ಕುಣಿಯುತಿದೆ ಹಕ್ಕಿ,,,,!

ಮಳೆ ಮುಗಿಲ ಕಂಡು ಹರುಷದಿ ಕುಣಿಯುತಿದೆ ಹಕ್ಕಿ, 

ಹಾರಾಡಿ ಏರಿಳಿದು ಬಾನಗಲ ಜಗ ಸುತ್ತುವಾಸೆಯಲಿ..!

ಬಿಚ್ಚಿದೆ ತನ್ನ ಹಿರಿದಾದ ರೆಕ್ಕೆ, ಚಿಮ್ಮಲು ಆಗಸದೆತ್ತರಕೆ 

ಅಳಿವುದೇನ್, ಉಳಿವುದೇನ್, ನಡೆ ನೀನ್ ಅನಂತದಾಚೆ,

ಸಿದ್ಧವಿದೆ ಹಕ್ಕಿ ಹಾರಲೆತ್ತರಕೆ, ಚಿಮ್ಮುವುದೊಂದೆ ಬಾಕಿ,

ಬೇಡನೆಸೆದ ಬಲೆಗೆ ಸಿಲುಕಿದೆ ಕಾಲು, ಹಾರಲಾಗದು ಹಕ್ಕಿ !

ತಡಬಡಿಸಿದೆ, ಒದ್ದಾಡಿದೆ, ಕೂಗಿದೆ, ಚೀರಿದೆ ಬಿಕ್ಕಿ ಬಿಕ್ಕಿ,,!

ಬೇಡನೋ, ಸಿದ್ಧನಿರುವ ಕರುಣೆಯಿಲ್ಲದೆ ಕೊಲಲು ಕುಕ್ಕಿ ಕುಕ್ಕಿ !! 

ಮಳೆ ಮುಗಿಲ ಕಂಡು ಹರುಷದಿ ಕುಣಿಯುತ್ತಿತ್ತು ಹಕ್ಕಿ ,,,,,

ವಿಧಿರಾಯನ ಅಟ್ಟಹಾಸದೆ ನಲುಗಿ ಸೋತಿತ್ತು ಬಿಕ್ಕಿ....!