ಮಾರ್ಕಜ್ಞ ಚೌಪದಿ‬ :-)

ಸ್ಮಾರ್ಟ್ ಫೋನು ಕೈಲಿರಲು
ಡಾಟಾ ಪ್ಯಾಕು ಜೊತೆಗಿರಲು
ಅತ್ತ ಹುಡುಗಿ ಚಾಟಿಸುತ್ತಿರಲು
೪ಜಿ ಸ್ಪೀಡ್ ಹೋಗಿ ೨ಜಿ ಆಯ್ತಲ್ಲೋ ಮಾರ್ಕಜ್ಞ!
ದಿನವೂ ಬೆಳಗಾಗ ಕಣ್ಬಿಡಲು
ಹಲ್ಲುಜ್ಜದೆ ಮೊಗ ತೊಳೆಯದೆ
ದೇವರ ಪಟದತ್ತ ತಿರುಗಿಯೂ ನೋಡದೆ
ಸ್ಮಾರ್ಟ್ ಫೋನ್ ನೋಡಂಗಾಯ್ತಲ್ಲೋ ಮಾರ್ಕಜ್ಞ !
ಮುಖಪುಟದಿ ದೊರಕಿದಾ ಮುತ್ತಿನಂಥಾ ಗೆಳೆಯರು
ಅದು ಬರಿ ಇದು ಬರಿ ಎಂದು ಬರೆಸುತಲಿರಲು
ಮಸ್ತಕವ ಕೆರೆಯುತ ಕೀ ಬೋರ್ಡ ಕುಟ್ಟುತ್ತಲೇ
ಈ ನರಜನ್ಮ ಪರಮ ವಾವನವನೆಂದ ಮಾರ್ಕಜ್ಞ !