ಹೊರಟೆಯಾ ಗೆಳೆಯ,,,ನೀ ಹೋಗುತಿರುವೆಯಾ,
ನಿನ್ನ ನಿಲುದಾಣ ಬಂದಿತೇ,,,ಹೊರಟೇ ಬಿಟ್ಟೆಯಾ?
ಎಲ್ಲರಂತೆ ನೀನೂ ಅಂದು ಹೊಸತನದಿ ಬಂದಿಳಿದಿದ್ದೆ
ಭರಪೂರ ಭರವಸೆಗಳ ಮೂಟೆಯನೇ ಹೊತ್ತುತಂದಿದ್ದೆ
ದಿನಗಳೆದಂತೆ ಎಲ್ಲವೂ ಪೊಳ್ಳಾಗಿ ಸುಳ್ಳಿನರಸನಾದೆ
ಸಿಹಿಯೆಂದು ನಂಬಿಸಿ ಸ್ವಲ್ಪ ಹೆಚ್ಚೇ ಖಾರವ ತಿನಿಸಿದ್ದೆ!
ಹೊರಟೆಯಾ ಗೆಳೆಯ,,,ನೀ ಹೋಗುತಿರುವೆಯಾ,
ನಿನ್ನ ನಿಲುದಾಣ ಬಂದಿತೇ,,,ಹೊರಟೇ ಬಿಟ್ಟೆಯಾ?
ಹಿಂದೆ ಬಂದವರೆಲ್ಲ ಮಾಡಿದ್ದನ್ನೇ ನೀನೂ ಮಾಡಿದೆ
ಆದರೆ ನೀ ಮಾಡಿದ್ದು ಅಳಿಸಲಾಗದ ಗಾಯ ಈ ಮನದೆ,
ನಾ ಸೋತೆನೆಂದು ನೀ ನಂಬಿದೆ, ನಾನಂತೆ ನಟಿಸಿದೆ,
ನೀ ಕಲಿಸಿದ ಕಠಿಣ ಪಾಠ ನನಗಿಂದು ಗುರುವಾಗಿದೆ!
ಹೊರಟೆಯಾ ಗೆಳೆಯ,,,ನೀ ಹೋಗುತಿರುವೆಯಾ,
ನಿನ್ನ ನಿಲುದಾಣ ಬಂದಿತೇ,,,ಹೊರಟೇ ಬಿಟ್ಟೆಯಾ?
ಹೋಗಿ ಬಾ ಗೆಳೆಯ ನಿನಗಿದೋ ನನ್ನ ಅಂತಿಮ ವಿದಾಯ
ನಾ ಹೋಗಬೇಕಿದೆ ಬರಲಿರುವ ಹೊಸಬನ ಸ್ವಾಗತಿಸಲು,
ಅವನ ಬಗಲಲ್ಲಿರುವ ಚೀಲದ ತುಂಬಾ ಹೊಸ ಕನಸುಗಳು,
ಅವನ ಮಂದಸ್ಮಿತ ವದನದಲಿ ಪ್ರೀತಿಯ ಕಿರಣಗಳು......!
ಹೊರಟೆಯಾ ಗೆಳೆಯ,,,ನೀ ಹೋಗುತಿರುವೆಯಾ,
ನಿನ್ನ ನಿಲುದಾಣ ಬಂದಿತೇ,,,ಹೊರಟೇ ಬಿಟ್ಟೆಯಾ?
Earn to Refer People
2 comments:
Happy New year Manjanna. How are you?
I am ok Shani, thanks for the wishes and a happy n bright new year for you n your family.
Post a Comment