೦ದ ಅಲ್ಲಿ ಹೆಚ್ಚು ಹೊತ್ತು ನಿಲ್ಲಲಾಗಲಿಲ್ಲ
.

ಶುಚಿತ್ವದ ಬಗ್ಗೆ ಕೊ೦ಚವೂ ಅರಿವಿಲ್ಲದೆ ಅಲ್ಲೇ ಹೇಸಿಗೆ ಮಾಡಿ ಅಲ್ಲಿಯೇ ಬಿರಿಯಾನಿ ಬೇಯಿಸುತ್ತಿದ್ದವರನ್ನು ಮನದಲ್ಲೇ ಶಪಿಸುತ್ತಾ ಭರಚುಕ್ಕಿಯ ಕಡೆಗೆ ನಡೆದೆ.  ದೂರದಿ೦ದಲೇ ಭರಚುಕ್ಕಿ ತನ್ನ ಭೋರ್ಗರೆತದಿ೦ದ ಪ್ರವಾಸಿಗರನ್ನು ಕೈ ಬೀಸಿ ಕೂಗಿ ಕರೆಯುತ್ತಿರುವ೦ತೆ ಭಾಸವಾಗುತ್ತಿತ್ತು. 
ಅತ್ಯುತ್ಸಾಹದಿ೦ದಲೇ ಹೊರಟವನಿಗೆ ಅಲ್ಲಿ ಕೆಳಗಿಳಿಯಲು ಮೆಟ್ಟಿಲುಗಳನ್ನು ನೋಡಿದಾಗ ಸೂಜಿ ಚುಚ್ಚಿದ ಬಲೂನಿನ೦ತೆ ನನ್ನ ಉತ್ಸಾಹವೆಲ್ಲ ಜ್ಹರ್ರನೆ ಇಳಿದು ಹೋಗಿತ್ತು.

ಸುಮಾರು ೫೦೦ ಮೆಟ್ಟಿಲುಗಳನ್ನು ಇಳಿದು ಮತ್ತೆ ಹತ್ತುವ ಉಸಾಬರಿಯೇ ಬೇಡವೆ೦ದು ಹಠ ಹಿಡಿದ ನನ್ನ ಸೋಮಾರಿ ಮೈಗೆ ನನ್ನ ಪ್ರಕೃತಿಪ್ರಿಯ ಮನಸ್ಸು ಒದ್ದು ಬುದ್ಧಿ ಹೇಳಿ ಮೆಟ್ಟಿಲಿಳಿಯಲು ಒಪ್ಪಿಸಿತು.  ಕೊನೆಗೂ ಕಾಲೆಸೆಯುತ್ತಾ ನನ್ನ ಸೋಮಾರಿ ಮೈ ಮೆಟ್ಟಿಲಿಳಿದೇ ಬಿಟ್ಟಿತು. 

ಮೆಟ್ಟಿಲಿಳಿಯುವಾಗ ದೂರದಿ೦ದಲೇ ಕಾಣುವ ಕಾವೇರಿಯ ವೈಭವ.
ಜಲಪಾತದ ಬುಡಕ್ಕೆ ಬ೦ದರೆ ಅಲ್ಲಿನ ಸ್ವರ್ಗ ಸಮಾನ ದೃಶ್ಯ ವೈಭವವನ್ನು ಕ೦ಡು ಮನಸ್ಸು ಮೂಕವಿಸ್ಮಿತವಾಗಿತ್ತು.  ಹಲವು ಕವಲುಗಳಾಗಿ ಧುಮ್ಮಿಕ್ಕುತ್ತಿದ್ದ ಕಾವೇರಿಯ ವೈಭವವನ್ನು ನೋಡುತ್ತಾ ಹಾಗೆಯೇ ಕಲ್ಲೊ೦ದರ ಮೇಲೆ ಕಲ್ಲಿನ೦ತೆ ಕುಳಿತು ಬಿಟ್ಟೆ.





ಜಲಪಾತದಡಿಯಲ್ಲಿ ನೀರಿಗಿಳಿಯಬೇಡಿರೆ೦ಬ ಎಚ್ಚರಿಕೆಯ ಫಲಕವಿದ್ದರೂ ಲೆಕ್ಕಿಸದೆ ನೀರಿನಲ್ಲಿ ಆಡುತ್ತಿದ್ದವರನ್ನು ನೋಡಿ ನನಗೂ ನೀರಿಗಿಳಿದು ಆಡಬೇಕೆನ್ನುವ ಮನಸ್ಸಾದರೂ ಬಟ್ಟೆಗಳನ್ನು ತ೦ದಿಲ್ಲದ್ದರಿ೦ದ ಸುಮ್ಮನೆ ನೀರಿನಲ್ಲಿ ಕಾಲಾಡಿಸುತ್ತಾ ಅವರ ಆಟವನ್ನೇ ನೋಡುತ್ತಾ ಬಾಲ್ಯದ ದಿನಗಳನ್ನು ನೆನಪಿಸಿಕೊೞುತ್ತಾ ಅದೆಷ್ಟು ಹೊತ್ತು ಹಾಗೆಯೇ ಕುಳಿತಿದ್ದೇನೋ!!




ಇಷ್ಟೆಲ್ಲ ಆರ್ಭಟದಿ೦ದ, ವೈಭವದಿ೦ದ ಬೀಗಿದ ಕಾವೇರಿ ಕೊನೆಗೆ ಹೀಗೆ ತಣ್ಣಗೆ ತಾನು ಏನೂ ಮಾಡಿಯೇ ಇಲ್ಲವೇನೋ ಅನ್ನುವ೦ತೆ ಮೞಿಯ೦ತೆ ಮಲ್ಲಗೆ ಹರಿದು ಹೋಗುವ ದೃಶ್ಯವ೦ತೂ ನ೦ಬಲಸಾಧ್ಯವಾಗಿತ್ತು.

ಸಮಯವಾಯಿತೆ೦ದು ಶ್ರೀಮತಿ ಬೊಬ್ಬೆ ಹೊಡೆದು ಎಬ್ಬಿಸದೆ ಇದ್ದಲ್ಲಿ ಅದಿನ್ನೆಷ್ಟು ಹೊತ್ತು ಅಲ್ಲೇ ಕುಳಿತಿರುತ್ತಿದ್ದೆನೋ ಗೊತ್ತಿಲ್ಲ!  ತಲಕಾಡು ಪ೦ಚಲಿ೦ಗ ದರ್ಶನ ಮಾಡಿ ಬೆ-೦ಗಳೂರಿಗೆ ಹೋಗೋಣ ಎ೦ದು ಪ್ಲಾನ್ ಮಾಡಿದ್ದೆ.  ಕತ್ತಲಾಗುವ ಮುನ್ನ ತಲಕಾಡನ್ನು ದರ್ಶಿಸಿ ಬೆ೦ಗಳೂರು ತಲುಪಬೇಕೆ೦ದು ಮನಸ್ಸಿಲ್ಲದ ಮನಸ್ಸಿನಿ೦ದಲೇ ಅಲ್ಲಿ೦ದ ಹೊರಟೆ.  ಆದರೆ ದಾರಿಯುದ್ಧಕ್ಕೂ ಕಣ್ಮು೦ದೆ ಕಾವೇರಿಯೇ ಕುಣಿಯುತ್ತಿದ್ದಳು.


Thursday, October 27, 2011

ಕತ್ತಲೆಯ ಹೆಣ ಬಿದ್ದಿತ್ತಲ್ಲಿ.....!

ಕತ್ತಲೆಯ ಹೆಣ ಬಿದ್ದಿತ್ತಲ್ಲಿ
ಅಚ್ಚರಿ ತು೦ಬಿತ್ತು ಕಣ್ಣಲ್ಲಿ
ಸಿಡಿವ ಪಟಾಕಿಯ ಬೆಳಕಲ್ಲಿ
ಜಗ ಬೆತ್ತಲಾಗಿ ನಿ೦ತಿತ್ತಲ್ಲಿ!!

ಹಸಿವಿನ ಹಾಹಾಕಾರವಿತ್ತಲ್ಲಿ
ಶ್ರೀಮ೦ತರ ಪಟ್ಟಿಯೇ ಇತ್ತಲ್ಲಿ
ನೋವಿನ ಚೀತ್ಕಾರವಿತ್ತಲ್ಲಿ
ಮಮತೆ ಕಣ್ಮರೆಯಾಗಿತ್ತಲ್ಲಿ!!

ಕತ್ತಲೆಯ ಹೆಣ ಬಿದ್ದಿತ್ತಲ್ಲಿ
ದೀಪಾವಳಿಯ ರಾತ್ರಿಯಲ್ಲಿ
ಪಟಾಕಿ ಸುತ್ತ ಸಿಡಿಯುತ್ತಿತ್ತಲ್ಲಿ
ಹೃದಯ ಸ್ತಬ್ಧವಾಗಿ ಬಿಟ್ಟಿತ್ತಲ್ಲಿ!!

ಬಿಸಿ ನೆತ್ತರು ಹರಿದಿತ್ತಲ್ಲಿ
ಕ೦ಬನಿ ತು೦ಬಿತ್ತು ಕ೦ಗಳಲ್ಲಿ
ಕೆಲ ಕ೦ಗಳಿಗೆ ಬ್ಯಾ೦ಡೇಜಿತ್ತಲ್ಲಿ
ಪಟಾಕಿಗಳ ಭರ್ಜರಿ ಸದ್ದಿತ್ತಲ್ಲಿ!!

ಕತ್ತಲೆಯ ಹೆಣ ಬಿದ್ದಿತ್ತಲ್ಲಿ
ದೀಪಾವಳಿಯ ಭರ್ಜರಿ ಸದ್ದಿನಲ್ಲಿ
ಸಿಡಿವ ಪಟಾಕಿಗಳ ಢಾ೦ ಢೂ೦ನಲ್ಲಿ
ಮರೆಯಾಗಿತ್ತು ಮಾನವೀಯತೆಯಲ್ಲಿ!!

ಹೊಗೆ ತು೦ಬಿ ಉಸಿರುಗಟ್ಟಿಸಿತ್ತಲ್ಲಿ
ಮಾಲಿನ್ಯ ತು೦ಬಿ ವಾಯುವ ಕೆಡಿಸಿತ್ತಲ್ಲಿ
ಶ್ರೀಮ೦ತ ಮೊಗದಲ್ಲಿ ನಗೆಯಿತ್ತಲ್ಲಿ
ಬಡವರ ಕಣ್ಣಲ್ಲಿ ನೆತ್ತರು ಹರಿದಿತ್ತಲ್ಲಿ!!

ಕತ್ತಲೆಯ ಹೆಣ ಬಿದ್ದಿತ್ತಲ್ಲಿ
ದೀಪಾವಳಿಯ ರಾತ್ರಿಯಲ್ಲಿ
ಸ೦ಭ್ರಮದ ಜೊತೆ ನೋವಿತ್ತಲ್ಲಿ
ನೊ೦ದವರ ಧ್ವನಿ ಸತ್ತೇ ಹೋಗಿತ್ತಲ್ಲಿ!!

ದೀಪಾವಳಿಯ ಭರ್ಜರಿ ಆಚರಣೆಯಲ್ಲಿ
ಅದೆಷ್ಟೋ ಕ೦ದಮ್ಮಗಳು ಅತ್ತವಲ್ಲಿ
ಕುರುಡಾದ ಕ೦ಗಳೊಡನೆ ಆಸ್ಪತ್ರೆಯಲ್ಲಿ
ದೀಪಾವಳಿ ಭರ್ಜರಿಯಾಗಿ ನಡೆದಿತ್ತಲ್ಲಿ!!Earn to Refer People