ಹಿಂಗಂದ್ರೆ ಹೆಂಗಿರ್ತದೆ???

ಕನಸಿನೂರಿನ ಬೀದಿಯಲ್ಲಿ 

ನಿನ್ನ ನೆನಪಿನರಮನೆಯಲ್ಲಿ 

ಕನಸುಗಳ ತಂಗಾಳಿಯಲ್ಲಿ 

ನಿರೀಕ್ಷೆ ತುಂಬಿದ ಕಂಗಳಲ್ಲಿ 

ಕಾತುರದಿ ಕಾಯುತಿರುವಲ್ಲಿ 

ಹೋದೆ ಮರೆಯಾಗಿ ನೀನೆಲ್ಲಿ?

ಬರದೆ ದೂರಾಗಿ ಕಾರಿರುಳಿನಲ್ಲಿ?

ನೀ ಬರುವೆ ನೀಬರುವೆ ಒಂದೇ ರಾಗ 

ನೀ ಬರದೆ ನೀ ಬರದೆ ಬರಿದೀ ಜಗ!

ನೀನಿರದೆ ನೀನಿರದೆ ನನದೇನಿದೆ 

ನೀನಿರದ ಈ ಬಾಳು ಸಾಕಾಗಿದೆ

ನಿನಗಿಂದು ಕೇಳಿಸದೆ ಕಾಣಿಸದೆ  

ಬಡಿತ ನಿಂತಲ್ಲಿ ಈ ಹೃದಯದೆ

ಏನಿಲ್ಲ ನಿನಗಲ್ಲಿ ನಿನಗರಿಯದೆ! 

ನೀ ಬಂದರೂ ಬರದಿದ್ದರೂ 

ಮಣ್ಣಲ್ಲಿ  ಸೇರುವುದೀ ಶರೀರ 

ಬರುವುದಾದರೆ ಬಂದು ಬಿಡು 

ಆ ಜವರಾಯ ಬರುವ ಮುನ್ನವೇ 

ತಡವಾಗಿ ನೀ ಬಂದರೂ ಏನಿಲ್ಲ 

ಕೊನೆಗೆ ನಿನಗೇನೂ ಸಿಗದಲ್ಲ

ನೀ ಬಂದರೂ ಉಪಯೋಗವಿಲ್ಲ!